مشكلة فى فتيس اللانوس أرجو المساعدة

[waleed_home]

سيارتى دايو لانوس 2002 عاملة 53000 كم من فترة وانا حاسس ان الفتيس تقيل لما بأنقل على الأول بحس بخشونة كبيرة وانى لازم اضغط على زراع ناقل الحركة بقوة اكبر
بعد كدة اكتشفت انى لو دوست وسبت دبرياج اكتر من مرة فإن المشكلة بتتحل ويرجع الفتيس طبيعى جدا لفترة بسيطة وسرعان ما تعود المشكلة مرة اخرى.
يا ريت لو حد يعرف ايه سبب المشكلة دى ؟

[dr_3eshoo]

دي ممكن حاجه من اتين
راجع زيت الفتيس ممكن يكون ناقص
ممكن يكون الديسك بيشاور عله

[Ahmed Hassan]

جرب ترفع دواسه الدبرياج شويه.. ممكن تعملها في التوكيل مع الصيانه.. او لو ليك ميكانيكي اعملها عنده... هيه حاجه سهله.

[ahmedsrs]

1- ممكن تكون محتاج تغير طقم حشو الماستر السفلى
2- الدسك بتاع الدبرياج او الفرش اتعوجت

[Ahmad Allawy]

علي فكرة نفس الموضوع ده حاصل مع واحد قريبي في فييرنا 2006
و بدأ يحصل لما غير زيت فتيس و حط زيت اللزوجة بتاعته 140 وهي الاصلي بتاعها 90 ..

[Ahmad Allawy]

ولحد دلوقتي الفتيس مش مظبوط و غير الزيت و عمل حاجات كتير مش عارفها بالتفصيل.. ولسة زي ما هو..
كنت عايز اعرف ايه سبب المشكلة بالظبط و جزاكم الله خيرا..

[waleed_home]

شكرا يا جماعة على الرد
بس كنت عاوز اعرف هل لو احتجت اغير الدسك ده موضوع سهل ولا بيحتاج فك الموتور وهل لازم اعمله فى التوكيل ولا عند ميكانيكى ينفع.

[KarimAbulEla]

بالنسبة للانوس ده موضوع شائع عند بعض الاشخاص و منهم انا

و يكون من احد اسبابه وجود قطعة معدنية محتاجة ظبط فى ميكانيكا النقل تحت يد الفتيس

او ان قواعد الموتور الكاوتش دايبة علشان كدة الميكانيكا مش بايتة كويس و بتسبب تقل فى الحركة

الموضوع تم حله عندى بشكل مؤقت بس رجع تانى

، لما احل الموضوع تماما حبقى اقولك حليته ازاى

[dr_3eshoo]

عند ميكانيكي بس يكون محتر م لانك هاتغير لاسطوانه و الديسك لو عاوز توكيل يبقى اضمنلك برضه عادي
هو مش هايفك المتور هو هايفك الفتيس و بعدين يركب الطقم و بعدين يركبه تاني
نصيحه لما تيجي تستلم منه العربيه انزل تحتها و راجع الفتيس و القواعد و اول ما تستلمها احرق عليها جامد علشان لو فيه حاجه لان الباشا نسى يركب مسامير قواعد الفتيس بس ربنا ستر

[waleed_home]

الف شكر يا باشا على الإفادة بس يا ترى الحكاية دى هتتكلف كام فى التوكيل أو عند ميكانيكى .

[megosp]

ياباشا فتيس اللانوس اخرك فيه تغير ديسك واسطوانه هتلعب اى لعب تانى فى الفتيس عمره ماهيرجع زى الاول وتروح تشترى فتيس استراد ب600 جنيه