مين عنده اجهزة لظبط النور؟؟؟؟

[ecybrarian]

اظبط نور العربية عند مين؟؟ في اجهزة لظبط النور عموما (زي اجهزة ظبط الزوايا) بتكون افضل من فتي الكهربائية، علشان النور بيتظبط بمواصفات

[farahat]

باشا ..
فيه محطات بنزين كبيرة فيها الجهاز دة مع المرايات ، وفيه صاحبي عنده الجهاز ، بس للأمانة أنا مجربتش أنا بس عارف إنه جايب الجهاز في المحل بتاعه ، وهو قريب بالنسبة لك ، هبعت لك عنوانه على الخاص عشان ما يبقاش إعلان

[ecybrarian]

حبيبي..ابعت..بتليفوناته كمان يا هندسة لو سمحت

[mostafa67]

طيب بعد اذتك لو تعرف حد في مدينة نصر يظبطلي النور اكون شاكر افضالك

[icehearted girl]

ياريت اعرف انا كمان المكان فين

لاني غيرت فانوس عندي بفانوس تيواني والاتنين مش مظبوطين نهائي

لا ف شدة الاضاءة ولا فمستوي الافقي كمان وبضطر اقفل النور الواطي لانه بيضايق اللي قدامي جامد

[ecybrarian]

انا مش عارف ابعت لكم العنوان هنا ولا على الخاص؟؟؟؟؟ بعد إذن الاشراف انا هابعت هنا لو في مشكلة نبقى نلغيه..وإن شاء مافيش مشكلة...ملحوظة اخيرة، انا لسة مارحتش المكان دا وماجربتش..عموما دا إللي عندي:

المحل عبارة عن ورشة بتاع ظبط زوايا وترصيص وكاوتش وإضاءة ، أمام السراج مول ، لو إنت واقف وفي ضهرك السراج والمول بتاع الكمبيوتر اللي جانبه عدي الشارع الناحية التانية كدة بقيت على الصف اللي فيه حسني ،امشي كأنك رايح على مكرم عبيد ، هتلاقي شارع جانبي على يمينك قبل ما توصل مكرم عبيد ، إدخل فيه ، تاني عمارة على اليمين هتلاقي جراج نازل لتحت وعليه يافطة كبيرة ، هو دة ، إنزل وقولهم عايز أظبط النور

[eng_maged]

طيب والراجل ده ملوش تليفونات او اسم

[sheko_2000eg]

يا ريت اسم الورشة و اسم الشارع كمان

[mazagngi2010]

ممكن تليفونه