احتاج خبراتكم بخصوص العافشة

[Lord of the flies]

انا استعمل عافشة منرو ومرتاح معها و الحمد لله ولكن السيارة اصبحت منخفضة من الخلف قليلا .
بعض الناس نصحنى بالذهاب الى حداد عافشة لكى يقوم بتركيب قنطرة خلفية للسيارة
هل هذا الحل جيد بمعنى سيؤدى الى ارتفاع السيارة وكذلك الحفاظ على نعومة المساعدين؟؟
هل الحل الاخر هو تغيير السوست الخلفية ؟

[MMamdouh]

car type and model??

MMamdouh

[Lord of the flies]

نوفا ريجاتا 85 موديل 1988

[Ahmed Selim]

رأيي أنك تغير السوست اللى ورا

[sab3aawy]

النوفا ريجاتا عفشتها الخلفية على سوست ورق صلب، وهذة يتم تعليتها او توطيتها بفكها والطرق عليها، يتم تركيب اوراق جديدة لها فقط فى حالة كسر الأوراق القديمة ، لكن لا ينصرح نهائيا باضافة عدد من اوراق الصلب اكثر من وضعها الطبيعى

متى يتىم تعليه العفشة الخلفية: يتم تعلية العفشة الخلفية فى حالة انخفاضها عن معدلها الطبيعى، يعنى لما تكون العربية واطية من ورا عن الأمام ، لكن لو العتب السفلى الجانبى للسيارة موازى للأرض يبقى لا يصح تعلية السيارة نهائيا، تعلية السيارة من الخلف فى هذة الحالة ستؤدى الى انكفاء السيارة من الأمام وتدهور ثباتها وتعرضها للأنقلاب فى الملفات، كما ان منظرها يكون سئيا جدا اشبه ما يكون يتاكسيات الأرياف (يحرص سائقو تاكسيات الأرياف على رفع السيارة من الخلف بأية طريقة ممكن لإمكان تركيب اكبر عدد من الأفراد فى السيارة مع حقائبهم دون ان تحتك خلفية السيارة بالأرض)

اما لو كانت السيارة كلها منخفضة عن الوضع الطبيعى (ارتفاع عتب الريجاتا عن الأرض فى حدود 20 سم تقريبا) هنا يمكن تغيير السوست الأمامية او تركيب علايات لها ، مع طرق السوست الخلفية لضبط ارتفاعها مع السوست الامامية ، فقط ينصح بعدم استخدام علايات اكثر من 3 سم للسوست الأمامية فى حالة الأحتياج لتعلية اكثر (للعودة للوضع الطبيعى وليس الأرتفاع عنه) يتم تغيير السوست الامامية

يعنى المختصر:

لو العربية اقل من علوها الطبيعى ركب علايات فى الأمام واطرق السوست الخلفية للعودة للوضع الطبيعى

لو علشان تعمل الكلام ده هتحتاج علايات اكثر من 3 سم ، يبقى لا تستعملها وغير السوست الامامية

لاتعلى العربية ابدا عن وضعها الطبيعى

لو العربية واطية من الخلف يتم طرق السوست الخلفية فقط للعودة للوضع الطبيعى

لابد ان تكون السيارة موازية للأرض، لا مكفية من الأمام ولا واطية من الخلف، ويتم التحكم فى هذا بطرق السوست الخلفية لو ان السوست الأمامية مظبوطة

[Lord of the flies]

جزاكم الله خيرا

جزاكم الله خيرا على الشرح و الافاضة يا استاذ احمد و يا بشمهندس سبعاوى.
ولكن لو سمحتم لى بسؤال اخير هل يوحد احد يعرف عفشجى شاطر عندة ضمير و صبر ليقوم بهذة المهمة؟؟؟

[sab3aawy]

فيه واحد مش بطال انا كنت بتعامل معاه فى ميدان الجيش اسمه ميمى، لو انت رايح ميدان الجيش من شارع العباسية ، بعد ما تدخل ميدان الجيش هتلاقى المرور كله اتجاه اجبارى فى شارع حارتين كدة علشان مشروع المترو، اول دا تدخل الشارع ده اسأل على ميمى العفشجى، هو ورشته بعد اول الشارع بحوالى 100 متر تقريبا على الشمال

[mrghost]

كما قال الاستاذ سبعاوى بالنسبة للسوست اللى ورا بتتقنطر بس مش محتاج تزودها او تغيرها