العربية بتبطل لوحدها بعد ما بتشتغل على طول

[somaforever]

فيات سيينا 2004 1400cc .. العربية عاملة 180.000 كيلو و لسه عاملها عامرة عشان احل المشكلة و ما تحلتش .. جبت كومبوتر استيراد و طرمبة بنزين جديدة و فلتر البنزين لسه مغيرة قبل العمرة .. بعد ما عملت العمرة العربية فضلت دايرة يومين من غير اي مشاكل و رحت بيها مشوار من حلوان لأكتوبر .. حاجة كده بتاع 60 كيلو .. و لما وصلت العربية حلفت طلاق ما هتشتغل تاني و من سعتها كل ما ادورها تبطل لوحديها .. العربية ما تفضل دايرة لاكتر من عشر ثواني .. مع العلم ان فيه بنزين بيوصل للماتور و ان الرشاش بتاعي جربته على عربية تانية و اشتغل زي الفل .. المباين شغالة كويس و البوجيهات جديدة .. الموضوع بقالة حوالي خمس شهور و فيه تفاصيل كتيرة .. لو فيه اي سؤال ممكن يدلنا على طريقة نحل بيها القصة دي يا ريت اعرفه عشان انا بجد وصلت لمرحلة "أنا مش عارف أعمل ايه"
شكرا لاهتمامك بالموضوع

[ahmed_h_g]

على فكره طلمبة البنزين ساعات بتعمل حركات خيانه
يعنى ممكن العربيه متشتغلش و تفتح ماسورة فلتر البنزين تلاقى ضغط البنزين شديد ولو جربت تانى هتلاقى ضعيف ولو جربت تانى هتلاقيه شديد
هتفضل تلعب معاك لحد ما تزهق

ولو واثق من الطلمبه أكشف على الكتاوت الخاص بيها أو غيره وأكشف على السلك الخاص بالطلمبه بالكامل

[ahmed_h_g]

وأكشف على فيشة حساس الكرنك

[somaforever]

الف شكر لدرك و اهتمامك بالموضوع
هي الطرمبة جديدة و بترمي بنزين كويس و الموبينة و شغالة كويس .. بس حكاية حساس الكرنك دي غابت عني خالص .. انا فعلا كنت بكشف عند التوكيل زمان و قالي حساس الكرنك عايز يتغير .. هكشف عليه و اقولك الاخبار

[ahmed_h_g]

متابع معاك ........

[shm_144]

ونا متابع معاك و لو موصلتش لحل ابعتلى ع خاص

[mshmshm3]

بص بردو علي الدينامو و البطارية

[sniper2_ready]

انا كان عندى نفس المشكله ومش عارف اعمل ايه وعربيتى سيتروين اكسارا 2001