زيادة استهلاك البنزين بعد الصيانة بالتوكيل

[dr_abooody]

السلام عليكم

هو الموضوع اني عملت صيانة ال40 الف في مركز صيانة معتمد

غيرت بوجيهات و فلتر بنزين و فلتر هوا

لكن رفضت تغيير زيت الفتيس



المهم انا كنت واقف مع الراجل و هو بيركب البوجيهات المهم هو طلعا من العلبة راح مركبها على طول المهم قولتلة مش المفروض بنظبط المسافة بتاعة البوجيها بالفيلر و كل عربية ليها مقاسها قالي بسخرية هي دة 128

المهم انا شاكك ان البوجيهات هي السبب في زيادة استهلاك البنزين دة و انت الراجل دة مش بيفهم حاجة و لا انتو اية رايكم

نسيت اقولكم

العربية النترا 2009

[pashaa911]

المفروض ياباشا لو البوجيه اللى انت جايبه ده نفس رقم البوجيه اللى فالكتاوج بتاع العربية يعنى نفس الموديل الموصى بيه من مصنع السيارة يبقى مفيش مشكلة بيكون مظبوط ومش محتاج لعب لكن لو نوع البوجيه او موديل البوجيه مختلف يبقى مسافة الفحة بتاعته عاوز تتظبط اكيد وعموما معظم العربيات الجديدة بيكون مسافة الفتحة بتاعتها من 1.0 الى 1.1 مللى .
ارجو انى اكون افادتك على قد معلوماتى

[dr_abooody]

المفروض ياباشا لو البوجيه اللى انت جايبه ده نفس رقم البوجيه اللى فالكتاوج بتاع العربية يعنى نفس الموديل الموصى بيه من مصنع السيارة يبقى مفيش مشكلة بيكون مظبوط ومش محتاج لعب لكن لو نوع البوجيه او موديل البوجيه مختلف يبقى مسافة الفحة بتاعته عاوز تتظبط اكيد وعموما معظم العربيات الجديدة بيكون مسافة الفتحة بتاعتها من 1.0 الى 1.1 مللى .
ارجو انى اكون افادتك على قد معلوماتى

طيب اية السبب الراجل قدامي لقيتة راح بالزرادية كدة بالوايم فاتح البوجية من غير ما يقيس حاجة قولتلة كدةغلط قالي دة مش 128

[pashaa911]

طيب اية السبب الراجل قدامي لقيتة راح بالزرادية كدة بالوايم فاتح البوجية من غير ما يقيس حاجة قولتلة كدةغلط قالي دة مش 128

بص ياباشا البوجيه الجديد اللى حضرتك جايبة لومكتوب فى اخر الموديل بتاعه رقم 11 يبقى مش هتغير فى مقاس الجاب بتاعه حاجة زى مثلا
ngk (5464) bkr5eix-11


ولو البوجيهات اللى حضرتك جايبها مش مكتوب عليها الرقم 11 يبقى فتحتها عاوزة تتظبط وبعدين ازاى الراجل الميكانيكى يفتح السن ده عموما السن بيتقفل مش بيتفتح.
وبرضه ممكن حضرتك تفك البوجيه عند ميكاميكى كويس ويقسهولك طالما الراجل لعب فيه .