الحقونى ,, العربيه مش عابزة تدور

[AmRElSiSi]

بسم الله الرحمن الرحيم

انا الاول معايا مازدا 3 2008 جيت اول امبارح نازل الشغل عادى العربيه مش عايزة تدور و المشكلة ان العربيه مركونة فى الجراج و صعب عربيه توصلها علشان نشحن البطاريه ,,
روحت فكيت البطاريه و وديتها علشان تتشحن و الراجل قالى الحمض عايز يتغير و حاجات كتير كده و شحنها لمدة 24 ساعه و خد 10 جنيه

جت اللحظة المهمة بقى و جيت اركب البطاريه

ركبتها بالعكس
قامت انوار العربية كلها مولعه و الكلاكس شغال مش عايز يسكت و قعدت حوالى 5 ثوانى و انا فكيتها بسرعة
بعد كده عدلت البطارية و جيت اشغل العربيه
مش بتدور
السنتر و الانوار كلها شغالة و الازاز شغال بس الكاسيت مش شغال و العدادات اول لما تحط المفتاح تعمل زى بتاعت الاودى و تفضل تروح و تيجى
مش مشكله كل ده
المهم عايزين نشغل العربيه
انا حاسس ان انا لما ركبت البطاريه بالعكس حاجة اتحرقت

افيدونى جزاكم الله خيراً

[SAMEH_FOUAD]

طيب انت كدة لازم تراجع على كل الفيوزات الموجودة وتشوف اية اللى اتحرق

وياريت بردة تشوف هل لمبة المفتاح المشفر بتطفى بعد مابتشك على الكود ولا لأ لان لو اللمبة بتاعتة ماطفتش يبقى كدة عمرها ماهدور

عموما شيك على كل حاجة عشان كمان تطمن

[AmRElSiSi]

انا شيكت على الفيوسات اللى فى العلبة و كلها سليمة
انا مش عارف لو فى فيوسات تانية برة العلبة و لا لأ
و مش عارف برده اشيك على ايه تانى

[SAMEH_FOUAD]

فية عندك فى فيوزات فى حوض المحرك

[AmRElSiSi]

لا ,, انا دورت كويس على اى فيوزات بره العلبة ملقيتش

[ahmedtunning]

لازم كهربائي لان كده انا شاكك في حاجة اكبر و ياريت يكون ظني غلط و هو الكنترول يونيت لان ده اول متعكس علي الكهرباء بيتحرق في ساعتها و الله و اعلم ويارب يكون ظني غلط

[AmRElSiSi]

الف شكر يا جماعه على المساعدة

طلع فيوس الحماية اللى طالع من سلك البطارية الموجب هو اللى اتحرق
و الكهربائى ركبلى واحد بتاع بوما مكانة
الحمد لله عدت على خير