الحقوني برايكم في الموضوع الغريب ده

[mah_almasry]

اخواني لاحظت لما بلف التارة للشمال خالص وارجع بالعربية . اسمع العجلة اليمين بتشحط زي ماتكون بتجر حجر تحتها علي الارض . انزل اشوف مش الاقي حاجة . وغير كده في السرعة الخفيفة سامع حاجة بتزيق تحت . ارجوكم تتوقعوا يكون ايه ؟ وارجوكم لا تمروا دون اعطائي اقتراح لان اخوكم بجد قلقان ربنا يستر طريقي وطريقكم

[saddam]

الموضوع يا صديقي أبسط من البساطة روح بس إظبط الزوايا على الجهاز وبالمرة أظبط الإتزان ورصص العجل ولا تقلق دي حاجة أصلا إنت لازم تعملها أقل واجب مرة كل 10 آلاف كيلو

[mah_almasry]

جزاك الله خير

اولا شكرا لردك وربنا يكرمك
ثانيا انا مركب العجلات الاربعة جديد والراجل رصص عند تركيبهم .. هشوف كده موضوع الزوايا والاتزان بس هجرب الاول تربيط عفشة والله المستعان . لان سمعت ان العفشة قبل ضبط الاتزان
والله اعلم

[saddam]

اولا شكرا لردك وربنا يكرمك
ثانيا انا مركب العجلات الاربعة جديد والراجل رصص عند تركيبهم .. هشوف كده موضوع الزوايا والاتزان بس هجرب الاول تربيط عفشة والله المستعان . لان سمعت ان العفشة قبل ضبط الاتزان
والله اعلم

يا حضرة المواطن الصالح ترصيص العجل ملوش دعوة بالتزييق اللي عندك أنا قلتلك رصص بالمرة عشان حتروح عند بتاع الزوايا أما موضوع تربيط العفشة فدي حاجة طبيعية عند بتاع الزوايا تقلو ربطلي العفشة وإتكل على الله وزي مقلتلك روح أظبط زوايا وموضوعك حيخلص ونصيحة روح بسرعة أحسن كده إنت بتاكل من الكاوتش الجديد وكل 10 آلاف كيلو عايزك تظبط زوايا وبعدين كل 25 ألف كيلو عايزك تغير الكاوتش على شكلx وتقبل مروري

[mah_almasry]

يعني ايه شكل x

والله انا خجلان من ذوقك . ربنا يزيدك ويحفظك
بس يعني ايه شكل x . هي معناها اللي ورا يمين تكون قدام شمال . واللي ورا شمال تكون قدام يمين ز ولا انا كده فهمت غلط ؟
ولك تقديري اخي الفاضل

[saddam]

والله انا خجلان من ذوقك . ربنا يزيدك ويحفظك
بس يعني ايه شكل x . هي معناها اللي ورا يمين تكون قدام شمال . واللي ورا شمال تكون قدام يمين ز ولا انا كده فهمت غلط ؟
ولك تقديري اخي الفاضل

أنا تحت أمرك وإنت فعلا صح كل 25 ألف تقلب الكاوتش X زي مكل مصانع السيارات بتوصي في الكتالوج بس خد بالك ليكون الكاوتش بتاعك فيه روتايشن يعني سهم تحديد الإتجاه وده يعني إنك لما تقلب x حتظطر بس تحل الكاوتش عن الجنط وتقلبها ومتنساش تظبط الزوايا مرة كل 10 آلاف كيلو وأنا تحت أمرك وتقبل مروري

[Eng_Mostafa_89]

أنا تحت أمرك وإنت فعلا صح كل 25 ألف تقلب الكاوتش x زي مكل مصانع السيارات بتوصي في الكتالوج بس خد بالك ليكون الكاوتش بتاعك فيه روتايشن يعني سهم تحديد الإتجاه وده يعني إنك لما تقلب x حتظطر بس تحل الكاوتش عن الجنط وتقلبها ومتنساش تظبط الزوايا مرة كل 10 آلاف كيلو وأنا تحت أمرك وتقبل مروري

تبديل اماكن العجل الصح كل 10000 كيلو متر الكلام دة فى حالة ان الاربع فرد جديدة ونقشة وحدة

[Eng_Mostafa_89]

اخواني لاحظت لما بلف التارة للشمال خالص وارجع بالعربية . اسمع العجلة اليمين بتشحط زي ماتكون بتجر حجر تحتها علي الارض . انزل اشوف مش الاقي حاجة . وغير كده في السرعة الخفيفة سامع حاجة بتزيق تحت . ارجوكم تتوقعوا يكون ايه ؟ وارجوكم لا تمروا دون اعطائي اقتراح لان اخوكم بجد قلقان ربنا يستر طريقي وطريقكم

ممكن تكون العجلة بتحك مثلا فى الكرتيرة او الاكصدام
لف العجل وانت واقف وانزل بص كدة على العجلة وشوفها لو بتحك فى اى حاجة حاول تبعدها

[saddam]

تبديل اماكن العجل الصح كل 10000 كيلو متر الكلام دة فى حالة ان الاربع فرد جديدة ونقشة وحدة

ده يفضل بس هو كل شركات العربيات بتفرض لإطالة عمر الإطار وعشان ميتكلش من جنب ويفضل جنب عالي بيروحوا يشترطوا تغيير مكانوا بطريقة x مرة كل 10 آلاف كيلو مع ظبط الزوايا في نفس اليوم وسلامي

[Eng_Mostafa_89]

ده يفضل بس هو كل شركات العربيات بتفرض لإطالة عمر الإطار وعشان ميتكلش من جنب ويفضل جنب عالي بيروحوا يشترطوا تغيير مكانوا بطريقة x مرة كل 10 آلاف كيلو مع ظبط الزوايا في نفس اليوم وسلامي

فعلا دة السبب اللى بيخلينا نبدل الكاوتش
انا كان تعليقى على عدد الكيلو مترات اللى عندها بيتم قلب الكوتش
يفضل كمان ان اثناء التبديل ينزل الاستبان ويركب بدل عجلة من الموجودين