عربيتى بتاكل بنزين جداد جدا جدا وعايز المشاركه من الجميع

[lovernan]

ياشباب انا عندى اكورد 1985 وبيتعمل حوالى 120كم فى الصفيحه بس وهى 1800 Cc ومش عارف المشكله ممكن تكون فين بصراحه لو حد يعرف مركز خدمه محترم يقولى عليه علشان اكشف على العربيه ويحدد لى بالظبط فين المشكله

[homme49]

هل حاولت ضبط الكاربيراتير ؟
هل طقم الكهرباء تم تغييرة حديثا أم مستعمل منذ فتره طويلة ؟
سيارتى ريجاتا 85s كانت تشرب بنزبن بمعدل لتر لكل خمسة كيلو متر
بعد تغيير طقم كهرباء (بوجيهات بوش) أبلاتين و كوندنسر فرنساوى و ضبط و تنظيف كاربيراتير بمبلغ خمسون جنيه مصنعية أصبح لتر البنزين 90 يكفى لمسافة 10 كم داخل البلد
و إن كنت أفكر فى إستعمال بنزين 80 (طبعا بعد ضبط الإسبيراتير) و ذلك مؤخرا بعد زيادة أسعار البنزين
فى عام 1985 كنت أستعمل لها بنزين 80 و لم تكن هناك مشاكل فى الأداء لذلك سوف أعاود الكرة مع الأخذ فى الإعتبار متابعة الأداء بعد تقدم عمر الموتور

[lovernan]

ممكن برده هاكشف على طقم الكهرباء
لو تقدر تدلنى على مركز بيضبط الكابرتير بالكمبيوتر ويوازن الهواء مع البنزين يبقى جزاك الله خيرا

[homme49]

عزيزى lovernan
لقد قمت بتجربة صيانة الكاربيراتير عدة مرات و لكن المرتان اللتان تم فيهم الضبط بمهارة كانا كالتالى

1- رضا
شارع السودان بالمهندسين أمام محطة بنزين إسو (موبيل الآن) محل على الشمال فى الشارع المواجه لمجطة البنزين
و كان تكلفة الصيانة مرتفعة جدا

2- العسكرى
مدينة بدر - شارع جسر السويس - محطة الجراج فى أول طريق الإسماعيلية بعد ميدان الألف مسكن - مصر الجديدة -
الشارع الملاصق لملاهى مدينة بدر و يسمى شارع الأربعينى
هناك محل فى الجهة الشامل من الشارع أمام مركز صيانة (كيا أو هيونداى مش متذكر )

لكنه مشهور جدا فى هذه المنطقة و إسمه العسكرى لصيانة الكاربيراتير
بيشتغل بذمة و أسعاره مهاودة جدا و تعامل معه مباشرة و لا تتعامل مع صبيانه
و عندما يطلب منك أحد صبيانه أى شئ رد عليه بأن التعامل مع الريس لأنهم بيعملوا مصالح لنفسهم ( مثلا يقولك عايزين جوان بعشرين جنيه و هو ثمنه 3 جنيه )
ركبنا لك وردة بعشره جنيه و هكذا
إدخل فى الصيى شمال و عرفه إنك فاهم حا يلم نفسه و خلى تعاملك مع صاحب المحل الرجل الكبير (حوالى 45 سنه )