عشق السيارات

[hassanmoktar]

هل السيارة وسيلة انتقال ام هواية وعشق
ليه الواحد لما يركب السيارة وهى تمام بيحس انه ميسوط ولو السيارة عاديه مبيكونش مزاجه كويس
بعيدا عن الاعطال والفتايين والتكلفة
ليه ديما لما بنغسل السيارة بتحس ان انت الفوات
ليه لما بتشوف عربيه متروشه بتسعد

[mbx4e]

دي الراحله ياباشا
اي بني ادم بيحب لبسه يبقى حلو ومريح
والعربيه زيهم

[mbx4e]

اما العشق والهوايه للميكانيكا هو اللي بيشد اكتر ؟؟؟؟؟؟ عارف ليه ؟؟؟؟؟؟؟؟؟
السواق الركيب عامل زي الفارس اللي راكب خيل سبق مايعرفش يفوز الا اذا كان يعرف يتواصل مع الركوبه بتاعته عشان يسيطر
فبالنسبه للعربيات الميكانيكا هي الوسيله اللي تخلي السواق مسيطر اكتر على المكنه اللي معاه

[montaser2005]

موضوع جميل وطرح قيم
بالنسبة لي انا بشوف إن الموضوع مختلف بين شخص والتاني يعني مثلاً انا بعشق السحب والروشنة والدريفتات لذلك تلاقيني مستمتع بالعربية لما يكون فيها عزم كويس، وفي واحد تاني ينزل يفتح باب عربيته يدور ويمشي فالشارع يبص عالناس زي التايه لا حاسس بالعربية ولا عاوز يحس بمتعتها....يعني الأمثال كتييير.
أنت بقى ايه نظامك

[mo3tazanas]

منظرة

[amdd]

الاحساس فعلا بيكون رائع والعربية فايقة معاك ومفيهاش اعطال ..لكن لو فيها مشكلة بتسوق وانت مزاجك كده مش رايق ...خصوصا لو المشكلة دى دايخ على حلها
واوقات كتير تحس ان العربية حاسه بمزاج صاحبها هى كمان

[sherifunmis]

عندى الحالة الفنية أهم شىء
يعنى العربية تمام .. مايفرقش بأه أكصدام مكسور .. باب مخبوط
المهم أن التأديه تكون مثالية
و كل واحد و له تفكيره
تحياتى للجميع ‘

[ezatooo]

السلام عليكم

انا معاية الوضع مختلف بكره اي صنايعي يحط ادية في عربيتي بالضبط زي مابكره اي صنايعي ادخله بيتي
بتعب جداً لما بدور علي معلومة للأصلاح العربية ولو فيها عيب لاكن ساعات ربنا بيوفق وبتخلص وساعات بطول العملية معاية وتحتاج اني احاول مره وراء مره وراء مره ....................... لحد ربنا يكرمني والاقي الحل

هقولكم علي أول حاجة عملتها كان معاية عربية بيتلز وكنت عاوز ارشها وكانت أول عربية طبعا كعاده روحت لكذا صنايعي المهم سعر الرش مقلش عن 1500 لأن العربية كانت ميتالك
طبعا انا ادايقت جداً وحسيت انه استغلال رسمي طبعا قولت انا لازم اعملها بنفسي
طبعا روحت سائل علي الكمبورسور والمسدس و الخرطوم ورحت بايع الكمبيوتر بتاعي اشتريت عدة الرش بس طبعاً علي اد شغلي .
ورشيت العربية وطلعت سيئة جداً لدرجة ان يشفها يقول عليها زي البطيخة المرملة من كتر ما الرشة وحش لاكن حاولت تاني وبدأت اسأل علي الأخطاء الي عملتها وبدأت اتفادها ورشيت تاني وطلعت 50% يعني كويسة .
طبعاً رشيت العربية كتير لأني كنت لسة بتعلم وكنت بعمل حوادث كتير خصوصاً ان البيتلز فرملها بتقطع فجأة طبعاً الكلام دة بقاله 10 سنين .
يمكن العربيات بالنسبالي بحس انها فن من نوع خاص جداً وحب من نوع خاص جداً
احساس مختلف جداً .

[montaser2005]

السلام عليكم

انا معاية الوضع مختلف بكره اي صنايعي يحط ادية في عربيتي بالضبط زي مابكره اي صنايعي ادخله بيتي
بتعب جداً لما بدور علي معلومة للأصلاح العربية ولو فيها عيب لاكن ساعات ربنا بيوفق وبتخلص وساعات بطول العملية معاية وتحتاج اني احاول مره وراء مره وراء مره ....................... لحد ربنا يكرمني والاقي الحل

هقولكم علي أول حاجة عملتها كان معاية عربية بيتلز وكنت عاوز ارشها وكانت أول عربية طبعا كعاده روحت لكذا صنايعي المهم سعر الرش مقلش عن 1500 لأن العربية كانت ميتالك
طبعا انا ادايقت جداً وحسيت انه استغلال رسمي طبعا قولت انا لازم اعملها بنفسي
طبعا روحت سائل علي الكمبورسور والمسدس و الخرطوم ورحت بايع الكمبيوتر بتاعي اشتريت عدة الرش بس طبعاً علي اد شغلي .
ورشيت العربية وطلعت سيئة جداً لدرجة ان يشفها يقول عليها زي البطيخة المرملة من كتر ما الرشة وحش لاكن حاولت تاني وبدأت اسأل علي الأخطاء الي عملتها وبدأت اتفادها ورشيت تاني وطلعت 50% يعني كويسة .
طبعاً رشيت العربية كتير لأني كنت لسة بتعلم وكنت بعمل حوادث كتير خصوصاً ان البيتلز فرملها بتقطع فجأة طبعاً الكلام دة بقاله 10 سنين .
يمكن العربيات بالنسبالي بحس انها فن من نوع خاص جداً وحب من نوع خاص جداً
احساس مختلف جداً .

طب قولنا طريقة الرش أو الأعطال اللي حلتها بنفسك وطريقة الحل.