استهلاك البنزين بقى الضعف .. أعمل اية؟

[karim_m]

عربيتي لانسر موديل 1998
أخر مرة فولت العربية عملت 100 كيلو في الصفيحة داخل البلد
قبل كدة كانت بتعمل حوالي 200 كيلو في الصفيحة
وما شغلتش التكييف كتير لدرجة ان الاستهلاك يبقى الضعف
عايز اعرف اية السبب وممكن اعمل اية عشان الموضوع ده يبقى مظبوط تاني

[Nader]

اكشف على الكربيراتير وطقم الكهربة لو البوجيهات

محتاجة تغيير غيرها.

[HeMa_LanCeR]

كنت حاطط بنزين ايه ؟؟؟
وقبل كده كان ايه ؟؟؟؟

[أبو_حمزة]

الموضوع ده انت ملاحظة بقاله قد ايه؟
يعنى بقالك فترة و اللا التفويلة الاخيرة بس هى اللى فيها مشكلة؟
طبعا لو لسه الموضوع جديد و مفيش اعراض تانية يبقى تصبر و تشوف ايه اللى ها يحصل

[M.Mohsen_Saleh]

هههههه

اللانسر 98 عمرها ما عملت 200 كيلو في الصفيحة و مش هتعملهم

العادي بتاعها من 140 الى 170 حسب اللى بيسوق و نوع الفتيس و متوسط السرعة.

هتلاقي المشكلة عندك في الكربراتير أو ضبط الكهربا. العربية لو بتدور معاك كويس الصبح و لو حرقت عليها بتقطع خالص ، يبقى مش كهربا يبقى بوجيهات أو كاربراتير.

و أتمنى ان متكنش مشكلة كاربراتير عشان ده غالى جدا في تغييره.

ملحوظ بالنسبة للعربية ديه: زيت الموتور و توع البنزين يفرقوا مع الموتور بتاعها.
لازم العربية تاخد بنزين 92 و يكون من محطة كويسة كمان، أما الزيت مينفعش معاها زيت 10000 كيلو عشان هتحرق الزيت ده في شهور قليلة لو بتحرق عليها.

تحرق على الموتور يعني تدوس بنزين للاخر لغاية ما صوت الموتور يعلى عن 5500 Rpm

[MoToRiZeR]

غيرت البنزينة اللي بتحط منها ؟

[D . a .\ AYMAN]

بصراحة انا كنت متخيل ان اللانسر تعمل أكتر من 200 في الصفيحة بكتير أنا أول مرة أسمع الكلام العجيب ده

[wagbr]

صح طبعا الانسر اقتصاديه في البنزين وتعمل اكتر من 200 في الصفيحه هقولك علي حاجات تساعدك بس لازم تعرض الموضوع علي ميكانيكي محترم اولا ضبط الكربراتير واكيد هتحتاج تغير البوجيهات ببوجيهات مناسبه وياريت تبقي 3 شمعه عشان الحرق يكون كويس هو غالبا الموتور مبيحرقش البنزين عدل ومع احترامي للاخ اللي قلك اقرص علي الموتور لحد ال5500 ليه يعني انت مش داخل الفورميلا وان وكده تفوت الموتور اخرك 3.5 ار بي ام واللي يسال مايتوهش

[M.Mohsen_Saleh]

أنا مقولتش مفروض يحرق على الموتور خالص على فكرة،
أنا كان قصدي أوضحله كلمة يحرق على الموتور مش أكتر.

عموما لو بيحرق على الموتور مش بس هيحرق الزيت، ده هيجيب جوانات الموتور كمان لو جواناتها مش جديدة.