يعني ايه طقم كستبنات

[ahmedelaraby]

يا جماعة انا معروض عليا عربية كيا ريو بسعر حلو اوي وحالتها حلوة بس صاحبها بيقولي عاوزة طقم كستبنات
وانا بصراحة اول مرة اسمع الكلمة ديه ممكن حد يقولي معناها ايه
هو كان عامل عمرة وقالي انو ركب القديم بتاعها تاني

افيدوني ارجوكم

[ahmedelaraby]

ايه يا جماعة معقول محدش يعرف

[romieh]

طقم الكستبانات دى اللى هى بتكون بين عمود الكامات والصبابات (التاكيهات)

واعراض تلفها ان بيكون في صوت تكتكة فى الموتور

[ahmedelaraby]

شكرا ياباشا ع الرد السريع

[khaledrezk]

السلام عليكم يا اخى الكريم


انا معايا كيا ريو 2004 اتوماتيك وبسمع صوت السكسكة دة والمتور داير بيبقى باين قوى وهى لسة باردة لو تكرمت يا اخى لما تصلحها ابقى قولى اية الاخبار واتكلفت كام
بس العربية ماشاء الله كويسة جدا فى الاستعمل

[ahmedelaraby]

يعني دي حاجة بسيطة ولا تعييب العربية

[khaledrezk]

هى العربية حلوة جدا بس الصوت بتاعها بيبقى عالى شوية وتظهر صوت التكتكة بيحسسك ان صوت العربية عالى بس كلة تما انا لفت نظرى بس لما انت قولت طقم الكوستبانات

[فادى محمد]

الكوستبانات هي بديل للتاكيهات في المواتير القديمه وهي بتنقل حركه عامود الكامات للتاكيهات في بيت الكامه ..اسباب تلفها اما زيت الموتور بيعد كتيييير في الموتور والرواسب اللي فيه تدخل للكوستبانات وتبوظها او ان سوسته الكوستبان الداخليه ضعفت وفي الحالتين بتسمع صوت تكتكه والموتور بارد انما بعد كده لما يسخن الصوت بيقل.
الموضوع بسيط مش كبير ومايعيبش الموتور بس هو كان غيرهم بالمره بدل ماتفتح بيت الكامه تاني ..لو موتورك كامه واحده هيبقي عندك 8 كوستبان ولو كانتين هيبقوا حفله .16 واحد ..
لما تغيرهم غير بالمره شواكيش الكوستبانات (دلايل الصبابات)
ممكن تجيبهم استيراد بس تخلي الميكانيكي ييجي معاك يجربهم
قبل التركيب ده في حاله ان تمنهم جديد مبالغ فيه ,هما عندي في
الفيكترا الواحد جديد الماني ب65ج واستيراد ب25ج وكذلك سعر الشواكيش.. طولت عليك...ربنا يوفقك

[khaledrezk]

الكوستبانات هي بديل للتاكيهات في المواتير القديمه وهي بتنقل حركه عامود الكامات للتاكيهات في بيت الكامه ..اسباب تلفها اما زيت الموتور بيعد كتيييير في الموتور والرواسب اللي فيه تدخل للكوستبانات وتبوظها او ان سوسته الكوستبان الداخليه ضعفت وفي الحالتين بتسمع صوت تكتكه والموتور بارد انما بعد كده لما يسخن الصوت بيقل.
الموضوع بسيط مش كبير ومايعيبش الموتور بس هو كان غيرهم بالمره بدل ماتفتح بيت الكامه تاني ..لو موتورك كامه واحده هيبقي عندك 8 كوستبان ولو كانتين هيبقوا حفله .16 واحد ..
لما تغيرهم غير بالمره شواكيش الكوستبانات (دلايل الصبابات)
ممكن تجيبهم استيراد بس تخلي الميكانيكي ييجي معاك يجربهم
قبل التركيب ده في حاله ان تمنهم جديد مبالغ فيه ,هما عندي في
الفيكترا الواحد جديد الماني ب65ج واستيراد ب25ج وكذلك سعر الشواكيش.. طولت عليك...ربنا يوفقك

الف الف شكر يا باشا على الشرح الوافى وربنا يجازيك خير

[ahmedelaraby]

الكوستبانات هي بديل للتاكيهات في المواتير القديمه وهي بتنقل حركه عامود الكامات للتاكيهات في بيت الكامه ..اسباب تلفها اما زيت الموتور بيعد كتيييير في الموتور والرواسب اللي فيه تدخل للكوستبانات وتبوظها او ان سوسته الكوستبان الداخليه ضعفت وفي الحالتين بتسمع صوت تكتكه والموتور بارد انما بعد كده لما يسخن الصوت بيقل.
الموضوع بسيط مش كبير ومايعيبش الموتور بس هو كان غيرهم بالمره بدل ماتفتح بيت الكامه تاني ..لو موتورك كامه واحده هيبقي عندك 8 كوستبان ولو كانتين هيبقوا حفله .16 واحد ..
لما تغيرهم غير بالمره شواكيش الكوستبانات (دلايل الصبابات)
ممكن تجيبهم استيراد بس تخلي الميكانيكي ييجي معاك يجربهم
قبل التركيب ده في حاله ان تمنهم جديد مبالغ فيه ,هما عندي في
الفيكترا الواحد جديد الماني ب65ج واستيراد ب25ج وكذلك سعر الشواكيش.. طولت عليك...ربنا يوفقك

الف الف الف شكر يا باشا فعلا انا استفدت من حضرتك