استفسار بخصوص الجيتا

[man_66666661]

كل سنة واعضاء المنتدى بخير
كنت عايز اعرف الفيوز الخاص بولاعة الجيتا لانها فاصلة عندى جربت من عند الطفاية الامامية وكمان من مكان الشنطة الاثنين فاصلين فكيت علبة الفيوزات الامامية لقيت كل الفيوزات سليمة
شكرا على الردود والاهتمام

[man_66666661]

مفيش ردود يا جماعة

[man_66666661]

مستنى

[man_66666661]

يا مسهل يا رب

[man_66666661]

هو مفيش حد فى القسم ده بيرد خالص

[farahat]

أي علبة فيوزات أمامية تقصد ؟ ، المفروض في علبة الفيوزات إلي في الصالون (فى جانب التابلوه) فيها فيوز أصفر 20 أمبير اعتقد رقم 24 ، هو دة بتاع الولاعة

[SAMEH_FOUAD]

خلى بالك ان دائما فيوز الولاعة بيبقى مرتبط بفيوز الكاسيت وبما ان الكاسيت عندك شغال يبقى انا ارجح ان العيب هيكون من فيشة الولاعة نفسها ممكن تكون متشالة فانت تفك الولاعة وتشوف الفيشة بتاعتها متركبة ولا لأ

[farahat]

خلى بالك ان دائما فيوز الولاعة بيبقى مرتبط بفيوز الكاسيت وبما ان الكاسيت عندك شغال يبقى انا ارجح ان العيب هيكون من فيشة الولاعة نفسها ممكن تكون متشالة فانت تفك الولاعة وتشوف الفيشة بتاعتها متركبة ولا لأ

مش ديماً يا عزيزي ، خصوصاً في العربيات الجديدة ، لأن أصبح عدد الوحدات المحتاجة للكهرباء أكتر ، وبالتالي أصبح المصنعين بيعملوا فيوز لكل جزء على حدة ، دة بصفة عامة .


بصفة خاصة للعربية دي ، صاحب العربية بيقول إن مافيش كهرباء في الولاعة إلي قدام أو إلي في الشنطة ، وبالتالي مش عيب فيشة دة عيب الخط بتاع "Aux power " ، ودة غالباً عيب فيوز

[SAMEH_FOUAD]

طيب تفسر بأية ان لقى كل الفيوزات شغالة

عموما جرب الطريقتين مش هتخسر حاجة

[farahat]

طيب تفسر بأية ان لقى كل الفيوزات شغالة

عموما جرب الطريقتين مش هتخسر حاجة

ماهو أنا عشان كدة بساله في أي علبة لقى الفيوزات كلها شغالة ؟، لأن برضه من العادي دلوقتي مع زيادة الوحدات الإلكترونية في العربية إن أصبح فيه أكتر من علبة فيوزات ، أقل عدد أصبح علبتين ، ويصل في بعض السيارات إلى 4 علب فيوزات (شفت بعيني ماحدش قاللي )
أو الإحتمال التاني إلي أنا مستبعده ، وهو إن تكون الفيوزات سليمة والولاعة سليمة ، لكن التجربة لازم تكون والعربية دايرة لأن الولاعة بتشتغل مع الكونتكت

[KHALED AYMAN]

فى الجيتا بتشتغل من غير ما يدور العربيه