صدا بدورة المياة ..ألحقونى يا أهل الخبرة

[hosiny]

يا خبراء المنتدى, أشتريت لانوس 2 مستعملة و ألت أروح البنزينة أنضف دورة التبريد (وطنية) مع العلم أن العربية مبتسخنش..الراجل فك غطا الأربة و كانت المفاجئة الرجل ألى اده يا باشا.. صدا كتير جدا ..لون الميه أصفر و غليظ شوية..أنا مرعوب تكون جابت وش سلندر ولا حاجة..العربية طبيعية و الراجل غسل دورة التبريد كويس و حط مانع للصدأ و ماية خضرا..حد يقولى الموتر أتأثر ولا ايه

[Elawany13]

لا تقلق يا أخى

أول ما اشتريت العربية من حوالى سنة كان فيها صدأ رهيب فى القربة والراداتير

غسلت دورة التبريد 3 مرات فى خلال السنة الماضية مرة عند بتاع راداتير عنده ماكينة غسل راداتير ومرتين عند الميكانيكى ... وكل مرة أحط مياه خضراء وفكيت الراداتير واتسلك من جوه ومفيش فايده .....بعد شهر ألاقى الصدأ ظهر فى القربة والراداتير تانى ... من حوالى اسبوع الميكانيكى فك ماسورة علشان تركيب تريموستات الكوعه ببص فى الماسورة لاقيت الصدأ ماسك فيها من جوه وعامل زى حبوب الشباب كده من جوه ... اعتقد ان من المستحيل تنظيف هذا الصدأ تماماً ... المهم بقاء الوضع على ما هو عليه وعدم زيادة الصدأ ... انما القضاء عليه مستحيل

بالنسبة للتبريد عندى الحمد لله مثالى والعربية مش بتسخن ومفيش اى مشاكل حتى قبل اجراء اى عملية تنظيف

[hosiny]

ألف شكر ليك على الرد الوافى

[original]

طالما نضفتها خلاص ماتقلقش
بس حاول تحط مادة محترمة وتزودها بمياه مقطرة بدل مياه الحنفية
وممكن تجيب جركن موبيل
والأفضل إنك تعمل دورة غسيل بمياه مقطرة

[A7MED_PHARMA]

وش سلندل (على رأي ميكانيكي معرفة) إيه ياراجل
بعد الشر
الصدا شئ طبيعي
تنضف بس الدورة .. وتكشف على طرمة الميه (مشكلة شايعة ف الدايو إن طربمة الميه بتتاكل بسرعة خيالية من الميه).
وتحط ف الدورة مزيل صدأ
وتستخدم ميه خضرا .. أو ميه ترشيح التكييف
بسسسسسسسسسسسسسسسسسس

[blazer]

او تشترى زجاجه ميه مقطره من بتاعه البطاريات
عشان بتاعه التكيف ممكن تبقى فيها شوايب برده من التكيفات النضيفه بتاعتنا :d

[A7MED_PHARMA]

أو مية البطاريات فعلا

بس حل طرمبة الميه وشوفها .. غالبا هتلاقيها متاكلة وطالع عنيها
المشكلة دي قابلتني لما كان عندي دايو

[Elawany13]

أو مية البطاريات فعلا

بس حل طرمبة الميه وشوفها .. غالبا هتلاقيها متاكلة وطالع عنيها
المشكلة دي قابلتني لما كان عندي دايو

وتترمى ويشترى جديد ولا ايه ؟