مشكاة مضايقاني أوي نفسياً !!!

[smsm_nabawy]

السلام عليكم ،،

شباب ،، أولاً كل سنة و أنتم طيبين

ثانياً

بأختصار المشكلة ان العربية مش بتعدي ال 120 الا بالعافية !! و أحرررق مهمأ أحرق ،، آخرها 138 بالكتييييير !!!
على الخامس !!!!!!!

العربية شاهين موديل 2006
الموتور فيات لانشيا 1400 سينجيل بوينت أنجيكشان !! واحد كامة !!
العربية من فترة قبل كده ،، كنت بجري بيها ،، كانت طبيعية جداًُ

الرابع كان بيجيب معايا 140 كم \ساعة ،، و أنا على آر بي أم 4500 !!!

داوقتي بوصل بيها ل 4800 و مفيش حاجة بتزيد عن ال 120 !!
أجيب خامس ،، ألاقي الآر بي أم وصل لل 4000 و يزيد لحد ال 4500 و سرعة العربية آخرها 130 !!

و أفضل أحرق،، توصل العربية 138 على آر بي ام 4800 !!!!!!!


مع العلم العربية مقفل بيها عداد "200" قبل مغير دبرياج و لا أي حاجة !! مكنش فيها غير بوجيهات أن جي كي بسسسسسس !!! و أي حاجة تانية زي ماهيا لا فلتر بنزين متغير من ساعة مجبنا العربية ولا فلتر الهوا منظفه ولا اي حاجة !!
أي نعم كان لثواني معدودة ،، و العربية كانت حتتقلب بيا و كانت بتعافر اه !! بس مش بالطريقة دي !! ده علشان تجيب ال 140 دلوقتي ،، بتعافر أكتر ماكنات بتعافر علشان أقفل بيها عداد !!!!!!!!!!!!!

مع العلم !!!
من كام شهر ،، عملت تصيلحات ،،
غيرت دبرياج ، و بوجيهات بالأصلية بتاعت العربية "بوش ألماني" ،فلتر سبور،و غيرت فلتر بنزين !!
و هكذا !!!

مش متوقع أن الحاجات دي تعمل كده ،، ده المفروض المفروووووض !! انها تساعد العربية أكتر و تخلي أدائها سلس أكتر !!

لكن الموضوع ده صدمني

النهارده سايق الساعة 6 صباحاً من المكتبة على البحر لحد سبورتينج على البحر ،، العربية بتجمع معايا علشان توصل لل 120 بسسسس ؟؟؟؟

دانا لما قفلت بيها عداد ،، جمعت معايا في مسافة أقل من دي والله !! من بعد قناة السويس بحبه "مبنى الجامعة بظبط" ،، لحد سبورتينج او بعدها بسنة بسيطة !!!!!!!


انا بجد متعقد يا شباب !!

أنتو عارفين يعني ايه العربية كانت بتجيب 140 على الرابع،، و بعد مغير فيها الحاجات دي بغرض الصيانة ،، متعديش معايا 120 !!!

أمال صيانة أيه الي عملتها ؟؟؟

أيش حال مغيرلها زيت كمان

و امبارح ممونلها بنزين 92 !!!!!!

بالله عليكم ،، انا محتاج مساعدتكم ،، حد عنده أي فكرة ،، العيب ده ممكن يكون نتيجة أيه ؟؟؟ أحسن أنا بجد زعلااااان أوي ،، و مصدوم بطريقة عجيبة !!!!!

[amrelsaqqa]

ولما كانت العربية حلوة ايه اللى خلاك تغير الدبرياج
ممكن جدا النوع اللى انت جبته يكون مضروب
انت جايبه ايه ؟
valeo ؟

[smsm_nabawy]

غيرت الدبرياج نظراً للتالي

1-السحب أبتدا يبقى وحش جداً

عضة رخمة أوي على الغيار الول و بتخف من غيار للتاني

ريحة عجيبة كانت بتتطلع من الدبرياج لما كنت بشد ،، و الأسطوانة امستحت خالص

لحد ما جت فجأة و عملت ال"أخص" :))

الكابل بتاع الدبرياج أتقطع !! و أنا بغيره الراجل قالي غير معاه الديسك و لأسطوانة بالمرة ،، و بالفعل غيرتهم ،، و العضة راحت و السحبة بقت حلوة "مؤقتاً " و بعد كده أبتدى يبقى في رجرجة بالعربية لما أجي أخمس بيها او أطلع طلعايه !! أو لما أجي أحرق و أنا دايس دبرياج عامةً

مغيرها بنوع ألماني ،، بس مش فاكر أسمه والله ،، بس العلبة كان مكتوب عليها "made in germany" و الأسطوانة كانت متغلللفة بالكيس

و الي فاكره ان الديسك نوعه كان غير نوع الأسطوانة !!!!! لني ملقتش نفس النوع من الديسك !! و الراجل قالي ده نوع أيطالي حلو !! فتوكلت على الله و أشتريته !!
:((

[smsm_osos1]

فيه قطع غيار كتير في السوق مضروبة وحتى لو حلفولك إنها أصلية , بتبقى صيني ومغشوشة كمان .
انا أفضل القطع اللي مكتوب عليها صيني صريح أحسن من التقليد المغشوش

[abdalah_hashem]

شكلها فعلا من الدبرياج من الاسطوانة او الديسك مش حلوين
ممكن يكون مضروبين فعلا او مش حلوين لان ال rpm بقى عالى قوى لسرعات اقل من اللى كان بيبقى عليها زمان

[lada2010]

على فكرة السبب ممكن يكون من البنزين اللى بتحطوا

[smsm_nabawy]

حطيتلها 92 قبل الموضوع ده !!!

