دخنه كثيفة

[ziours]

ياجماهة انا كنت ماشي بالعربية النهارده وبجيب الغيار الثالث لاقيت ورايا دخنه كثيفة جدا لونها ابيض
مشيت وجريت بهيه شويه وانا على التالت لاقيت الدخنه اختفت جبت الغيار الرابع لاقيت في دخنه برده نفس اللون مشيت وجريت بيها على سرعة 100 لاقيت الدخنه قلت وبعدها اختفت ياترى تفسيرها ايه كده هلل المتور بيودع ؟ العربية فيات 132
ارجو التكرم بالرد احسن انا من الصبح متعكنن مع اني مغير زيت وفلتر قريب
شكرا

[SAMEH_FOUAD]

طيب معلش حضرتك بتقول كل ماتنقل غيار تلاقى دخنة بتظهر وبعد كدة بتختفى

طيب ياريت تقول حالة المكنة اية : يعنى فية عندك اثار زيت من عند خرطوم الفايظ , العربية بتاكل زيت كتير

كمان نوع الزيت اللى انت حطيتة دة اية وقبل ماتغيرة هل العربية كانت بتعمل كدة

[ziours]

شكرا اولا على اهتمامك بموضوعي
بالنسبة لحالة المكنه كل مابسال عنها ميكانيكي يقولي تمام بسم الله ماشاء الله
بالنسبة لخرطوم الفايظ انا كشفت عليه ولايوجد اثار زيت في العمه وكشفت على الزيت لاقيتوا الحمد لله مقاسه كويس مش ناقص ونوع الزيت اللي حطته المره دي هو كالتكس مش عارف ياترى ايه المشكله ؟
شكرا

[SAMEH_FOUAD]

طيب تمام كدة ياباشا

حضرتك دلوقتى عندك المشكلة كلها فى الكهرباء بتاعة السيارة

لان ممكن تكون البوجيهات وحشة فمع الضغط مابتحرقش كويس وبتخرج البنزين نى

فانت هتخرج البوجيهات وهتشوف هية حرقة كويس ولا لأ وان شاء الله الموضوع يتحل

[aYaBooY]

على فكرة الدخنة البيضة الي تعني ان الموتور ودع مش بتيجي في يوم و ليلة
يعني الاول تجيب دخنة من خرطوم الفايز
و بعدها الدخنة تزيد و بعد كدة القدرة على الجري و الشد و العزم يقل
و بعد كدة الدخنة البيضة تظهر متقطعة و بعد كدة تبقي مستمرة و ريحتها وحشة
و بعدين البوجيهات تبداء تعرق و العربية تبداء تقف كل شوية
بس بما ان الصنيعية بتقولك ان الموتور كويس يبقي ممكن تكون انت شوفت الدخنة غلط
و هيا دخنة سودة نتيجة عدم الحرق الجيد للبنزين