مشكلة فى الدوارة

[dragonanger]

بسم الله الرحمن الرحيم
كل عام وانتم بخير
العربية فيات 125
الموتور 1500 بولونيز معملوة عمرة كاملة من 3 شهور
الزيت و الفلتر لسة متغير من 12 يوم
الكربيراتير ويبر
العربية بتسحب و بتجرى كويس و استهلاك البنزين طبيعى
المشكلة بسيطة من ساعة العمرة المكنة مبتدورش الا لما احطلها بنزين من الكربرتير و بعد كدة تمشى عادى ولو فى وسط مشوار و بطلت تدور عادى جدن من اول تكه مرش (العربية فى السلنسية هاديه جدا) لكن لو اتركنت لمدة اكتر من 5 ساعات مدورش الا لما ازودلها بنزين من الكربيراتير و اكيد ده معناه ان الحوض بيفضى بس المشكله بيفضى ازاى (انا عاندى خرطوم راجع بنزين بس انا فصله)
ايه رأيكم فى مشكله جحا ديه!!!!!!!!!!!!!!!!!!!!!!!!!!!

[SAMEH_FOUAD]

طيب ماهو كدة انت عندك مشكلة فى الراجع بتاع البنزين

[aboomar22]

بص نفس المشكلة كانت عندى فى البيجو كانت فيه بوابه فى الكربراتبر فى الخلف فيها سوسته كده وجوان مربوطة بمسامير صغيرة كانت المسامير مهوية مش مربوطة كويسة فكانت بتسرب البنزين اللى داخل الكربراتير اتناء الركنه ولما كنت بدور بتاخد وقت لحد ماتحضر بنزين داخل الكربراتير الميكانيكى شد السوسته كده بايده وربط المسامير بالمفك وخلاص كله تمام واظن انها نفس المشكلة ان شاء الله

[dragonanger]

بص نفس المشكلة كانت عندى فى البيجو كانت فيه بوابه فى الكربراتبر فى الخلف فيها سوسته كده وجوان مربوطة بمسامير صغيرة كانت المسامير مهوية مش مربوطة كويسة فكانت بتسرب البنزين اللى داخل الكربراتير اتناء الركنه ولما كنت بدور بتاخد وقت لحد ماتحضر بنزين داخل الكربراتير الميكانيكى شد السوسته كده بايده وربط المسامير بالمفك وخلاص كله تمام واظن انها نفس المشكلة ان شاء الله

معلش حضرتك ممكن توضح فين بالظبط السوستة دى

[dragonanger]

طيب ماهو كدة انت عندك مشكلة فى الراجع بتاع البنزين

حضرتك خرطوم الراجع انا والدى فاصلة من بتاع عشرين سنة كدة و العربية مبدأتش تعمل كدة الا من كام شهر

[aboomar22]

انا بحاول ارفع صورة للبوابة بس مش عارف ارفعها هى بوابه فى الكربراتيور من ناحية صدر العربية مربوطة بمسامير صغيره احاول ارفع صورتها


http://www9.0zz0.com/2011/09/03/18/961570297.jpg

[saint]

استاذ aboomar22
انا احب احييك على ذكائك وعلى فهمك
واحب اضيف على كلامك ان السوستة والجوان دول هما المسئولين على قذف كمية بسيط من البنزين لتدوير العربية قبل ما الطرمبة ترمى وتدي الكاربراتير
وعلى فكرة انا قابلت المشكلة دي فى البيجو برضه بس 205

[aboomar22]

استاذ aboomar22
انا احب احييك على ذكائك وعلى فهمك
واحب اضيف على كلامك ان السوستة والجوان دول هما المسئولين على قذف كمية بسيط من البنزين لتدوير العربية قبل ما الطرمبة ترمى وتدي الكاربراتير
وعلى فكرة انا قابلت المشكلة دي فى البيجو برضه بس 205

شكرا جزيلا بس ده مش ذكاء ولا حاجة اصلها حصلت معايا والميكانيكى هو اللى قالى ان البوابه لو مهوية بتفض البنزين اللى فى الحوض ببطء

[dragonanger]

شكرا ياجماعة لردودكم السريعة
بس المشكلة انى لحد دلوقتى مش لاقى الجوان و السوستة للاسف!!!!!!!!!!!!!!!!!!!!!!!!

[aboomar22]

روح لبتاع كربراتير هيظبط لك الدنيا لان ممكن يكون المكان مختلف بس حضرتك مش هتلاقى سوستة حضرتك هتلاثى زى بوابة صغيرة مربوطه بمسامير زى الصورة كده هتربط المسامير كويس وخلاص طيب معلش حضرتك منين لو قريب من فيصل تعالى اوديك للميكانيكى بتاعى هيعملها فى دقايق لو تحب