مطلوب معلومات عن engine oil cooler kit

[windofchange]

طيب في طريقة في دماغي مش عارف لها علاقة ام لا,,,نكبر حجم فلتر الزيت يعني نجيب فلتر زيت اكبر شويه عن الاصلي(التبادل الحراري هيزيد لزيادة حجم الفلتر ولا ايه) اللي بيركب وده لأني ركبت فلتر كبير اصلي برضه بس مش للمحرك بتاعي وبعدين ركبت الصغير لأنه الاصل كده علشان الصغير بيخليك تفك كومبريسور التكييف من غير ماتفك الفلتر وانا اكيد مش هفك كومبريسور التكييف كل يوم

[kaza]

بسم الله ما شاء الله عند حضرتك معلومات كويسة عن الموضوع ده حضرتك تعرف الاقي منين القطعه السندوتش اللى بتركب فوق الفلتر
اشكرك علي ذوقك واطراء جميل بس الواحد مش جامد قوي كدة .. قطعة الساندويتش ممكن تيجيبها استعمال من عند اي حد بيتاجر في مواتير استعمال الخارج والفرصة بالنسبة للفيات كبيرة في محركات الاونو التيربو والريتمو الابارث والكروما التربو واللانشيا التيما والديدرا التربو ممكن كمان في بعض الالفاروميو زي 155 وال164 ومحركات التوين سبارك عموما لل156 و146 و145 و147 من اول ال1600 وانت طالع لغاية ال2000 سي سي وغالبا هتكون رخيصة مش غالية ياما لو حظك كبير وليك حد بيسافر اي مكان في اوروبا او جنوب افريقيا يجيبهالك جديدة تمنها لن يتعدي ال17 يورو او 20 دولار

[kaza]

طيب في طريقة في دماغي مش عارف لها علاقة ام لا,,,نكبر حجم فلتر الزيت يعني نجيب فلتر زيت اكبر شويه عن الاصلي(التبادل الحراري هيزيد لزيادة حجم الفلتر ولا ايه) اللي بيركب وده لأني ركبت فلتر كبير اصلي برضه بس مش للمحرك بتاعي وبعدين ركبت الصغير لأنه الاصل كده علشان الصغير بيخليك تفك كومبريسور التكييف من غير ماتفك الفلتر وانا اكيد مش هفك كومبريسور التكييف كل يوم
كلام كويس بس كمية الزيت الزيادة في حجم الفلتر الكبير تعادل اد اية من حجم الزيت الموجود في الكارتير والدورة ..كلام الزيادة في كمية زيت التبريد يعني ازود 50% او اكتر من حجم دورة التزييت مش كمية صغيرة نسبيا كما ذكرت هيكون تاثيرها معدوم ومش هيعمل فرق ..الاحسن انك تدور علي قطعة الساندويتش او بلغة المهندسين فلانشة بين الفلتر والمحرك او انك بتعمل فلانشة وتركب الفلتر بعيد وليكن مثلا علي الكارتيرة في حوض الموتور وتوصلله بخراطيم زي العربيات الجيب وال4*4 ذات المحركات الكبيرة

[samasuper]

اولا احب اسجل اعجابى بمعلومات وبشخصيك الكريمه انا من محبى التفكير بالميكانيكا والسيارات ومسجل رقمك عندى باسم دكتور مواتير
يوجد اعلان على الموقع خاص بزيت ليكوا مولى زيت مصنع ومعبا بالمانيا
اريد ان استخدمه فى سيارتى فيات 131 2 كامه و 127 واضافه الاضافه السيراتك مع العلم اننى استعمل زيت موبيل دلفاك واغيره كل 1500-2000 كم الليكوا يتم تغيره كل 5000 كم ما رايكم الفيد لى

[michohat]

عاوزين رأي فى الموضوع ده يا جماعه لاني سئلت الميكانيكي وحسيت كانه بيقول يعني عربيتك كامله المعاني اوي
هل الموضوع مهم واسعي فيه واركبه ولا مش له فايده بالنسبة لي

[yoko]

مش هيفيدك الا لو معدل جامد

[michohat]

ممكن توضيح يا احمد
انا مش معدل اي شئ في العربية و بفكر اركب مبرد الزيت ده عشان الزحمه والحر والعربية مش تسخن مني
وبرضه من هنا قرأت انه الموتور لازم له درجه حرارة مثلى لازم يوصل ليها علشان يبقي في الشغل مستريح وممكن مبرد الزيت ده مش يخليه يوصل للحرارة دي ( لانه مش هيسخن الموتور )
وزي ما انت عارف اني ساكن وشغال فى الزقازيق ومش بيكون في زحام قوي واجمالي الكيلو مترات اللي بعملها يومي مش اكتر من 20 كيلو يوم ما اكون لفيت كتير
فهل هيفيدني لو ركبته؟

[yoko]

في الزحمة برده العربيه هتسخن مش هيساعد قوي لإن واقف مفيش هواء هيضرب فيه
ولأ هيوصل للحرارة دي لإن المروحة هتقل فترة تشغيلها

[michohat]

مش السربنتينه ممكن يبقي عليها مروحه زي بتاعت الريداتير بس صغيرة بس دي هتشتغل ازاي ولا السربنيته فيها ساعه حرارة للزيت زي بتاعت الريداتير

كنت فاكر انه هيكون مفيد ليا و لقيت واحد فى المنتدي هنا كاتب انه عنده للبيع http://www.nilemotors.net/Nile/305204-131-132-a-2.html