و بجد زعلت أوي :((

بس ممكن يكون الدبرياج فعلاً زي الأخ smsm_osos1
مقال ،، لأن في واحد صاحبي ليشتغل في محل قطع غيار سيارات ،، قالي نفس الكلمة ،، قالي دلوقتي كل قطع الغيار بتبقى مغشوشة ،، حتى الي في التوكيل مش كلها بتبقى نظيفة !!!

[khaled_bibo]

شوف كده ممكن يكون الفرامل قافشه او فيه ماستر قفش شوف كده نزل الفرامل اليد و جرب تزقها لو اتزقت يبقى تمام

[yoko]

ديسك يا باشا

[smsm_nabawy]

شوف كده ممكن يكون الفرامل قافشه او فيه ماستر قفش شوف كده نزل الفرامل اليد و جرب تزقها لو اتزقت يبقى تمام

جربتها !! و مفيش مشاكل

و رفعت العربية كلها !! و بقيت ألف العجل ،، مش ملاحظ أنه قافش ،، بالعكس بيلف عادي ،، بس لاسف في صوت صرير بتاع بلي العجل :((

يا ترى ممكن بلي العجل يأثر ؟؟؟

ديسك يا باشا

ربنا يعوض عليا في الديسك الي أنا لسه جايبه بقا :))

[yoko]

بلي العجل يأثر على السرعة والسحب بس ميخليش فيه تغير في الrpm

[smsm_nabawy]

تسلم أيدك يا يوكو ،، ربنا يسهل ،، أروح اغير دبرياج تاني ،، و بلي العجل بالأويل سيل

[Elawany13]

ربنا معاك ياسمسم
وبلاش جرى بالعربية ياباشا

بس معقولة الشاهين بتجيب 200 كم/ساعه !!!!
أنا محاولتش اشوف آخر العربيه عندى كام فى الجرى
انا لا اتجاوز 120 كم/س مهما كانت الظروف والاسباب

أنا سمعت ان الدبرياج أوالديسك الايطالى فعلا مضروب
وبتلاقى الدبرياج تقيل قوى على رجلك وبيتعبك وانت بتضغط عليه

هات التركى أحسن

[eng.m7md.ali]

جرب شيل الفلتر الاسبور وحط الاصلي وجرب

[smsm_nabawy]

ربنا معاك ياسمسم
وبلاش جرى بالعربية ياباشا

بس معقولة الشاهين بتجيب 200 كم/ساعه !!!!
أنا محاولتش اشوف آخر العربيه عندى كام فى الجرى
انا لا اتجاوز 120 كم/س مهما كانت الظروف والاسباب

أنا سمعت ان الدبرياج أوالديسك الايطالى فعلا مضروب
وبتلاقى الدبرياج تقيل قوى على رجلك وبيتعبك وانت بتضغط عليه

هات التركى أحسن

بالفعل ده الي بيحصل معايا !!!! الدبرياج بقا تقييييل أوي !!!!!!

بالنسبة للعربية أنا نفسي أتصدمت !!! العربية مكنتش غيرتلها غير بوجيهات بس ،، أن جي كي 2 شعلة " تقريباً على ما أتذكر ،، مش فاكر كام شعلة بظبط !!

بس للأسف ،، كنت حاسس أن العربية بتتفكك من قلة الثبات !! كنت ولا كاني راكب ملاهي !! العربية كانت بتطير من على الأرض بمعنى الكلمة !!!

جرب شيل الفلتر الاسبور وحط الاصلي وجرب

جربت ، و كانت نتيجة مخيبة !! :((

في أعراض تانية

1-زيادة أستهلاك البنزين بدريقة رهههههههيييييييييييبة !!!!!!! ممون أول أمبارح ب 35 جنيه ،، خلصوا النهارده خالص !!!!!

مع أن المشاوير بتاعتي قليلة جداً !! و عمر ال 35 جنيه ما قعدوا معايا قليل أوي كده !! و مونتها تاني ب 20 جنيه النهارده لحد مروح و أجيب فلوس علشان أمونها اكتر من كده

2 صوت الموتور على بطريقة ملحوووووظة !!!!!!! على المشي ،، لكن في السلانسيه ،، مش قوي !! مش ملحوظ كمان أنه على !!