مفتاح الكونتاك مش راضي يدخل !!!

[casper1500]

السلام عليكم
النهاردة جيت ادخل مفتاح الكونتاك مش راضي يدخل كأنى جايب مفتاح مش بتاعة !!
العربية 128 موديل 81
يا ترى ايه الحل .. و شكرا

[aliabutaleb]

كانت بتحصل في عربيتي ولسة بتحصل من وقت للتاني
وكنت باسايس المفتاح لغاية ما بيدخل
ملقتلهاش حل تاني بصراحة

[casper1500]

شكرا على سرعة الرد .... بس انا ساسيتها كتير بس بدون فايدة !!!!!!
ربنا يتوب علينا من اشباه السيارات .. قول يا رب

[aliabutaleb]

شكرا على سرعة الرد .... بس انا ساسيتها كتير بس بدون فايدة !!!!!!
ربنا يتوب علينا من اشباه السيارات .. قول يا رب

آمين
ولو إنها شايلانا وشايلة قرفنا بصراحة
ربنا يبارك لنا فيها ويديمها علينا نعمة
قول إنت آمين :)

[casper1500]

امين ..
بس بصراحة انا اللي شايل قرفها و لما بعوزها مش بلاقيها ... و مش ممكن كمية المشاكل المتتالية .. حاجة غريبة .. و لحد دلوقت لسة المفتاح مش راضي يدخل !!!

[sab3aawy]

1- هتحتاج تفك الكونتاكت علشان ميقفلش معاك اللوك بتاع الديريكسيون(دى محتاجة فنى)
2- هتدور العربية بالأسلاك وتروح بيها لكهربائى
3- هتشترى كونتاكت جديد وتركبه ، التركى اظن تمنه فى حدود 45-50 جنيه

[casper1500]

1- هتحتاج تفك الكونتاكت علشان ميقفلش معاك اللوك بتاع الديريكسيون(دى محتاجة فنى)
2- هتدور العربية بالأسلاك وتروح بيها لكهربائى
3- هتشترى كونتاكت جديد وتركبه ، التركى اظن تمنه فى حدود 45-50 جنيه

شكرا للمداخلة بس للاسف الدريكسيون قفل و انا بحاول .. ايه الحل ؟؟!!

[sab3aawy]

شكرا للمداخلة بس للاسف الدريكسيون قفل و انا بحاول .. ايه الحل ؟؟!!

لما تفك الكونتاكت الديريكسيون هايفتح بس لازم فنى هو اللى يعمل لك الشغلانة دى

عموما هوصفلك ازاى بتتعمل

1- تفك الغطاء البلاستيك اللى راكب على قطمة الديريكسيون (اللى هو حتة البلاستيك الأسطوانية المكونة من جزئين الموجودة بين عجلة القيادة وبين التابلوه وطالع منها دراع النور والأشارة والمساحات) وده بيكون مربوط بمسمارين بيبانوا لو انت بصيت من تحت طارة الديريكسيون وبيحتاج مفك صليبة طويل

2- بعد ما تفك البلاستيك هتلاقى الكونتاكت، عبارة عن اسطوانة طالعة من يمين القطمة وفى نصها مكان دخول المفتاح، والأسطوانة دى مساكها فى قطمة الديريكسيون اسورة دائرية لافة حوالين القطمة ، ومربوطة بمسمارين من ناحية الشمال، لو ده هو الكونتاكت الأصلى هتلاقى المسمارين دول مالهمش راس، ولو الكونتاكت متغير قبل كدة هتلاقى ليهم راس، لو ليهم راس طبعا فكهم سهل بمفتاح بلدى، لو مالهمش راس بيتفك بمفك كبير يتحط على الراس الناعمة ويدق عليه بشاكوش فى اتجاه الفك لحد ما المسمار يتفك، اول ما الكونتاكت يتفك قفل الديريكسيون هيتفك لوحده ، يتم فك وصلات الكهرباء وتشغيل العربية منها، او تركيب كونتاكت جديد

[جمال]

لما تفك الكونتاكت الديريكسيون هايفتح بس لازم فنى هو اللى يعمل لك الشغلانة دى

عموما هوصفلك ازاى بتتعمل

1- تفك الغطاء البلاستيك اللى راكب على قطمة الديريكسيون (اللى هو حتة البلاستيك الأسطوانية المكونة من جزئين الموجودة بين عجلة القيادة وبين التابلوه وطالع منها دراع النور والأشارة والمساحات) وده بيكون مربوط بمسمارين بيبانوا لو انت بصيت من تحت طارة الديريكسيون وبيحتاج مفك صليبة طويل

2- بعد ما تفك البلاستيك هتلاقى الكونتاكت، عبارة عن اسطوانة طالعة من يمين القطمة وفى نصها مكان دخول المفتاح، والأسطوانة دى مساكها فى قطمة الديريكسيون اسورة دائرية لافة حوالين القطمة ، ومربوطة بمسمارين من ناحية الشمال، لو ده هو الكونتاكت الأصلى هتلاقى المسمارين دول مالهمش راس، ولو الكونتاكت متغير قبل كدة هتلاقى ليهم راس، لو ليهم راس طبعا فكهم سهل بمفتاح بلدى، لو مالهمش راس بيتفك بمفك كبير يتحط على الراس الناعمة ويدق عليه بشاكوش فى اتجاه الفك لحد ما المسمار يتفك، اول ما الكونتاكت يتفك قفل الديريكسيون هيتفك لوحده ، يتم فك وصلات الكهرباء وتشغيل العربية منها، او تركيب كونتاكت جديد

الله ينور عليك يا معلم

[M_HaFeZ]

نفس المشكله دى حصلت معايا مع عربيه بى ام 316 موديل 85
بس كان مفتاح الشنطه لدرجه ان مفتاح من الاتنين اتكسر واتفتحت فى الاخر بطلوع الروح بعد الاستعانه بطفاشه

[hazem_khidr]

و ممكن لما تفك الكونتاكت تاخده لوحد بتاع مفاتيح
ممكن يكون سوسته او حاجه بسيطه معلقه بيعملها و يعملك نقشه جديده و مفتاحين جداد.
لانها حصلت معايا في عربيه 128 برضه بس المفتاح كان بيدخل لكن مش بيتحرك.

[medozaed]

انا الحكايه دى حصلت معايا فى الشاهين فكيت البلستكه الى ورا عجله القياده وفكيت المسمارين الى مسبتين الكونتاك وفكيت فيشه الكهرباء بتعته ووديته لواحد بتاع مفاتيح عربيات فكه وغيرت البلى بتاعه ب40 جنيه ورجعت ركبته تانى مكانه وشتغل احسن من الاول انا مارضتش المس السلوك معا بعضها عشان معملش ماس ولا حاجه

[casper1500]

الف شكر للبشمهندس سبعاوى .. ان شاء الله هجيب كهربائي يعملها بكرة ..
و شكرا لمداخلات الاخوة :)