لمبة الزيت بتنور الصبح بس !!

[survey]

السلام عليكم

لسة مغير زيت شيل 10000 كيلو اللي هي العلبة لونها رمادي مع فلتر في بنزينة اللاسلكي المعادي
والحمد لله مافيش مشاكل ... بس لما ركنت العربية يومين جيت ادور لاقيت لمبة الزيت فضلت منورة لمدة 20 ثانية كدة وبعدين طفت لوحدها ..بس طبعا وهي منورة كان صوت الموتور غريب لحد ما طفت ..

بقيس الزيت ...لاقيته عادي خالص مش ناقص ...الصراحة مش عارف كدة طبيعي ولا لا...خصوصا انها بتتكرر كل ما اركنها فترة

ربنا يكرموا ساعدوني في الموضوع ده

[windofchange]

ممكن الزيت يكون قليل قسها وهي سخنة وهي باردة وعلي ارض مستوية

[Elawany13]

حصلت معايا مشكلة شبه ديه ان اللمبه بتنور فترة طويله غير المعتاد بالذات لما بتبرد
واكتشفت حلها بعدين لما جيت افك فلتر الزيت لاقيته اتفك بإيدى بمنتهى السهولة واضح انه مكنش مربوط كويس
لما حطيت الفتلر الجديد المشكلة انتهت

[survey]

متشكر اوي يا رجالة على الرد وان شاء الله لما تتحل المشكلة هقول لكم

[abokhalo]

دة ممكن يكون بسبب الفلتر ممكن يكون الراجل ربطة بجنزير حديد فطبقة

[Elawany13]

دة ممكن يكون بسبب الفلتر ممكن يكون الراجل ربطة بجنزير حديد فطبقة

الفلتر المفروض بيتربط باليد
بيتفك بالجنزير

[survey]

المشكلة راحت لوحدها الحمد لله ...مش عارف بقى السبب من الفلتر خصوصا اني شاريه من برا التوكيل بنص التمن او لاني كنت معود العربية على زيت موبيل وان وغيرت لزيت شيل ...صراحة مش عارف

[Shiref_mohamed]

السلام عليكم

لسة مغير زيت شيل 10000 كيلو اللي هي العلبة لونها رمادي مع فلتر في بنزينة اللاسلكي المعادي
والحمد لله مافيش مشاكل ... بس لما ركنت العربية يومين جيت ادور لاقيت لمبة الزيت فضلت منورة لمدة 20 ثانية كدة وبعدين طفت لوحدها ..بس طبعا وهي منورة كان صوت الموتور غريب لحد ما طفت ..

بقيس الزيت ...لاقيته عادي خالص مش ناقص ...الصراحة مش عارف كدة طبيعي ولا لا...خصوصا انها بتتكرر كل ما اركنها فترة

ربنا يكرموا ساعدوني في الموضوع ده

الفلتر الى ركب مكتوم روح ضروري غير الفلتر تاني وياريت تجيب الأصلى