عايز مساعدتكم بخصوص الفرامل

[dr_abooody]

السلام عليكم
ارجو الا اطول عليكم
انا عربيتي فيات 128 موديل 85
المشكلة في الفرامل الامامية
انا كنت لسا مغير تيل امامي من قريب و المهم اعدت بيه شوية و كان كويس بعد فترة بدأيعمل صفارة جامدة بتسبب ازعاج بس بيمسك معقول.
الناس نصحوني ان انضف التيل
روحت للميكانيكي راح جة يحكة كدا في الرصيف عشان ينضفة
راح قالي التيل دة ناشف اوييي
المهم عملة على الصاروخ و بقى كويس دلوقتي رجع يصفر تاني زي الاول
و في كمان مشكلة و انا برجع مارش بدوس الفرامل مش بيمسك حلو و كمان بيعمل صوت زي مايكون كدا حاجتين بتخبط في بعض و مع الوقت بقى لما بمشي ادام عادي و ادوس فرامل خفيفة بيحصل نفس الصوت بس ساعات يحصل و ساعات لأ لكن دايما بتحصل الخبطة دة وانا برجع مارش بس(مع العلم انها راحت لما عملت التنضيف دة بس رجعت تاني بسرعة بعد التنضيف )

دلوقتي هل المشكلة في التيل دة ان خامتة وحشة مع العلم انة (تركي لونة اسود) ؟؟؟؟؟؟
و اية هو أحسن و ارخص نوع ؟؟؟

[Goodle]

بانتظار ردود الخبراء

[Xpert]

غير كنابير هات بريمبو ايطالي و كقم تيل فرامل نضيف اعتقد ايطالي برضه و كله يبقي تمام ;)

[HeMa_LanCeR]

علي فكره هو التيل نوعه وحش بس لا أكتر ولا أقل والطنابير كويسه مدام الصوت راح لما نضفت التيل بس خلي بالك ده كده ممكن يأذي الطنابير

[Xpert]

يمكن الطنابير فيها ريجه (عالي وواطي) كمان .. يا عم غير و خلاص .. الوقايه خير من العلاج :d

[HeMa_LanCeR]

يمكن الطنابير فيها ريجه (عالي وواطي) كمان .. يا عم غير و خلاص .. الوقايه خير من العلاج :d

ياباشا مش فلوس وخلاص الراجل بيستشير مش نغرمه وأظن هو لو غير طنابير هيغير كمان تيل يبقي الافضل يغير ارخص حاجه اللي هو التيل لو لقي المشكله مستمره يبقي يغير طنابير وربنا معاه وتطلع حاجه بسيطه وتيجي علي طقم تيل بس نصيحه مني لو هتجيب تيل هاتو مغلف بطبقه بلاستيكيه يعني بلاش اللي في كراتين وفي نوع اسمه جرين لاين وده كرتونه بتتفتح زي الكتاب وفي كل جانب تيلين بس جامد اوي و ياباني اصل او حاول تجيب اي حاجه من اللي فيها كرتونه زي الكتاب وكل تيلين في جانب ومتغلف بلاستيك هيكون مضمون

[Xpert]

ماهه لو الطنابير فيها ريجه و عالي وواطي و مخلصه ... هاتبوظ التيل برضه ...

[HeMa_LanCeR]

ماهه لو الطنابير فيها ريجه و عالي وواطي و مخلصه ... هاتبوظ التيل برضه ...

ياباشا دا هيجرب وهو انا بقله هات تيل وركبه وبعد مايخلص ابقي شوف العيب انا قلت ركب وشوف العيب مستمر ولا لأ

[Xpert]

ياباشا دا هيجرب وهو انا بقله هات تيل وركبه وبعد مايخلص ابقي شوف العيب انا قلت ركب وشوف العيب مستمر ولا لأ

خلاص يا عم حقك عليا :D :D

[HeMa_LanCeR]

خلاص يا عم حقك عليا :D :D

ايوا كده بس في حاجه غريبه صاحب الموضوع نفضلنا واحنا عمالين نتناقش وهو مش بيرد

[Xpert]

اصل هنا مش شات ... هنا تسال و الناس تجيب .. مش تسال و الناس تعمل شات :d :d

[dr_abooody]

شكرا على الردود و عذرا للتأخير في الرد
انا قبل ما اغير التيل في الاول عملت تخشين للطنابير عند الخراط فهل دة ممكن يكون بوظها ؟؟؟؟
و لكن انا عايز اعرف احسن نوع و احسن سعر للتيل
التيل التركي دة اللي كنت جايبة كان بردة في كرتونة و متغلف بلاستك بردة
و طلع مش كويس
مش معنى ان التيل متغلف انة كويس اهم حاجة النوع
انا سامع ان في انواع كدا ايطالي
و الماني كويسة بس للأسف متلاقيش في السوق غير التركي و الصيني
:arghh:

[hazem_khidr]

مشكلتك مشكله تيل و الصوت دا ناتج ان فيه تيله فاكه من مكانها
لو الطنابير بايظه حتحس ان دواسه الفرامل بترعش من تحت رجلك

[Haytham4ever]

التيل يا باشا نوعة سيء
و لو فكيته و بصيت فيه كويس هتلاقي فيه نحاس
النحاس بيضيفوه على التيل عشان يقويه و يعيش كتير
بس طبعا ده ليه اضرار انه اولا بيصفر و ثانيا بياكل الطنابير
في ناس بتفرح اوي انها جابت نوع تيل و قعد كتير و ده طبعا غلط
مهو نتيجة الاحتكاك لازم يحصل في تآكل... المفروض التاكل ده اكتريته بتبقى في التيل و لو التيل متاكلش يبقى الطنبوره هي اللي هتتاكل

غير التيل و بص فيه كويس و انت بتشتريه
لو لاقيت فيه ذرات نحاس متشتريهوش
لو لاقيت التيل كله حبيبات بين الاسود و الرمادي... يبقى ده تيل كويس ان شاء الله
و يفضل يكون من محل ثقة و من بلد صنع محترمة

[FLYINGPEUGEOT]

معلومه صغيره..ان انضف انواع التيول...او تقريبا الغالبيه العظمى...بيكون فيها شعيرات نحاس...؟؟؟؟ انت عارف ايه لازمتها ؟؟؟
مش مسألة انهم بيغشوه ولا حاجه!!!..دا التيول البريمبو نفسها فيها نحاس؟؟

لازمة شعيرات النحاس دى ...انهم بيحطوها من اول تخانه معينه فى التيل...عشان اول ماالتيل يوصللها الشعيرات دى تلممس فى الطنبوره...فالمبة التيل تنور عندك فى التابلوه...تعرف انه دخل فى بداية مرحلة التآكل

وبالنسبه للتخبيط اللى بتسمعه..دا يا اما تيل مفكوك يا اما ماستر فرامل مفكوك

وقبل ماتغير التيل اكشف على الطنبوره الاول ...لو كويسه ركب التيل...لو فيها حاجه يبقى غيرها ...عشان ماتبوظلكش التيل الجديد

وعلى فكره عمل تخشين للطنابير عند الخراط زى ماانت عملت...بيخلى الطنبوره تاكل التيل بسرعه كبيره...دا غير انها من احد اسباب الصفاره بردو

فا انا من رايىى تغير الطنابير والتيل وتريح دماغك...وتوفر على نفسك مصناعيات
وعطله وقرف...لان انا متأكد انها محتاجه تتغير ...والله اعلم...وشكرا