إعـــــــلان

Collapse

.

,
See more
See less

بطاريتك باظت وخلاص مفيش امل خش وجرب قبل ما تشترى جديد

Collapse
X
 
  • Filter
  • الوقت
  • Show
Clear All
new posts

  • بطاريتك باظت وخلاص مفيش امل خش وجرب قبل ما تشترى جديد

    السلام عليكم ورحمة الله وبركاته
    لو جيت فى يوم عشان تدور العربيه لقيت المارش بيعتل فى الدواره واكتشفت ان البطاريه نامت ودورت العربيه زق طبعا فروحت قست شحن البطاريه قالك الدينمو تمام والبطاريه خلاص كده وهتشترى غيرها وانت قولت البطاريه اللى حيلتى باظت باظت

    جرب اللى هاقولك عليه ده مش هيكلفك كتير وان شاء الله هتدعيلى انا جربته مرتين فى البطاريه اللى معايا والحمد لله رجعت تشتغل من تانى .
    عايز تعرف هنعمل ايه :-

    صلى على رسول الله الاول "صلى الله عليه وسلم "
    ملحوظه قبل البدء " تعامل مع المواد بحرص ولا تجعلها تلمس جلدك او اصابعك "

    - اول حاجه *طبعا هنفك قواطيش البطاريه ونبقى عارفين فين الموجب وفين السالب وبعد كده لو عندك اى حاجه بتشتغل 12 فولت يعنى مثلا مروحه ردياتير قديمه او صب ووفر او حتى كام لمبه من بتوع الصالون او التابلوه هنوصلهم بالبطاريه ونسيبها لغاية ما البطاريه تفضى شحن خالص وللعلم ممكن تاخد يوم كامل او اكتر على حسب كميه الشحن اللى فيها "امبير وفولت " بعد ما نفضى منها على اد ما نقدر من الشحن والافضل للاخر خالص هنفك الثمانيه عيون اللى فوق البطاريه ونفضى منهم كل الحمض اللى فيها .
    - نشترى باه 5 زجاجات مياه مقطره و 5 زجاجات حمض من عند اى حد بتاع بطاريات او قطع غيار للعلم ثمن الزجاجه جنيه ونصف فقط اى الثمن الاجمالى 15 جنيه وان شاء الله 5 كافيين .
    - هنفضى الـ 5 زجاجات مياه مقطره بالتساوى فى الـ 8 عيون للبطاريه حتى يغطى الماء المقطر الاللواح التى تراها بعينيك داخل البطاريه .
    -بعد ذلك نقوم بغلق العيون ونضع البطاريه على التونجر "جهاز لشحن البطاريات " لمدة يوم (يعنى نبيتها عالشحن )
    طب واحد هيجى يقولى انت هتصعبها ليه ما احنا ماشيين حلو هاجيبه منين انا التونجر ده
    هاقوله انا باه لو مش موجود عندك التونجر ده يبقى ترجع تركب البطاريه مكانها فى العربيه وخد بالك من الموجب والسالب كويس وبعد كده دور العربيه زق وخد بيها مشوار على طريق سريع يعنى قيمة نص ساعه مثلا او اكتر وكل ما تمشى اكتر يبقى افضل عشان البطاريه تشحن المهم فى الموضوع تكون انت اصلا متاكد ان الدينمو عندك تمام وبيشحن كويس بدون مشاكل .
    بعد المشوار او الشحن على التونجر بطل ودور على البطاريه باذن الله هدور مارش ومن اول تكه كمان
    - طب يا عم انت فى 5 زجاجات كمان بتوع الحمض هنرميهم ولا ايه
    لا طبعا ان شاء الله بعد ما البطاريه تشحن وتلاقيها شغلت المارش وقام عليها نفك البطاريه تانى وتروح فاتح ال 8 عيون مره تانى ومفضى منهم كل المياه اللى احنا حطنيها اللى هى المياه المقطره وبعد كده تفضى زجاجات الحمض وتملى بردو العيون كلها لغاية ما الالواح اللى قدامك تتغطى وتروح قافل العيون كويس وتركب البطاريه مكانها وان شاء الله هتحس ان البطاريه رجعت جديده .

    واى استفسار انا فى الخدمه ان شاء الله واتمنى صالح الدعاء
    وللعلم هذا الموضوع من الالف الى الياء اجتهادا منى والحمد لله ولا يوجد على اى منتدى اخر واتمنى عند النقل ذكر المصدر .

