استفسار لشراء فيات اونو او فيات سيينا او اكسنت

[snoop]

[overline]لو سمحت يا جماعة الخير انا بعت عربيتى من كام يوم وعايز اكمل عالمبلغ واعلا شوية ومحتاج عربية موديل 2000 او بعده وتكون بتكييف وحالة جيدة العروض قدامى دلوقتى الاتى:
اونو 97 فاضية على 23 الف صاحبها بيتكلم السوال بقا هل العربية دى حلوة للسفر ولا اى كلام
فيات سيينا موديل 2001 على 34 الف هل قطع غيارها وسحبها كويس ولا
انا كنت بفكر فى الاكسنت 2000 ايه رائيكم فيها هيا فى رينج 34-35 الف انهى الافضل فى التلات انواع دول

لو تكرمتم ولو حد يقولى انواع تانية يبقا كتر خيره وشكرا جزيلا
[/overline]

[motoxp]

السيينا حمالة اسية وقطع غيار معقولة بس اعادة البيع وحشة
الاكسنت ممتازة بس السيينا اقوى ماتور وثبات وصاج
والكلام ده عن تجربة
وعلى فكرة الاكسنت بياعة اوى
الاونو بصراحة مش بفضلها

[snoop]

جزاك الله خيرا عالرد اصل انا ناوى انزل سوق السيارت بكره ان شاء الله
فعايز اركز على نوع معين واشوف الدنيا فيها ايه
رينج الاكسنت الكويسة كام لو حد يتكرم ويقولى
وبرضوا السيينا وشكرا ليكم

[modo88]

بالنسبه للاكسنت علي حسب ياباشا انت عايزها راشه بره ولا فابريكه
لو راشه بره فعلا زي الرينج اللي انت قولت عليه 34:35
لو فابريكه وعربيه فعلا يتقال عليها سليمه مش هاتقل عن 40
وطبعا بكلمك علي موديلات من 98 ل 2003 الموديلات اللي اعلي من كدا لغايه 2006 اسعار تانيه
ربنا يوفقك ويهديك للخير

[snoop]

والله انا نزلت السوق الجمعة بتاع العاشر النهاردة وشوفت وسمعت اسعار عجيبة
لاقيت الاتى بولو 95 عايزة كمبريسور للتكيف على 28 الف 1300 سى سى حالتها العامة عايزة شوية تظبيط
لاقيت اوبل كورسا موديل 98 حالتها جيدة وبيتكلم فى 30 وممكن تنزل كمان هاف اوبشن
ولاقيت لانسر بطه موديل 92 حالتها العامة كويسة بيتكلم فى 35 الف
ايه رائيكم يا جماعة افيدونى انا معايا تلفونات اصحاب العربيات دى للى عايز يشترى برضوا يقولى ورائيكم اختار ايه انا المهم عندى الصيانة وقطع الغيار والتكييف ؟؟؟؟؟؟؟؟؟؟؟؟؟؟؟؟؟؟؟؟؟؟؟

[beshomilan]

الاكسنت بلا منازع طبعا والاكسيل كمان بس الاكسنت فعلا افضل من كل اللى حضرتك ذكرتهم وهتعرف لما تشتريها
السيينا الميكانيكية مبيحبوش يشتغلوا فيها عشان حوضها ضيق وهى اصلا ضيقة من جوه
الاكسيل بحر وقطع غيار فى الارض وبياعة بشكل مهول
الاكسنت اضيق بسيط من الاكسيل لكن هى هى الاكسيل وممتازة جدا وشكلها انسيابى

[snoop]

الف شكر لردك يا باشا يا ريت لو حد عارض اكسنت للبيع تكيف+ الحالة العامة جيدة يقولى

[beshomilan]

ادخل كونتاكت كار وكل حاجة هتلاقيها فيه
ContactCars

[snoop]

الف شكر ليك ومنتظر راى الاعضاء فى الفيات اونو والاكسنت عن تجربة

[DONYO]

انا معايا سيينا 1600 ومقولكش قوة تحمل وسحب رهيب وواسعة جدا من جوة وشنطة مهولة وبالنسبة لموضوع الميكانيكية هي فعلا ليها ميكانيكية معينين وهما بس اللي بيفهموا فيها
وربنا يوفقك

[snoop]

انا بحاول اشوف حاجة اكسنت ان شاء الله يا ريت لو حد عايز يبيع يقولى

[modo88]

انا بحاول اشوف حاجة اكسنت ان شاء الله يا ريت لو حد عايز يبيع يقولى

احسن اختيار ليك وهيا عربيه تمام ومعايا منها موديل 99
وبالنسبه للمعلومات اللي كنت طالبها من ملاك العربيات اللي ف المقارنه اقدر افيدك ف الاكسنت
سحب جميل جدا قطع غيار رخيصه جدا تكييف قوي جدا جدا
بص ياباشا دور علي الاكسنت ولو لقيت 1300 وحالتها حلوه خلص فيها ومش مشكله الباور اللي في 1500 لانك تقدر تركب باور عادي علي ال 1300 ومش هايكلفك غير 450 جنيه بس و50 مصنعيه يعني كله 500 وهاتبقا راكب عربيه كامله تخيل كدا باور كامل ب 500 جنيه شوف اي عربيه تانيه حبيت تركب باور فيها شوف هايتكلف كام
واي استفسار تحت امرك

[snoop]

الله يباركلك يا ريت يا جماعة اى حد ناوى يبيع يقولى وان شاء الله خير

[snoop]

طيب ايه رائيكم فى فورد اسكورت موديل 98 وحالتها كويسة بكام تقريبا وايه عيوبها واسعار قطع غيارها لو حد يعرف يا ريت يقولى وشكرا ليكم

[samyyousef]

السيينا أفضل عربية في الثلاث أنواع التي تفاضل بينها بشرط أن تكون حالتها كويسة, فهي تتميز بالثبات و الارتفاع عن الأرض, أما لو حالتها سيئة أو بائعها لا تعرفه و ربما يخفي عيوبها فيفضل الكوري. و بالمناسبة توجد أمامي سيارة فيات برافا موديل 2001 المسافة المقطوعة 71 الف كيلو و هي فئة أعلى من السيينا صناعة ايطالي 100% و قطع غيارها متوفرة و قريبة من أسعار قطع غيار السيينا. و ربنا يوفقك.