سؤال في الرشاشات

[albasha]

هل يتحكم كمبيوتر السياره في كمية الوقود المضخه عبر الرشاشات
أو ان يكون الموضوع حسب الرشاش
لأني سمعت أن في ناس بتغير رشاشات عربياتها برشاشات bmw
فهل كمبيوتر العربيه بيبقي متسجل عليه إن الرشاش ده بيضخ كمية بنزين معينه فبيديله أمر بضخ الكميه ديه ولا في حالة تغيير رشاش من سياره نوع معين لرشاش نوع تاني يكون بياخد كميه أكبر فيرش الكميه الأكبر ولا هنا الكمبيوتر بيدخل علشان يتحكم في الموضوع ده
نصعب الموضوع شويه لو واحد باظ من عنده رشاش وأضطر يغيره برشاش تاني يكون من عربيه تانيه سعة الموتور أكبر في الحاله ديه الكمبيوتر بتاع العربيه يتحكم في كمية الوقود المضخه من خلاله زيه زي باقي الرشاشات ولا هو يضخ كميه والباقي كميه تانيه
ياريت نسمع رد الخبراء في الموضوع اللولبي ده

[ahmedhawas]

اللي بيتحكم في الموضوع ده : كمبيوتر العربية.
وده من خلال ال injector pulse width وهي عبارة عن الفترة اللي بيظل الرشاش فيها مفتوح وهو بيرش بنزين وبتكون حوالي 20 أو 30 مللي ثانية.
بالنسبة لتغيير الرشاشات إلى رشاشات لعربية تانية .. أنا ضد الكلام ده تماما.
عشان كمبيوتر العربية(البيانات المتخزنة فيه والبيانات اللي بيتم معالجتها من خلاله) كلها معمولة على أساس ان الرشاش الأصلي هو اللي راكب وكذلك باقي الحساسات.

[albasha]

معني كده أن لو تم تغيير الرشاشات برشاشات نوع تاني ممكن يعمل مشكله علي أساس ان الكمبيوتر مش هيعرف الفرق بين الكميه المفروض يتم ضخها من الكميه التي تم ضخها بالفعل
ومعني كده برضه إن لو تم تغيير رشاش واحد بس يكون أسوء علي أساس إنه هيضخ كميه تانيه خالص لوحده وبالتالي هيبرجل العربيه
كده الكلام صح ولا ممكن الكمبيوتر يقدر يشوف إن الكميه المضخه من الرشاش زياده فيقلل زمن الضخ وبالتالي يتغلب علي المشكله

[ahmedhawas]

معني كده أن لو تم تغيير الرشاشات برشاشات نوع تاني ممكن يعمل مشكله علي أساس ان الكمبيوتر مش هيعرف الفرق بين الكميه المفروض يتم ضخها من الكميه التي تم ضخها بالفعل
ومعني كده برضه إن لو تم تغيير رشاش واحد بس يكون أسوء علي أساس إنه هيضخ كميه تانيه خالص لوحده وبالتالي هيبرجل العربيه
أكيد طالما هناك فرق بين مواصفات الرشاش الاصلي عن الرشاش اللي راكب. وأكيد برضو معايرة نسبة الهواء للبنزين هتتم على أساس غير سليم، وبالتالي كفاءة الحريق ممكن تتغير.
كده الكلام صح ولا ممكن الكمبيوتر يقدر يشوف إن الكميه المضخه من الرشاش زياده فيقلل زمن الضخ وبالتالي يتغلب علي المشكله
دي حاجة تانية .. لو العربية مزودة بحساس أكسجين ، فهيقيس نسبة الأكسجين في العادم ولو لقاها قليلة ، هيقلل ال pulse width فعلا عشان يظبط نسبة الهوا للوقود ولكن إستنادا على وجود الرشاش الأصلي.

هو انت غيرت الرشاشات ولا ايه؟؟