    وانتظروا موضوعين تانى جامدين جدا واحد عن الكربراتير والتانى عن الكبالن ان شاء الله ولكنى انتظر التفاعل مع هذا الموضوع اولا .
    والسلام عليكم ورحمة الله وبركاته *

  • #2
    ممكن حضرتك مشكورا تفهمنا اللي حضرتك عملته ده من الناحية الميكانيكية؟ يعني ايه لزوم تفريغ شحنة البطارية وملئها مية مقطرة وتفريغها من المية وملئها حمض؟
    [FONT="Comic Sans MS"][CENTER][SIZE="3"]Muhammad Aly[/SIZE][/CENTER][/FONT][SIZE="3"][CENTER]كله في الكلتش !!![/CENTER][/SIZE]

    Comment


    • #3
      انا بالفعل عملت الحركة دي في بطاريتي قبل ما اغيرها
      ودورت العربية وقمت طالع بيها المنوفية
      وفضلت دايرة ما لا يقل عن 4 ساعات متصلة
      وفي النهاية لما وصلت طفيتها وجيت ادور ما قامتش
      ايه التفسير بقا للي حصل!؟
      Ashraf_Ibrahim

      Comment


      • #4
        السلام عليكم ورحمة الله وبركاته
        شكرا اخى الكريم على المعلومات القيمة دى
        [FONT=Lucida Console]لا تحزن .. فرزقك مقسوم .. وقدرك محسوم.. واحوال الدنيا .. لا تستحق الهموم .. لانها لا تدوم[/FONT]

        Comment


        • #5
          المشاركة الأصلية كتبت بواسطة mido51eg مشاهدة المشاركة
          ممكن حضرتك مشكورا تفهمنا اللي حضرتك عملته ده من الناحية الميكانيكية؟ يعني ايه لزوم تفريغ شحنة البطارية وملئها مية مقطرة وتفريغها من المية وملئها حمض؟
          السلام عليكم ورحمة الله وبركاته
          شكرا كثيرا لكل من قام بالرد على الموضوع ثم
          التفسير باختصار شديد ليس ميكانيكا ولكن يوجد للبطاريه (فولت وامبير) ( فرق جهد وشدة تيار) بدون شروحات كثيره لكى لا اطيل عليكم
          فى اغلب الاحيان عندما نقوم بتغيير البطاريه للظن بانها قد انتهى عمرها تكو ن البطاريه قد فقدت جزء كبير من الامبير الخاص بها ولكن الفولت ثابت او قريب من 12 فولت وهذا عاده يحدث بسبب الشحن الخاطئ والغير منتظم من الدينمو ولذلك البطاريه لا تستطيع تشغيل مارش مثلا او مروحه ردياتير لان سحبهم عالى ويقوموا باستهلاك قدر كبير من طاقه البطاريه ولكن البطاريه تقوم بتشغيل المصابيح للصالون مثلا او اى شئ لا يستهلك تيار بقوه فعندما نقوم بتفريفها من فرق الجهد وهما ال 12 فولت وشدة التيار مثلا وليكن 20 امبير من اصل 70 امبير وشحنها من جديد شحنة كامله فانها تعود الى ما كانت عليه فى شدة التيار وفرق الجهد معا اى 12 فولت و 70 امبير او اقل بقليل ولكن تكون بالتاكيد اعلى بكثير من 20 امبير ولذلك تعود البطاريه للعمل مره اخرى .
          اما بالنسبه للماء والحمض
          فان البطاريه فى الاساس تكون مليئه بحمض الكبيريتيك الخفف وعليه فنحن اولا نضع ماء مقطر قبل الشحنه الاول وذلك لانه عند شحن البطاريق وبدء التفاعل الكيميائى داخل البطاريه فان درجه حرارتها ترتفع ولو قليلا وتلك حاله جيده لنقوم بتنظيف البطاريه من الشوائب التى بداخلها بين الالواح فتنتقل الشوائب الى الماء المقطر وبعد ذلك نقوم بتفريغ الماء المقطر ومعه الشوائب التى قد علقت بالماء ثم نقوم بملئها مرة اخرى بحمض الكبريتيك اى الى اصلها الى ما كانت عليها .
          اتمنى ان اكون قد وفقت فى الرد وايصال المعلومه باختصار وايجاز باذن الله .

          Comment


          • #6
            شكرا على المعلومة دي
            لكن للاسف لسه مغير البطارية من شهرين بالضبط بعد ما البطارية القديمة فصلت مره واحدة دون اي انذار مسبق
            استغفر الله الذي لا إله إلا هو الحــي القيوم وأتوب إليه

            Comment


            • #7
              فكرة جيدة احييك عليها

              جروب ورشة نايل موتورز علي الفيس بوك


              صفحة ورشة نايل موتورز على الفيس بوك

              Comment


              • #8
                شكرا على المعلومات الجديده
                بس يا خسارة البطاريه بتاعتى جافه معندكشى حل ليها
                اقوى واغلى 10 اسلحه بالعالم
                http://technology-mmm.blogspot.com/
                http://imageshack.com/a/img850/6764/4fdl.jpg

