استفسارات عامة عن بولو 99 وأسعار قطع الغيار

[Elkomanda]

السلام عليكم
ازيكم يا جماعة؟ لو سمحتم أنا عندي عربية بولو موديل 99 1000CC انجكشن

الحمد لله العربية كنت شاريها من واحد محافظ عليها ومريحاني الحمد لله
لكن عايز أسأل عن شوية حاجات كده فيها

أول حاجة ودي بدأت مع الشتاء
لما آجي أدور العربية بتدور بسرعة وكل حاجة لكن في سير بيصرخ كده شوية وبعدين يبطل
الميكانيكي قال لي ده سير التكييف ومحتاج أغير قاعدة المكيف لإن الموجودة في العربية مش الأصلية بتاعتها ومعمولة عمولة

كنت عايز أعرف سير التكييف بيعمل كام والقاعدة دي بتعمل كام؟

الحاجة التانية لما بدوس بنزين جامد ويبدأ الrpm يعلي عن مثلاً 4000 بيطلع صوت شخللة كده زي ما يكون في مسمار سايب أو حاجة بتشخلل والميكانيكي قالي برضه إن السبب هو قاعدة التكييف

كمان كنت عايز أعرف سعر سير الكاتينة بتاعها وعرفت برضه إنه لو لا قدر الله سير الكاتينة انقطع العربية بتجيب صبابات
فكنت عايز أعرف سعر الصبابات دي بيبقى في حدود أد ايه؟

آخر حاجة بالنسبة لفلتر البنزين والزيت
كل واحد منهم بيعمل كام وأغيره كل أد ايه؟ مع العلم أنا بحط بنزين 90

وبس كده
معلش طولت عليكم D:

[احمد الطيب]

برجاء من الادمن الرد كون ان المنشور يمثل بالظبط ابمنشور الذي كنت ساكتبه وشكرا لكم