ارجو المساعد فى تظبيط فيات 125

[shair]

السلام عليكم ورحمه الله وبركاته
بارك الله فيكم
يعنى مثلا الاول انا عايز اغير تابلوه اى نوع ممكن اجيبه وسعره تقريبا كام
ودفيره العربيه دى بكام
وبالنسبه لعلبه الدركسيون قيات132 5 بليه بكام وهل هى جديده ولا مستعمله
وبالنسبه للشكمان نوع شكمان كويس ونوعه وسعره؟ ولو حد عنده فكره لتظبيط العربيه ياريت يقولى
معلش بتقل عليكم

[Zika9909]

دوّر في حاجات البولونيز، لأن البولونيز هي أصلاً تعديل للفيات 125 فهتلاقي حاجات كتير مشتركة بينهم.

[hugan]

لو تبيعها وتكمل وتشتري بولونيز يكون افضل
لان كل عيوب ال 25 تم تلافيها في البولونيز
شكل احدث بمراحل
صالون احدث تابلوه احدث فتيس 5 غيار ومش علي اتياش وكارونه احدث ما بتونش

القوايم ما بتتكسرش ولا في طقطقه
والمبلغ اللي ها تدفعه في تظبيط ال 25 تستفيد بيه وتركب بولونيز

حضرتك لك حريه الاختيار

[shair]

جزاكم الله خيرا
اخى الصراحه العربيه لسه شريها فصعب ابيعها
لو ممكن اى فكره كده فى التظبيط
مثلا التابلوه بدل ما اغيره ممكن اجلده جلد صح هل فى طرق تانيه

[smsm_nabawy]

ممكن تجلد التابلوه بستيكر كاربون فيبر !!

أو ستيكر الوان عادي الي انت عايزه !! :))

ممكن تعمل الفوانيس ليدات و كده يعني !! :))

[shair]

استاذ سمسم جزاك الله خيرا
بس لو توضحلى شويه اصل اخوك لسه جديد فى الكار ده وميش عارف حاجه
ممكن تقولى اجيبهم منين ومين يعملهملى

ارجو التوضيح بالتفصيل معلس لسه مبتدا
وعلى فكره انا اسكندرانى برضه

[smsm_nabawy]

قششطة اوي !! ،، عزبة سعد مليانة الحاجات دي !!

و لو عايز أي مساعدة أنا ممكن أقابلك في يوم و ننزل مع بعض عزبة سعد و نجيب الستيكر الكاربون ،، و انت تجيب أستشوار و نروح تحت بيتك أو بيتي لو عايز و نعمله مع بعض ! مفيش مشاكل ،،

الأستيكر الكاربون ده ،، بيكون شبه الكاربون فيبر كده ،، بس ستيكر ،، بيدي عربييتك شكل كانها مركبة كاربون فيبر ،، بس بيكون باين أوي أوي و هوا بره العربية ،، بمعنى لو على الكبود أو كده

و أنا شايفه على العربية من برا فلاحي أوي "مع أحترامي لكل الي حاطينه طبعاً و لكنها أرآء" ،، لكن على التابلوه بيديه شكل جميل كده !! و بيداري الخدوش و الحاجات دي !!

و بعد منخلص الحوار ده نشوف حوار الليدات ده أن شاء الله مع بعض برده !! :)

العريبة عامةً ملهاش شغل كتير من الخارخ ،، يعني مقدرش أقولك أعملها عتب و كساحات ،، لن حلاوتها في الشغل بتاع الحاجات دي يتعمل بطريقة تحافظ على شكلها الكلاسيكي شويتين ! زي كده مثلاً



و معاك في أي تساؤل

[saadelden]

هاتلها تابلوه 131 و ريح دماغك

[shair]

استاذ سعد
هل لو جبت تابلوه 131 ينفع يركب عندى ولا فى حاجات عايز تتعدل

[shair]

منتحرمش منك يا سمسم وان شاء الله مع بعض بقا احنا اسكندرانيه زى بعض وربنا يباركلك على مساعده الناس بدون اى غرض
ويرزقكك ما تتمناه

[smsm_nabawy]

آآآمين يا رب،، و ألف شكر ،، و عيب الناس لبعضها و معرفتهم كنوووز !! و ربنا يديم المعروف بأذن الله :)

و زي متفقنا أن شاء الله مع بعضنا في الموضوع ده !! :)

[aymansaad]

تابلوه اللادا بيركب على 125بتاع 2107

[shair]

جزاك الله خيرا