وا سبعاوياه

[peranha]

ملناش غيرك يا سبعاوي نحدف همومنا عليه وده قدرك وباب ثواب انفتحلك
عربيتي تمبرا 95 انجكشن ... كهربتها مش مظبوطه لما انقل من الاول للثاني وادوس بنزين الاقي العربيه تتخنق وممكن تتطفي واضطر ارجع علي الاولاني واخدها بالراحه وانا بانقل علي التاني .
كويس .. رحت شركة النيل الهندسيه وحطوها علي الكومبيوتر قالولي غير بوجيهات وسلك بوجيهات و TPS ...مع اني في كشف سابق قالولي tps وغيرته من شهرين وغيرت حديثا سلوك البوجيهات اللي ناقص البوجيهات لانهم طالبين بوجيهات شامبيون RN7YCC ودي مش لاقيها ..
العربيه لسه فيهل العيب فهل تشخيصهم صح ولا ايه ؟
وهل ترشح مكان اروحله يكون فاهم في شغله كويس وعلي اساس علمي .

[OlaOsman]

حرام عليك انا افتكرت انه لا قدر الله حصل حاجة لسبعاوي :(

[aif]

حرام عليك انا افتكرت انه لا قدر الله حصل حاجة لسبعاوي :(

ربنا يخليلنا سبعاوي ويحفظه من كل سوء ...
اعتقد هو قصده علي وزن واااااا معتصماااااه :D

[sab3aawy]

حرام عليك انا افتكرت انه لا قدر الله حصل حاجة لسبعاوي :(

الحمد الله انا لسة زى القرد محصلليش حاجة، فيما عدا طبعا حالة الإحباط البنزينى اللى مخليانى مش عايز اكتب اى حاجة لأن اى حاجة اكتبها هتطلع ريحتها بنزين محروق

بالنسبة للسؤال الأصلى ، هل لما غيرت ال TPS حصل اى فرق فى الأداء؟ واللا العيب زى ما هو بدون اى تغيير، الحاجة التانية البوجيهات اللى راكبه حاليا اخبارها ايه؟على فكرة الفروق فى البوجيههات ضئيلة جدا ولا تسبب مشكلة من هذا النوع، ولذلك لو مش لا قى شامبيون بالرقم المطابق لعربيتك
دور على المقابل الدنسو او البوش او ال NGK

البوجية ال NGK رقم PCBR7E هو المناسب للتمبرا ما بعد 1993 موتور 1600

http://www.ngkpartfinder.co.uk/car_commercial_search.php?type=SPARK%2520PLUGS&manufact=FIAT&model=TEMPRA&engine=1.6

واكبر موزع لبوجيهات NGK موجود فى التوفيقة فى شارع زكى اسمه حاجة صليب ، ومعرضة كبير وواضح جدا وغالبا هتلاقى عنده كل موديلات ال NGK

وكود المحرك بتاعك علشان لو عايز تدور على اى بوجيهات تناسبه هو a 159.A3.000

"ملحوظة: الكود بدون حرف ال a small اللى موجودة على الشمال بس انا كل ما اكتبه من غير حرف فى اوله يطلع ملخبط"

بس انا مش معتقد ان المشكلة دى من البوجيهات لأن اقرب فكرة لها هى فكرة الTPS ،

المشكلة اللى عندك دى ببساطة هى ان كمية البنزين اللى بتدخل للمحرك ساعة ما انت بتدوس على الاكسراتير مش كافية

وده ممكن يحصل لواحد من الأسباب الآتية:

1- باب الثروتل بادى فيه مشكلة
2- الTPS) throtle position sensor)فيه مشكلة ودى مفروض انك حليتها
3- الكامة متآكلة
4- التاكيهات مش مظبوطة
5-ضغط طرمبة البنزين غير كافى
6-سدد فى طريق البنزين
7- فلتر البنزين مكتوم
8-لخبطة فى اداء ال ECU


لذلك اظبط تاكيهات العربية واكشف على الكامة و الرشاشات وفلتر البنزين وضغط طرمبة البنزين ،لو كل ده مجابش معاك نتيجة بيقى ممكن تحتاج تنزل السوفتوير من الاول على الECU او تغيرها بالكامل

الله يرحم ايام الكاربراتير، مشكلتك دى لو فى عربية كاربراتير كنت هقوللك غير ديفراجمة التسارع(حته كاوتشة ل 5 جنيه ) وطقم بيكات وادعيلى :D

[goodwave]

معلش تعليق خارج الموضوع لسبعوي باشا
هو مين إللي في الصورة دي؟؟؟؟ قصدي الشاب الحليوة لبو فرق في شعرة؟ بصراحة ما عرفتكش في الصورة دية يا سبعاوي .... هو إنت بتحب جديد ولا إية:)

صباحك فل يا بشمهندس بس حبيت أهزر معاك.

