مقصات الشاهين

[medozaed]

انا العربيه عندى بتعوم على السرعات العاليه زى 120 والحكايه دى جديده فروحت لواحد بتاع عافشه فقالى العربيه عايزه مقصات جديده وحشو اسكتره انا عايز اجيب حاجه اصليه اجيب نوع ايه وبكام ومنين بالنسبه للمقصات هو قال ممكن يكبسهملى هل ينفع ولا اشتريهم جداد وخلاص

[Xpert]

الاخ سبعاوي ينصح باوكاب ايطالي ... دور عليه و شوفه ..

[mrghost]

لو انت من القاهرة عليك وعلى اولاد كمال مهران فى ش رمسيس بجوار جريدة الجمهورية الراجل ده اللى بيورد قطع الغيار لشركة النصر وانا جبت من عنده ماستر فرامل اصلى والحمد لله وياريت لو جبت من بره هات المانى لان طبعا المانيا احسن صناعه وشكرا وممكن مايكونش العيب عندك فى المقصات ممكن يكون كاوتش stablizer عايز يتغير نصيحة روح لبتاع عفشة تانى واسأل قبل ماتغير

[eldeplomasy]

فعلا روح لبتاع عفشه تاني واتأكد قبل ما تغير

وكمال مهران فعلا بيبيع نفس القطع اللى بتتباع في شركة النصر وطبعا شركة النصر مش هتركب حاجه وحشه او بايظه

[sab3aawy]

عندك التركى من اول 130 جنيه للجوز

والاوكاب الإيطالى ب 180 للجوز

والكونترول الألمانى ب 220 للجوز

وفيه نوع اسبانى ب 180 للجوز

من واقع تجربتى الشخصية انصع بالأوكاب او الكونترول بس تتأكد انه اصلى

الاوكاب موجود عند هشام لهيطة فى التوفيقية وعند الكيلانى فى شامبليون

[medozaed]

فى عند كمال مهران الكونترول بس مكتوب عليه الاتحاد الاوروبى هل ده الى قصدك عليه

[medozaed]

ويعنى ايه كاوتش stablizer انتا قصدك على كاوتش الميزان لان دا كمان طلبوه منى علشان يغيره

[eldeplomasy]

تقصد ايه بالكنترول؟؟؟

تقصد الكمبيوتر

[medozaed]

نوع المقص كونترول

[eldeplomasy]

طيب انا عايز اعرف هي العربية بتعوم منك ازاي بعد 120

لان عندي موديل 2006 وبتعوم لما اكسر شمال مرة وحده على سرعة حتى 40 بلاقيها من ورا عامت جدا فممكن تشرحلي ازاي؟؟؟

[Xpert]

ويعنى ايه كاوتش stablizer انتا قصدك على كاوتش الميزان لان دا كمان طلبوه منى علشان يغيره

يس سير كاوتش الميزان ... بس الشباب متامركين هنا شويتين :D :D

[medozaed]

انا عندى العربيه بتعوم على سرعه عاليه مش بتعوم اوى هى مابتبقاش ثابته ويسلام لو دوست على نقره او حته مكسوره فى ملف ولا حاجه العربيه مابتبقاش مظبوطه وبعدين لو العربيه عندك بتعوم من ورا فى 10 كوتشات (8كاوتش شدادات و2كاوتش ميزان) اتاكد انهم سلام والعربيه تنظبط من ورا

[رامى خيال]

انا اشتريت مايلى المانى اصلى لعربيتى ب235 جنيه الجوز بعد محاولات للفصال مع البائع الا انها باءت بالفشل بس بصراحة هو افضل نوع مع احترامى لجميع الانواع اللى اتقالت من الاعضاء

[medozaed]

انا اشتريت الكونترول الالمانى 220 من عند كمال مهران الف الف الف شكر لجميع المشتركين الى ساعدونى انا ركبتهم وحسيت ان العربيه باقت حاجه تانيه خالص هى كانت بتعوم من زمان بس انا مكنتش واخد بالى لانى كنت متعود عاليها

[eldeplomasy]

طيب الشداد الخلفي القصير عندي فيه بوش وبيعوم العربية من ورا جدا دول افضل نوع ليهم ايه؟؟؟

أجيبهم من الشركة ولا في نوع تاني أفضل أجيبه من كمان مهران؟؟؟ وبكام؟؟؟