البنزين 80 ولا 90 ولا 92 ولا 95

[mrghost]

انا بحط 80 لعربيتى (شاهين) بس بصراحة بضطر انى ماقرصش على الموتور مرة واحدة علشان العربية متسقفش
بس الحمد الله من ساعة ماحطيت 80 بقيت اروح بيها كل مشاويرى تقريبا

[HRH_Sameh]

انا على طول بحط 90 في العربية
شاهين 2004 - نسبة الانضغاط 9.2:1
او مرة امبارح حطيت 20 لتر 80 على حوالي 10 لتر 90 كانو فيها
مع عارف امتى هاحس بالفرق عشان اقدر احكم (لسه ما مشيتش 10 كم من امبارح) ارجع 90 والا استمر على 80 وربنا يستر

رأيكم ايه يا شباب فكروا معايا بصوت عالي :(

[eldeplomasy]

لو انجكشن ارجع حط 90 تاني افضلك علشان الرشاشات بمتتسدش او تبوظ وتدخل في دوامة وكمان الفلتر بتاع الانجكشن بيتسد بسرعه لانه معمول بطريقه هو يتسد ويبوظ افضل ما يبوظ الرشاشات

وربنا يكفيك شرها

[HRH_Sameh]

لو انجكشن ارجع حط 90 تاني افضلك علشان الرشاشات بمتتسدش او تبوظ وتدخل في دوامة وكمان الفلتر بتاع الانجكشن بيتسد بسرعه لانه معمول بطريقه هو يتسد ويبوظ افضل ما يبوظ الرشاشات

وربنا يكفيك شرها

شكرا ليك ع الافادة وهي كربراتير
يبقى ايه المشورة؟

[د/ خالد]

انا عندي جوا غطا التنك مكتوب ينصح باستخدام بنزين 90 بس انا بصراحه بحط 92 عشان الموتور ومش فارقه قوي في السعر

[muslem]

انا بحط 90 لل125 بس مجربتيش ال80 عايز اجربه بس خايف المتور يعمل بيل زى القديم اللى حصل له بيل بسبب عطل فى لمبة الزيت بس خايف المرة دى يعمل بيل من الرج اللى ممكن يحصل فى المتور بسبب البنزين ال80 و الله اعلم

[eldeplomasy]

شكرا ليك ع الافادة وهي كربراتير
يبقى ايه المشورة؟



يبقى عادي مش هتفرق بس يفضل خليك في 90 افضل للموتور لان الشاهين سواء كاربراتير او انجكش فيه مصممه على بنزين 90 بل كمان عندي في التوكيل بيقولولي حط 92 افضل





بس انا كان عندي ملاحظة لاحظتها من قريب كل ما اغير واحط 90 بدل 92 وبعدين احط 92 بدل 90 بلاش العربية بعد التموين بشوية بتبدأ تتبرجل والموتور يترعش وحالته تتدهور جدا مشوار كده او حاجه ويرجع يتضبط

ده من ايه؟؟؟

[serahmed]

انا بقى حطيت 22 لتر بنزين 80 على حوالى 15 لتر 92 ورغم ان العربية كانت متعودة على بنزين 92 والعربية عندى هيونداى 1500 انجيكشن
ومحستش بفرق كبير

[eldeplomasy]

على فكرة في بعض العربيات مبيفرقش فيها كتير بين ال80 وال90 وال92 لكن في عربيات بتفرق جدا بين ال92 من محطة نظيفة وال92 من محطة توتال او مصر

[amrhussein123]

انا كنت بحط 90 ودلوفتي 80 عشان الاسعار

بس اداء العربيه قل فعلا رغم انها 127 يعني المفروض متفرقش

[tutankhamoun]

بنزين 92 و ده المنصوح به في كتالوج السيارة
و أي تقليل من نسبة الأوكتان سيؤثر سلبيا على أداء السيارة و عمر المحرك الإفتراضي
في عدة مواقع هندسية التي تشرح موضوع نسبة الأوكتان و نسبة الإنضغاط
مكتوب يجب .... أي يجب ..... و لم يكتبوا يستحب أو ممكن MUST
المكتوب
يجب الإلتزام بنسبة الأوكتان الموصى بها في كتالوج سيارتك حتى لا يؤثر ذلك سلبا على أداء السيارة و عمر الأجزاء الميكانيكية فيها
و لكن لم أجد أي توضيح أكثر من ذلك
و لذلك يجب علينا جميعا الإلتزام بنسبة الأوكتان الموصى بها في كتالوج السيارة
و اللي هاتوفر ه في ثمن البنزين ........... هاتدفعه في قطع تالفة في السيارة و اداء ضعيف
يبقى الحل .......... تقليل المشاوير الغير مهمة ......... استخدام المواصلات العامة حيث أمكن

[ahmedfawzy14]

كنت بحط فى الشاهين 90 من يوم لما جبتها

بس بعد ما غلى البنزين بقيت احط 80 ورحت للميكانيكى وطى الكهربا
وظبط الماتور

ومبقتش بحس بفرق غير فى الاول بس
العربية مكتومة شوية

بس يوم الجمعة كنت مسافر القاهرة فطبعا حطيت من اسكندرية 80
وكانت اخر سرعة للعربية معايا 140

المهم وانا راجع طبعا ملقتش فى القاهرة 80
فحطيت 92 من الامارات
وحدثت المفأجاة والعربية جابت معايا 160
بس طبعا رجعت لل 80 تانى


اما بقى الفيرنا من يومها وهيا 92

[Nader]

لو انجكشن ارجع حط 90 تاني افضلك علشان الرشاشات بمتتسدش او تبوظ وتدخل في دوامة وكمان الفلتر بتاع الانجكشن بيتسد بسرعه لانه معمول بطريقه هو يتسد ويبوظ افضل ما يبوظ الرشاشات

وربنا يكفيك شرها

الرشاشات ملهاش علاقة برقم الاوكتان، ثم ان بنزين

80 مش معناة ان اوكتانة قليل انة فية شوائب.

[shalaby2001]

هز بنزين 65 مش اكتر بالكتير اوى 70

[sherif_84]

بحط 90 فى الشاهين والنوبيرا والحمدلله مفيش تسقيف ولا كركرة