طبقه الشمع اللي بتيجي علي العربيه الأوبترا لغرض الحمايه

[tayson54]

شباب فيه حد معاه عربيه اوبترا او افيو ولما اشتراها الشمع اللي مغطي العربيه كنوع من الحمايه مكنش طلع كله لسه رغم ان المعرض غسل العربيه بعلبه الشامبو المخصصه لازاله طبقه الشمع الحمايه دي ؟
لان عندي علي الشنطه والسقف بالذات اجزاء فيها طبقه الشمع دي تحس انها مطفيه كده واجزاء تانيه بتبرق لان معلهاش طبقه الشمع دي ...حد يعرف مركز متخصص تكون عنده سوائل يغسلوا بيها العربيه او حتي بنزينه نظيفه علشان تشيل الشمع بالكامل ؟؟

[wael_adel31]

حضرتك ممكن تروح بنزينة وطنية اللى فى الطريق الدائرى بتاع مدينة نصر-مساكن شيراتون وهناك هما هيشيلوه على طول أنا عملتو هناك من 3 سنين عشان كان عندى نفس المشكلة بردو وكل خميس بغسل العربية هناك

[tayson54]

جزاك الله يا حبيبي الف شكر ...هروح علي طول
مش انت تقصد "بنزينة وطنية اللى فى الطريق الدائرى بتاع مدينة نصر-مساكن شيراتون" اللي هي في الطريق اللي بيوصل علي المقطم والمعادي (اللي ادام المقابر دي )....ودخله المقطم بتكون بعدها بحوالي 400 متر تقريبا...ولا انت تقصد بنزينه تانيه ؟

انت فاكر هما غسلوا العربيه عادي ولا استخدموا سوائل معينه بعد ما شرحت لهم المشكله علشان محدش يشتغلني بس .

[tayson54]

واحد صاحبي قالي هي البنزينه اللي في الطريق الواصل بين مدينه نصر (اللي طالع من عند النادي الأهلي) وبين مساكن شيراتون ...لو هي دي اللي انت تقصدها يبقي انا عرفتها لاني بعدي عليها كل يوم ...يا ريت بس تقولي هما غسلوها عادي ولا بيستخدموا حجات معينه