لو حد يعرف العيب ده يبقى كتر خيركوا يا رجاله

[abdelhady83]

العربيه ماشيه كويس بس لو كبست بنزين على الاخر العربيه مبتسحبش خالص ارفع رحلى شويه العربيه تسحب

لو فضلت كابس العربيه تعمل صوت فرقعه زى الباك فاير و تسحب جامد جداً بس ارفع رجلى على السلانسيه العربيه مش جايبه خالص تقف مره واحده و بعدين لمبه الشيك انجين تنور

رحت للمكانيكى قالى كهربا رحت للكهربائى الكمبيوتر مش قارى العربيه


ياريت لو حد عنده العيب ده او يعرف ده بيحصل ليه ياريت يفدنى


العربيه فيات برافا 1400

[saadelden]

ممكن تكون الرشاشات عايزه تتنضف او البوجيهات ضعيفه

فلتر الهوا غيرته اخر مره امتى ؟

[hko]

الاكسراتير

[abdelhady83]

ممكن تكون الرشاشات عايزه تتنضف او البوجيهات ضعيفه

فلتر الهوا غيرته اخر مره امتى ؟

فلتر الهوا مغيرتوش ولا مره

هو لازم يتغير كل اد ايه ؟؟؟

[abdelhady83]

الاكسراتير

ماله ؟؟؟؟؟

[smsm_nabawy]

عربية حضرتك عاملة كام كيلو ؟؟

غيرت البوجيهات ولا لا ؟؟

العيب ده بيبقى ليه أسباب معينة حسب معرفتي البسيطة !!!

1-بوجيهات غلط "مش بتاعت العربية" ،، أو بوجيهات باظت
2-رشاشات عايزة تتنظف
3-حساس معين "و الي بيحدد انه حساس فيهم هو كارتة الكمبيوتر لما تكشف عليها"
=============

فيه حاجات تانية حتعتمد على أجابة حضرتك !!

و أحنا معاك واحدة واحدة لحد منعرف الحل مع حضرتك أن شاء الله ،، و أن شاء الله بسيطة :)

[saadelden]

فلتر الهوا مغيرتوش ولا مره

هو لازم يتغير كل اد ايه ؟؟؟

فلتر الهوا بيكتم العربيه لو مسدود او بقاله كتير و شايل تراب

كل عربيه و ليها فتره و تغير فلتر الهوا او ع الاقل يتنضف لو لسه حالته معقوله

[abdelhady83]

عربية حضرتك عاملة كام كيلو ؟؟

غيرت البوجيهات ولا لا ؟؟

العيب ده بيبقى ليه أسباب معينة حسب معرفتي البسيطة !!!

1-بوجيهات غلط "مش بتاعت العربية" ،، أو بوجيهات باظت
2-رشاشات عايزة تتنظف
3-حساس معين "و الي بيحدد انه حساس فيهم هو كارتة الكمبيوتر لما تكشف عليها"
=============

فيه حاجات تانية حتعتمد على أجابة حضرتك !!

و أحنا معاك واحدة واحدة لحد منعرف الحل مع حضرتك أن شاء الله ،، و أن شاء الله بسيطة :)

العربيه عامله 215000


1- البوجيهات متغيره من حوالى سبع شهور و كانت العربيه كويسه
2-العربيه هاف انجيكشن و عندها رشاش واحد و ده اتنضف باسبراى تنضيف الرشاشات و لسه العيب موجود
3-رحت لكهربائى عنده جهاز الكمبيوتر الجهاز مقراش العربيه خالص و عمل ايرور

و شكراً لاهتمام حضرتك بجد و اتمنى انى القى الحل معاكوا

[smsm_nabawy]

العربيه عامله 215000


1- البوجيهات متغيره من حوالى سبع شهور و كانت العربيه كويسه
2-العربيه هاف انجيكشن و عندها رشاش واحد و ده اتنضف باسبراى تنضيف الرشاشات و لسه العيب موجود
3-رحت لكهربائى عنده جهاز الكمبيوتر الجهاز مقراش العربيه خالص و عمل ايرور

و شكراً لاهتمام حضرتك بجد و اتمنى انى القى الحل معاكوا

هوا نظف الرشاشات أزاي ؟؟ فكه و طلعه من الكبود و نظفه ،، ولا ؟؟

لنه لو رش عليه و هوا متركب يبقى بحح !! ولا كانه عمل حاجة !!

طالما العيب ده ظهر بعد تغير البويجهات يبقى هيا السبب !! حضرتك متأكد ان البوجيهات دي هيا المناسبة لعربية حضرتك ؟؟؟

علشان الفرقعة الي بتتسمع من الكبود "زي الباك فاير" دي بتبقى سببها البوجيهات !!

لازن البوجيهات تكون مناسبة لحضرتك ،،

واحد بيشتغل في توكيل العربية بتاعتي ،، كان قالي كده و شرحلي ليه العربية بتاعتي لازم أحط البوجيهات المتوافقة مع كارتة الكمبيوتر بتاعتها !! علشان ده بيعمل أيرور في كارتة الكمبيوتر ،، و ممكن يؤدي انها تضررب أصلاً و العياذو بالله

و قالي أن ده بيكون ليه علاقة بتكثيف البوجيه نفسه و المادة المصنوع منها

طبعاً احنا عارفين أن البوجيه بيختلف في طرد للحرارة من واحد للتاني ،، البوجيه المتناسب مع كارتة الكمبيوتر هوا ده الي بيكون أنسب حاجة في طريقة التشغيل ،، .. لأن كارتة الكمبيوتر بتكون متوافقة معاه و مبيعملش مشاكل معاها !!

اما لو مش متوافق معاها ،، حيعمل ايرور و مش حيحرق كويس !!

و قعد يشرحلي ان في حاجة أسمها باك فاير ،، دي بتحصل لما يكون الوبجيه مش متوافق مع كارتة الكمبيوتر و طريقة السواقة ،، و أنها ظاهرة عبارة عن ان البوجيه بعد مبتبطل العربية ،، بيكون لسه سخن اوي و سنه محمممر لدرجة بتخليه قادر يشعل خليط الأشعال بدون الحاجة لأي شرارة !!

و بتبان لما تييجي تبطل ،، تلاقي العربية بتتهز و تبطل بعد كام ثانية كده !!

و ان حاجة زي دي مضرة و ممكن تجيب وش سليندر أو بلاوي تانية !!

المهم هوا خلاني أعرف قد أيه البوجيهات مش حاجة تافهة و الواحد ممكن يستهين بيها !!

آسف للاطالة !!

[Maged_Samy]

حصل العيب ده عندى فجأه وشكيت فى كل حاجة فى العربيه وكان العيب رداخ البنزين ..