العربيه طفت مني وانا بسخنها

[shooda2020]

النهارده و كنت لسه مدور العربيه امبارح و تمام بس كان من اسبوع كدا حصل نفس الحصل بس علي بسيط المهم وانا لسه مدورها مافيش 40 ثانيه لقيتها كركبت جامد و طفت ادور مافيش كان البطاريه قولت اشوف الازاز النور التلاكس شغالين قولت تبقي مش بطاريه لقيت جاري كان واقف المهم قرص عليها جامد مع وحمل بنزين جامد لحد مادرات راح قالي دي وساخه بنزين اطلع بيها عالطريق و اقرص عليها جامد
و واحد صاحبي قالي توديها لميكانيكي ينضفلك فلتر البنزين و يشوفه و ينضف حساسات الانجكشن
انا اصلا فعلا حاسس ان العربيه مكتومه مع ان دايما بحط بنزين 92 و عمري ماحطيت 90 دا واخر مره فولت كنت حاطط منقي الانجكشن الامريكي دا مع التفويله يا ريت خبراء المنتدي ينصحوني بايه
و ياتري سعر فلتر البنزين بتاع الفيرنا كام من التوكيل
شكراااااااااااااااا

[shooda2020]

هو الموضوع صعب اوووووي للدرجه دي

[Ahmed Amin]

أحتمال كبير تكون طلمبة البنزين عندك بتودع
ولو كدا ممكن تبقي تغيرلها موتورها بدل ما تغير الطلمبة كلها
ونصيحة مني متحطش منقي الأنجكشن دا تاني.

[shooda2020]

دي العربيه ماعملتش غير 13 الف كيلو و لو فعلا طلع عايزه طرمبه بنزين دي تعمل كام؟؟؟

[mbx4e]

انت دورها صح بس الاول
طرمبتك كهربا صح؟؟؟؟
افتح الكونتكت على التكه اللي بتشغل الطرمبه كارك على دواسه البنزين 2 او 3 او 4 مرات مش اكتر عشان ماتشرقش ودور وسيب السخان بتاع السلانسيه شغال لغاية اما يفصل

[lad]

أحتمال كبير تكون طلمبة البنزين عندك بتودع
ولو كدا ممكن تبقي تغيرلها موتورها بدل ما تغير الطلمبة كلها
ونصيحة مني متحطش منقي الأنجكشن دا تاني.

+1111111111

[amrelsaqqa]

انت دورها صح بس الاول
طرمبتك كهربا صح؟؟؟؟
افتح الكونتكت على التكه اللي بتشغل الطرمبه كارك على دواسه البنزين 2 او 3 او 4 مرات مش اكتر عشان ماتشرقش ودور وسيب السخان بتاع السلانسيه شغال لغاية اما يفصل

العربية انجكشن مفيهاش القصة دى

[mbx4e]

العربية انجكشن مفيهاش القصة دى

خليه يجرب ويقلنا فيها ولا لا؟

[shooda2020]

التجربه بتاعتي يا شباب
اني روحت التوكيل و قالي ان البنزين كان عليه ميه بدليل ان فلتر البنزين كان فيه ميه و قالي علي البنزينه ال في اسيوط دي اني ماروحهاش طب انا لسه فيها شويه بنزين من ال خايف منه بس حاسس العربيه صوتها عالي في الار بي ام عند 3 و بحسها بترعش وهي واقفه ياتري دا يكون ايه و هل اسيب البنزين المعفن دا لحد مايخلص و لا اشيله هو فاضل حاجه بسيطه خالص

[amrelsaqqa]

خليه يجرب ويقلنا فيها ولا لا؟

يا باشا فيها طرمبة كهربا ماشى و بتحضر مع فتح الكونتاكت ماشى

انما لما يكارك على دواسة البنزين مالهاش اي لازمة ولا حتى العربية هتشرق لأنها مش كربراتير

الكمبيوتر هو اللى بيدى الامر للرشاشات تدى كمية بنزين معينة والار بي ام يعلى لوحده لان الكمبيوتر هيعرف ان العربية لسة باردة وبتتسخن