                Comment


                • #9
                  شكرا على المعلومة وطبعا حضرتك تقصد البطارية العادية مش الجافة (ملحوظة الجافة برضة فيها حمض كبرتيك مخفف لكن لا تصلح للصيانة لانها مغلقة بالكامل)
                  لكن لى تعليق وهو ان اى بطارية ليها عمر افتراضى لا محالة والفكرة ببساطة ان البطارية بتتكون من مجموع الواح موجبة وسالبة
                  الالواح الموجبة تصنع من الرصاص
                  الالواح الموجبة تصنع من اكسيد الرصاص وبمعنى ادق اللوح الواحد بيكون عبارة عن شبكة من الصلب مكسوة اكسيد الرصاص او زى ما بيسمى عجينة الرصاص.
                  نظرية عمل البطارية هى ان الالكترونات تتحلل من القطب الموجب وتتجة الى القطب السالب نظرا لوجود القطبين فى وسيط مساعد الا وهو حمض الكبريتيك ونتيجة فرق الجهد يتولد التيار الكهربي بين القطبين.
                  ومع مرور الوقت تتحلل اللواح الموجبة تماما من اكسيد الرصاص فتتآكل فيضعف فرق الجهد بينما لا تتأثر الالواح السالبة بأى شيء يذكر وعلى ذلك يتم تدوير البطارية من خلال الاستفادة من الالواح السالبة فقط.
                  [CENTER][aldl]http://img861.imageshack.us/img861/9730/hussein2.jpg[/aldl][/CENTER]

                  Comment


                  • #10
                    شكرا وفى انتظار الجديد
                    [aldl]http://sphotos.ak.fbcdn.net/hphotos-ak-ash1/hs257.ash1/18463_351294927032_629082032_4712649_8014960_n.jpg[/aldl]
                    نخنبى ليه فى اسرارنا وانا وانت راكبين فرنا ولو ننسنا فراملنا نكلم مين يفكرنا يا روحى الثبات ينسانى وانا فاكر ومش نساى وادوس فرامل من تانى والبس فى شجرة معرفش ازاى

                    Comment


                    • #11
                      متابع
                      [SIGPIC][/SIGPIC] ياتقول كلام في محله يا تقول حلو ياحلو
                      [url]/photos/a.879931698703941.1073741827.879900435373734/879931905370587/?type=1[/url]

                      Comment


                      • #12
                        السلام عليكم ورحمة الله وبركاته

                        مشكورين اخوانى الاعزاء على المرور الكريم بالموضوع
                        هذه مشاركه ورد على سؤال فى نفس الموضوع فى منتدى اخر وقد قمت بنسخه هنا لتعم الفائده

                        س جزاك الله كل الخير
                        ولكن تلك الطريقة خاصة بالكهربائية العواجيز فى الصنعة ؛الى جانب انه حل مؤقت
                        بسبب ان كل بطارية ولها عمر افتراضى من 30الى 36 شهر من تاريخ التركيب
                        معظم الافراد الان اصبحوا بيتجهوا الى استخدام البطاريات الجافة بسبب التكنولوجية الحديثة وبسبب قدم تقنية البطارية المائية

                        ج السلام عليكم ورحمة الله وبركاته
                        شكرا اخوانى لكل من قام بالرد على الموضوع واتمنى ان اكون قد افدت البعض ولو بقليل من المعلومات كما اتمنى صالح الدعاء
                        اخى العزيز محمد فيصل شكرا لردك ولكن اخى
                        من الجائز ان يكون هذا الحل مؤقت كما قلت ولكن لفتره ليست بالقليله بمعنى على حد قولك ان كل بطاريه لها عمر افتراضى من 30 الى 36 شهر وهذا بالفعل ولكن المتعارف لدى كل من لديه سياره تقريبا وخصوصا من لديه سياره قديمه زى حالاتى ان عمر البطاريه سنه و مص على الاكثر يعنى اول ما الضمان بتعها بيخلص الواحد بيروح محضر 300 جنيه زى الباشا عشان يروح يشترى واحده جديده ويستنى باه اول ما تزعل يروح جايب غيرها وانا متاكد ان اغلب الناس البطاريات السائله عندهم ما بتكملش السنه ونص بمعنى انه لسه فاضل يجى سنه ونص كمان فى عمر البطاريه لسه لم يستهلك بعد وهو ده المقصود .
                        اغلب السيارات القديمه تستخدم بطاريات سائله حتى عند شراء بطاريه جديده نقوم بشراء سائله ايضا
                        ومرة اخرى شكرا لك ولمرورك الكريم .

                        Comment


                        • #13
                          ألف الف شكر للمعلومات دى بصراحه حاجه جديده زى ماقولت ومفيده طبعا
                          ربنا يبارك فيك وفى دماغك الحلوه
                          [sor2]http://img337.imageshack.us/img337/4818/26484821911317145525417.jpg[/sor2]

                          Comment


                          • #14
                            فكرة كويسة بس ما اظنش انها هتعيش كتير يعنى ممكن يكون حل مؤقت لحين شراء بطارية جديدة
                            [CENTER][mtohg=#fcf9f9]http://www12.0zz0.com/2012/05/02/07/150019857.jpg[/mtohg]
                            [mtohg=#ffffff]http://www3.0zz0.com/2012/04/18/18/337687483.jpg[/mtohg]
                            [/CENTER]

                            Comment


                            • #15
                              المشاركة الأصلية كتبت بواسطة smsm_cato مشاهدة المشاركة
                              فكرة كويسة بس ما اظنش انها هتعيش كتير يعنى ممكن يكون حل مؤقت لحين شراء بطارية جديدة
                              السلام عليكم ورحمة الله وبركاته
                              برجاء مراجعه المشاركه 12 فى نفس الموضوع ونفس الصفحه

                              Comment

                              Working...
                              X