الحقونى ياجماعه العربية مش عموزه تدور برجاء المساعده

[mahmouad_diver]

السلام عليكم
انا معايا 127 ايطالى موديل 73 بتغيب فى الدواره اول مره لكن لما تسخن تبقى من اول تكه
واليومين دول فى الرطوبه ديه مش بتدور خالص والبطارية من كتر الدواره بتنام مش عارف اعمل ايه برجاء لمساعده

[zago]

اظبط الاسبراتير

[mahmouad_diver]

مشكور على الرد ححاول بس انا شاكك فى البوجيهات

[zago]

طقم الكهربا كله مشكوك فيه
لكن ابدا بظبط الاسبراتير

[ziours]

ده ممكن ميكونش من الكرابراتير اصل انا عندي نفس المشكلة بس في الفيات 132 ورحت ظبط الكرابرتير 100 مره ولاحياه لمن تنادي
بعد اذن صاحب الموضوع
شكرا

[ahmed_mido1889]

ممكن تكون البوبينه تعبانه

ممكن البوجيهات مرطبه

ممكن كربراتير مش مظبوط

[osha_ahmed]

السلام عليكم
جرب الأول تغير ابلاتين وكوندنيسر ..وجرب ان شاء الله تتحل المشكلة

[amdd]

من الاخر غير البطارية

[Ashraf_Ashraf]

تأكد ان الطلمبه بتاعت البنزين قويه وده حصل معايا بعد الغلب والدوخه ومصاريف مالهاش حل
طلع المشكله من الطلمبه لما بالليل بتقف البنزين بيرجع من الطلمبه ومع ضعفها فى الدواره الصبح مابتضخش بنزين
جرب باى طلمبه عند الميكانيكى وانت هتشوف الفرق
وان شاء الله تتحل المشكله

[Gendy_90]

قدامك كذا حاجه :

1- يا إما بطارية , عشان العربية مش عاوزه تقوم .
2- يا إما بوجيهات , لأنه بتعلق و ممكن لو اتكيت عليها تحرق المارش .
3- يا إما طلمبة بنزين يا اخونا ما أقال ..

و ربنا يعينك