عيب فى الدوكو بعد ما العربية اترشت هل ممكن يتعالج؟

[michohat]

السلام عليكم ورحمه الله وبركاته

لسه كنت مستلم عربيتى امبارح فلاحظت ان فى حتت فى الدوكو مع ضى النور عامله زى ما يكون مشققة يعنى شكلها شكل تقليمة طول وعرض زى الجلد فكلمت الراجل بتاع الدوكو علشان اشوف ايه السبب وعملت معاه مشكله فقال لى هاتها اشوفها علشان يعالجها فهل دى ليها علاج ودى اصلا سببها ايه

العربية كانت بتعمل سمكرة و دوكو والمناطق اللى شكلها مشقق فى الشنطه والسقف والكبوت
والعربية المفروض انها دخلت فرن لانها فضى ميتاليك

لو سمحتوا اى حد عنده خلفية عن اللى حصل ده و هل ممكن علاجه ولا مفيش علاج وان العربية هتترش تانى يساعدنى برأية علشان اعرف العيب من عند الصنايعى ولا ايه

[zeyad1810]

اعتقد ان دة عيب بسبب انا العربية خدت معجون كتير ونوعة سىء ودة مليون فى المية عيب صنايعى
بس يا ريت تقولى هو انت اللى اشتريت الخامات ولا هو ؟ ويا ترى تعرف نوعها اية ؟

[kimo]

دة عيب صنايعى هو الفروض لما يصنفر المعجون يبدا بصنفرة تقريبا1000 ثم 1500 ثم 2000 حتى تختفى هذة الحطوط التى خلافتها الصنفرة ال1000 هو قصر ودهالك وش او وششين صنفرةولما جة يرش ظهرت الخطوط

[michohat]

هوا اللى جاب الخامات وكل حاجه
لان هوا اللى اتولى عمليه تجديد العربية بالكامل لانه اشبه بالقمسيونجى يعنى لما بتكون فى العربية اى حاجه وانا مش فاضى بوديها له هوا يلف بيها ع الصنايعية ويصلح اللى فيها وهوا فى الاصل بتاع دوكو فلما جيت اجدد قولت هوا هيبقى احسن