انا عايز الين العربية بعد العمرة محتاج مشورتكم

[magedm2007]

صباح الفل
انا عندى عربية 127 مو 82 وعملتلها عمرة واستلمتها يوم الجمعة اللى فاتت وانا مشاويرى قليلة وعايز اخلص 1000 كيلو عشان ناوى اصيف بيها فى شهر 7 فكنت بفكر فى السفر الى الاسكندرية عشان الين وارجع فى نفس اليوم ارجوا مساعدتى فى الاتى :-

1- هل المشوار من هنا الى الاسكندرية صعب علية (صد رد ) مع العلم انى مسفرتش قبل كدة اسكندرية .

2- اية ممكن اللى ابص علية قبل السفر .

3- اتحرك امتة من منزلى انا ساكن فى امبابة جنب الدائرى وابتدى احضر نفسى امتة وانا راجع من الاسكندرية

4-انا هسافر ومعايا زوجتى وصديقى هل الحمل دة كتير على العربية وهى بتلين

5- اية هى السرعة المناسبة للسفر وهل الطريق هيسمحلى بالسرعة دى

6- هل فى مخاطر من السفر الى الاسكندرية مع العلم انى مسفرتش قبل كدة

ارجوا الرد علية فى هذة الامور
وشكرا

[galilio_mad]

بص يا باشا , يفضل تبقى لوحدك او معاك فرد واحد بالكتير

تليين السفر ده كويس جدا , بس اهم حاجه تشيك على الميه و ما تقرصش على العربية
امشى فى حدود 70-80 كم/س ولو عندك Rpm يبقى ما تخليهوش يعدى 2500-3000
انا ملين 3 عربيات على الصحراوى و النتيجة ما شاء الله تمام و زى الفل
بس ابقى اقف بص على المية كل ساعة كده ولا حاجة

[ahit]

جزاكم الله خيراً