أشيل أثار اللزق من الاكصدام ازاي ؟؟؟؟

[Eng.Mina]

مساء الخير
انا لازق عندي علي اكصدامات العربية صدادة كاوتش بطول الاكصدام قدام وورا وهما بصراحة بيحموا الاكصدامات حلو بس للأسف امبارح واحد خبطني من ورا خبطة جامدة بس الصدادة دي شالت معظم الخبطة واتقطعت من مكان الخبطة فانا جبت واحدة جديدة وشيلت القديمة بس مش عارف اشيل اثار اللزق اللي علي الاكصدام يا تري التنر ممكن يكون كويس ولا حايضر الدهان ؟؟؟؟

[dr.hazem]

انا عندي فركته بايدي لحد اما طلع كله
ممكن تجرب الدبليو دي او التنر بس متكترش لا من ده ولا من ده وهيطلع ان شاء الله
بس جرب الاول تفركه وهتلاقيه بيطلع خصوصي لو بقاله كم يوم في ترابنا وشمسنا الحبيبه


تحياتي

[A.Saad]

لو راشش بلاش تنر
جرب بنزين

[إبراهيم المصرى]

1- جرب مسحوق غسيل زى الايريال بس خليه زى العجينه يعنى كبشة من المسحوق على ميه قليله يعنى يبقى مبلول فقط وادعك بعجينة المسحوق بحتة قماش مع ميه دافيه مرتين ثلاثه و أغسل بميه سخنه الى حد ما
ولو منفعش
2- جرب الجاز
3- بنزين
4- لو راشش فرن ممكن تجرب التنر بس بحرص
5- ممكن برضه تجرب بكمبوند وقطنه ولمع
ملحوظه الكمبوند هو اللى بيتباع عند تاجر البويات وهو غير البولش حيث ان الكمبوند مسحوق ابيض ومش ناعم اوى يعنى اخشن شويه من البولش والبولش اصفر شويه

[Ashraf_Ibrahim]

انا برده فركته بايدي واتشال عادي :d

[Eng.Mina]

متشكر اوي علي الردود هي العربية عندي مش راشة فرن ولا حاجة واللزق لسه طري بحاول افركه بايدي بس مابيطلعش خالص

[fineart607]

عليك بقطنة وبولش وابدا بالحك حتى زوال العلامات وان شاء الله تتشال بسهولة

[Eng.Mina]

استخدمت النفط من عند بتوع الحدايد والبويات والنتيجة ممتازة