استفسار عن شراء عربية

[haythoom_7]

السلام عليكم
بما اننا في ورشة نيل موتورز
عاوز اسأل عن عربية مازدا 323
سعرها لو عربية كويسة يبقى كام
وايه مميزات وعيوب العربية
اصل دى اول عربية والميزانية مش واسعة قوي ومفيش مجال للمجازفة
شاركونا بخبراتكم
الميزانية حوالي 15000 تزيد الف او اتنين
جزاكم الله خيرا

[aboomar22]

مميزات العربية اقتصادية فى الوقود وقطع الغيار ناعمة جيدة فى اعادة البيع توافر قطع الغيار استيراد وجديد سحبها كويس عيوبها منخفضة (واطيه) ممكن تخبط فى المطبات وقعتدها مش واسعة فى منها خليجة بتكييف وفى منها بدون تكيف وفى منها 1300 و1500 سى سى اسعارها فى حدود 17 -20 والمكيفة ممكن توصل الى 22 /23 بس اظن انها احسن عربية فى الفئة السعرية دى

[haythoom_7]

طيب موضوع انها واطية ده مش بيتحل انى اعلي العفشة مثلا
معلش ممكن يكون سؤال عبيط لاني مليش في العربيات ولسه هتعامل

[khaled_sabry]

طيب موضوع انها واطية ده مش بيتحل انى اعلي العفشة مثلا
معلش ممكن يكون سؤال عبيط لاني مليش في العربيات ولسه هتعامل

من خلال تجارب ناس كتير
بلااااااااااااش تلعب فى العفشه و لا تحط علايات و لا تكبر جنوط و لا اى حاجه من الافتكاسات دى
لأن اى حاجه حتعدل فيها حتيجي على حساب حاجه تانيه

[haythoom_7]

طيب يا اخواننا العربية واطية بدرجة تخوف خصوصا ان المنطقة عندي مش متسفلتة ؟؟؟؟

[aboomar22]

ممكن طبعا تركب علايات بس المتوسطة مش العالية وهى نفس ارتفاع اللانسر موديلات ال82 -84 وكمان الكرولا القديمة نفس الموديلات توكل على الله معظم العربيات فى مصر وهى محملة بتخبط فى المطبات

[haythoom_7]

طيب مازدا حالتها معقولة تيجى ب 17 او 18 :(

[khaled_sabry]

شغاله ماشى

[haythoom_7]

طيب ممكن لو حد لقي عربية مازدا فى حدود 18000 يقولي
وايه رايكم فى ال 131
يعنى التفضيل لايه عن ايه

[khaled_sabry]

طيب ممكن لو حد لقي عربية مازدا فى حدود 18000 يقولي
وايه رايكم فى ال 131
يعنى التفضيل لايه عن ايه

ماينفعشى تقارن بين 131 و مازدا
- المازدا عربيه صغيره و بتاعت بلد .. بتستحمل بهدله المطبات صحيح و اعطالها قليله لكن صاجها خفيف (مش خفيف زى العربيات الجديده الورق بس بالنسبه للقديم فهو خفيف ) و وزنها بشكل عام خفيف و بالتالى هى مش ثابته على السرعات العاليه و لا ينصح بها لو كنت دائم السفر

- 131 كبيره و تستحمل سفر مشاوير طويله .. لكن كعادة الفيات اعطالها كتير وصعب تلاقى قطع غيار اصليه (حتى لو مكتوب عليها Made in Italy ) و بسبب كده اعطالها كتيره بس عضمها ناشف و تقيله و ثابته على الطريق

[mrastra]

ماينفعشى تقارن بين 131 و مازدا
- المازدا عربيه صغيره و بتاعت بلد .. بتستحمل بهدله المطبات صحيح و اعطالها قليله لكن صاجها خفيف (مش خفيف زى العربيات الجديده الورق بس بالنسبه للقديم فهو خفيف ) و وزنها بشكل عام خفيف و بالتالى هى مش ثابته على السرعات العاليه و لا ينصح بها لو كنت دائم السفر

- 131 كبيره و تستحمل سفر مشاوير طويله .. لكن كعادة الفيات اعطالها كتير وصعب تلاقى قطع غيار اصليه (حتى لو مكتوب عليها made in italy ) و بسبب كده اعطالها كتيره بس عضمها ناشف و تقيله و ثابته على الطريق

انا اختلف معاك المازدا من اهم مميزاتها انها ثابتة على الطريق جدا جدا لان ارتفاعها وعرضها بيديها ثبات غير عادى ومريحة جدا فى السفر
كمان انا مختلف مع حضرتك جدا فى موضوع وسع العربية
الـ 323 صالونها واسع جدا من جوة وانا بعتبرة اد صالون الـ 504 وطبعا اكبر من صالون الـ 131 وقاعدتها مريحة اكتر وينصح بها جداااااااااااا لو انت دجائم السفر .........انا مشوارى كل يوم 100 كيلو وكانت معايا المازدا عمرى ما حسيت انى مش قادر اسيطر عليها او انى مش لاممها مع انى بحرب الجرى جدا
خلاصة الكلام مازدا افضل بكتير من الـ 31