[sab3aawy]

ده انا بس من 35 سنة فاتت، يعنى لما كنت فى اللفة :p

[MMamdouh]

ممكن برضة الرشاشات تكون مسدودة... كان فيه مشكلة مشابهة فى عربية E36 و كانت المشكلة رشاشات

MMamdouh

[ads]

الحمد الله انا لسة زى القرد محصلليش حاجة، فيما عدا طبعا حالة الإحباط البنزينى اللى مخليانى مش عايز اكتب اى حاجة لأن اى حاجة اكتبها هتطلع ريحتها بنزين محروق

بالنسبة للسؤال الأصلى ، هل لما غيرت ال TPS حصل اى فرق فى الأداء؟ واللا العيب زى ما هو بدون اى تغيير، الحاجة التانية البوجيهات اللى راكبه حاليا اخبارها ايه؟على فكرة الفروق فى البوجيههات ضئيلة جدا ولا تسبب مشكلة من هذا النوع، ولذلك لو مش لا قى شامبيون بالرقم المطابق لعربيتك
دور على المقابل الدنسو او البوش او ال NGK

البوجية ال NGK رقم PCBR7E هو المناسب للتمبرا ما بعد 1993 موتور 1600

http://www.ngkpartfinder.co.uk/car_commercial_search.php?type=SPARK%2520PLUGS&manufact=FIAT&model=TEMPRA&engine=1.6

واكبر موزع لبوجيهات NGK موجود فى التوفيقة فى شارع زكى اسمه حاجة صليب ، ومعرضة كبير وواضح جدا وغالبا


هتلاقى عنده كل موديلات ال NGK

وكود المحرك بتاعك علشان لو عايز تدور على اى بوجيهات تناسبه هو a 159.A3.000

"ملحوظة: الكود بدون حرف ال a small اللى موجودة على الشمال بس انا كل ما اكتبه من غير حرف فى اوله يطلع ملخبط"

بس انا مش معتقد ان المشكلة دى من البوجيهات لأن اقرب فكرة لها هى فكرة الTPS ،

المشكلة اللى عندك دى ببساطة هى ان كمية البنزين اللى بتدخل للمحرك ساعة ما انت بتدوس على الاكسراتير مش كافية

وده ممكن يحصل لواحد من الأسباب الآتية:

1- باب الثروتل بادى فيه مشكلة
2- الTPS) throtle position sensor)فيه مشكلة ودى مفروض انك حليتها
3- الكامة متآكلة
4- التاكيهات مش مظبوطة
5-ضغط طرمبة البنزين غير كافى
6-سدد فى طريق البنزين
7- فلتر البنزين مكتوم
8-لخبطة فى اداء ال ECU


لذلك اظبط تاكيهات العربية واكشف على الكامة و الرشاشات وفلتر البنزين وضغط طرمبة البنزين ،لو كل ده مجابش معاك نتيجة بيقى ممكن تحتاج تنزل السوفتوير من الاول على الECU او تغيرها بالكامل

الله يرحم ايام الكاربراتير، مشكلتك دى لو فى عربية كاربراتير كنت هقوللك غير ديفراجمة التسارع(حته كاوتشة ل 5 جنيه ) وطقم بيكات وادعيلى :D

ايه موضوع الكود هو لازم كود العربيه علشان اجيب بوجيهات انا اعرف ان كل البوجيهات بتركب على كل العربيات معدا طبعاً مقاس البوجيه والاكترونى او عاده سن طويل اوقصير لاكن اول مره اسمع موضوع الكود طب واعرف الكود ده منين عربيتى نوبيرا كورى 1500 سىسى ياريت يا استاذ سبعاوى تقولى الاقى الكود بتاع البوجيه عندى فين

[MMamdouh]

check www.ngk.com

MMamdouh

[ads]

check www.ngk.com

MMamdouh

متشكر جداً يا استاذ ممدوح بس الى لاحظته الاسعار رخيصه جداً 7 دولاار 2 دولار انا اعرف ان رديم بحوالى 120 جنيه والعادى 30 جنيه

[ads]

بس فيه حاجه يا استاذ ممدوح عايز اخد رايك فيها ان الماتور عنديى 1500 مش 1600 لاكن 16 valv DOHC فهل ده يفرق 1500 من 1600 فى البارت نمبر بتاعى ولا لاء

[peranha]

استاذ يا ناس .. والله استاذ ... تسلملنا يا استاذنا من كل سؤ وارشاداتك ستؤخذ في الحسبان وهانقلها لمهنس الصيانه في النيل الهندسيه ولا انت ترشح مكان اخر يكون بيشتغل باسلوب علمي وفاهمين بيعملوا ايه.
انا كنت فاكر الموضوع كهربه وبس لكن انت اشرت الي احتمال البنزين يبقي بالمره هغير فلتر البنزين مش هاخسر حاجه.
شكرا شكرا

[peranha]

نسيت اقولك يا استاذنا اني لما غيرت ال Tps محصلش تغيير في الأداء ولما غيرت سلوك البوجيهات برده محصلش اي تغيير فهل فيه ملحوظه اخري ؟ وشكرا