هل فيه حاجة اسمها تكييف كهربائى فى السيارات غير التكييف العادى ؟؟

[egawady]

السلام عليكم ورحمة الله وبركاته ...
انا كنت عاوز اسأل سؤال عن تكييف العربيات ..... عشان انا ماليش خبرة قوى فى المسائل دى .......
انا كنت سمعت من واحد صاحبى ان فيه عربيات بينزل التكييف بتاعها مختلف عن التكييف العادى بالنسبة لتشغيل الكومبريسور .... يعنى أقصد ان ( صاحبى بيقول ) ان فيه تكييفات الكومبريسور بتاعها بيشتغل بالكهرباء زى تكييف البيت بالظبط .... يعنى مالوش سير مع الموتور خالص ... عشان مايحملش على موتور العربية .....
بصراحة انا أول مرة أسمع عن الموضوع ده ....
طول عمرى أعرف ان كومبريسور التكييف بياخد حركته من الموتور مباشرة عن طريق السير ..... انما الموضوع ده جديد بالنسبة لى .....

هل الكلام ده مظبوط ؟؟ ولا فيه خيال علمى ؟؟ J
وشكراً

[iBiZa]

انا سمعت عن الموضوع دة فى العربيات الى موتورها ضعيف ذى الAlto و الMaruti علاشان ميحملش على الموتور و بيشتغل على كهربة البطارية.

بس بصراحة معرفش سعرة كام او عند مين.

[egawady]

هل فى حد يعرف أنهى عربية فيها النوع ده من التكييفات ؟؟

[D . a .\ AYMAN]

انا أول مرة أسمع عن النوع ده من المكييفات

[mohamed ibiza]

انا اسمع عن تكييف تتش كليماترونيك انما بالكهربا مسمعتش

[muslem]

انا برضوة سمعت لكن مشفتش خالص يمكن اشاعة ؟
اللى عنده زيه يا ريت يقول لنا عليه

[marsguy]

أعتقد إن الدايو ماتيز تكييفها كهرباء

[eldeplomasy]

التكييف ده فعلا موجود عند خالي في المرسيدس E280

النوع بتاع خالي ده فيه منه نوعين

النوع الأول المكيف بتاعه عادي بيحمل على الموتور

الثاني بقى اللى زي عند خالي هو ده اللى مش بيحمل على الموتور والنوع ده هتلاقي مكتوب ورا على شنطة العربية في الناحيه اليمين كمبوريسور بالانجلش طبعا

ده بق بياخد الكهرا بتاعته من الدينمو وبالتالي مش بيتقل خالص خالص على العربية ولا تحس باي حاجه وينفع كمان تطفى العربية وتشغلها والمكيف شغال عادي جدا بس عيبه الوحيد انه بيقصر عمر الدينمو لانه بيحمل عليه جدا لكن تبريده فوق الممتاز لانك مش محتاج تزود ار بي ام علشان الموتور يسرع ويبرد اكتر ده سرعه واحده زي مكيف البيت تمام

[farafiroooo]

باشا انت بتتكلم علي مرسيدس
يعني مفيش حاجة بغلب فيها الالمان
وغير كده انا سمعت الموضوع واقتنعت بيه فعلا بس مش عمليا يشتغل ازاي
ممكن يشتغل علي كهربة العربية عادي زي تكييف البيت
هل فعلا التكييف يشتغل عالبطارية ولا الدينامو بالنسبة للعربيات المتواضعة اللي فئتها السعرية حد ال 30 اغلب العربيات فالسعر ده مفيهاش تكييف ولو الموضوع ده بجد موجود تبقي صفقة العمر بالنسبة للي هيستورد التكييفات دي .
واللي يفيدنا اكتر كهربائى سيارات

[khalid_adel]

الموضوع ده انا اعرفه موجود من زمان في الاسترا والفيكترا (تجميع مصري) وتقريبا في الاوبترا او على الاقل موجود في عربيات تانيه كتير مش عارفه دلوقتي
هو بيحمل على الدينامو مش الموتور وبالتالي زي ما ليه مزايا ليه عيوب وهي عمر الدينامو واكيد مثلا متدورش العربيه او تشغل التكيف والعربيه مبطله (ده تخمين )

[muslem]

حلو والله بس برضوة لو قسناها نسبة و تناسب حتكون نفس التكاليف بالنسبة للمتورتكون متحولة للدينمو بس اعتقد الواحد يختار المتور انه يفضل كويس و يغير الدينمو احسن بدل ما يغير متور بعد وقت طبعا لانالمتور مش بيتعوض زي الدينمو

[ahmed1981]

بالتأكيد موجود
ورأيت إعلان عن نوع منه على الإنترنت يركب في السيارات التي تعمل بالكهرباء