مشكلة فى باور السياره

[seko700]

باور العربية بتاعتى تيريوس 2000 كان ممتاز جدا وفجأه لقيته اصبح تقيل جدا يكاد يكون مش موجود والسياره واقفة او ماشية على السرعات البطيئة ( اول - تانى - تالث ) ولكن على السرعات العاليه فوق ال 80 ك ابص الاقيه اتظبط
وعلى فكرة وان واقف لو زودت بنزين الباور بيخف ويبقى كويس اشيل رجلى من البنزين الاقيه راح
حد عنده معلومة عن المشكلة دى
اكون شاكر جدا ليكم

[gaballa1971]

شوف طرمبة الباور

[seko700]

ايه ممكن تكون المشكله فى طلمبة الباور يا باشا
وهل هذه الطلمبة قابلة للاصلاح

[seko700]

ايه يا جماعه محدش واجهته المشكلة دى قبل كده

[roland_yamaha]

بص الاول علي زيت الباور لو ناقص زوده ولو لقيت في زنة وانت بتلف الدركسيون يمين وشمال تبقي طرمبة الباور بتودع وهي السبب في تقل الدركسيون

[seko700]

انا لما بكسر الدركسيون يمين على الاخير او شمال على الاخر ما بسمعش زنه بس بسمع زى ما يكون فى حاجة بتنفخ هوا كده

[roland_yamaha]

ايوة يا افندم الصوت اللي بتسمعه ده من طرمبة الباور والمفروض متسمعش اي اصوات خالص وانت بتلف الدركسيون
عموما بص ع ريت الباور زي ما قلتلك وسيب الموضوع لحد ما الطرمبة تجيب اخرها خالص وبعدين غيرها

[seko700]

شكرا يا باشا على الاهتمام وسرعة الرد
وعلى فكرة زيت الباور على الماكس ومش ناقص

[roland_yamaha]

بس خلاص سيب الطرمبة لما تجيب اخرها وصوتها يبتدي يعلي اوي والدركسيون يبقي تقيل اوي وبعدين غيرها بس نصيحة لما تشتريها هاتها جديدة بلاش استيراد