الدريكسيون بقى عامل زى عفريت العلبة معايا

[nevhes]

انا عندى استفسار انا عربيتى نيو اكسنت 2006 والعربية كويسة معايا انا اشتريتها من حد اعرفه كويس بعد فترة كنت باتعلم اركن لقيت الدريكسيون بيتقل المهم انا مستنتش قلت على التوكيل على طول وانا رايح التوكيل لقيتها مبيقتش تقيلة قوى المهم التوكيل قال نغير العلبة غيرتها وبعدين تانى رجعت تعمل كده ساعات وساعات لا غيرتها فى التوكيل بس المرة دى على حسابهم المهم اخيرا مبقتش تتقل الكلام ده من سنة لكن انا ساعات احس بصوت تزييق فى الدريكسيون بس مبيطولش وده كان فيه حاجة جوه مفكوكة بس ده فين وفين تفتكروا ممكن يكون ايه رغم انا لو فيه مشكلة فى العلبة التوكيل قالى بتظهر رسالة على كومبيوتر السيارة وفعلا الكلام ده كان قبل ما اغيرها بس التزييق ده بيبقى سببه ايه رغم انها الدريكسيون خفيف

[SAMEH_FOUAD]

معلش اية علاقة علبة الدركسيون بكمبيوتر السيارة

هو ممكن يكون قصدك هنا الباور الكهرباء او ال eps لو فية مشكلة هو اللى هينور ودة خاص بعلبة الباور مش بعلبة الدركسيون

* بالنسبة لصوت التزييق فغالبا العيب فى البطاحات

[windofchange]

معلش اية علاقة علبة الدركسيون بكمبيوتر السيارة

هو ممكن يكون قصدك هنا الباور الكهرباء او ال eps لو فية مشكلة هو اللى هينور ودة خاص بعلبة الباور مش بعلبة الدركسيون

* بالنسبة لصوت التزييق فغالبا العيب فى البطاحات

صوت التزييق عندي برضه يا سمسم باشا وبحسه فالدركسيون حتي لو قافل الزجاج؟ يبقي بطاحات برضه

[i_Boy]

طرمبه باور
علبه دركسيون
بارات علبه دركسيون
بطاحات

دول اللي ليهم علاقه بالحوار ده

[SAMEH_FOUAD]

صوت التزييق عندي برضه يا سمسم باشا وبحسه فالدركسيون حتي لو قافل الزجاج؟ يبقي بطاحات برضه

البطحات بتبان عند لف الدركسيون لكن فى المشى الطويل مالهاش اى تأثير