مشكلة فى لانسر 2007 ارجو المساعدة

[lovelorn]

السلام عليكم

انا مشكلتى فى العربية انى لما بكون ماشى على 100 او اكتر واضغط دواسة الفرامل , الدركسيون وبدال الفرامل بيرعشوا

حد يعرف ايه السبب ؟؟؟

مع العلم ان فى التوكيل اثناء تغيير التيل خرطوا الطنابير عشان كان فيها تعويمة خفيفة

[nobody]

المفروض لو انت غيرت التيل قبل ما يخلص الطنبورة ما يحصلهاش حاجة

ازاي يخرطوا الطنابير في التوكيل الكلام ده غلط جدا جدا

على فكرة انا رحت التوكيل مرتين و شغلهم مش عاجبني

انا بغير تيل الفرامل بايدي عشان محدش يبوزلي حاجة

لاني مرة وديتها التوكيل ضيعولي اللينات بتاعت التيل و مركبوهاش

نصيحة ابقى غير تيل الفرمل بنفسك سهلة جدا مفتاح 14 مشرشر وبس
على العموم العيب كده اكيد من الطنابير بس ابقى اعمل ترصيص احتياطي

[Ghamrawy]

طنابير اللعب كله فى الطنابير

[lancer07]

فعلا دى اكيد الطنابير عاوزه تتخرط تانى ولما تخرطها تانى او اولانى حتى هتفضل كل شويه عاوزه تتخرط

[lovelorn]

انا سئلت ميكانيكى قالى ان العيب ده من الطنابير . وان ده من عيوب لانسر 2007 وهو دا السبب فى ضعف كفاءة الفلرامل

وقالى ان الطنابير عاملة 1250 بس انا بفكر اجيبها من السعودية ... ايه رأيكوا ؟؟

هو فى سؤال غبى شوية معلش : هو ممكن يتركبلها طنابير اى عربية تانية بس تكون انضف من اللانسر زى الكورولا او اى عربية تانية ؟؟

اصل انا العربية عاملى 28000km واغلبهم سفر فمعنى كده ان طنابير الانسر ( زبالة ) حتى لو جبتها جديدة برضوا حتبوظ

[mohamed ibiza]

عيب طنابير غيرهم وخلاص هتعمل ايه

[hamada132]

فعلا التوكيل شكله مش تمام

[lovelorn]

هو المفروض البوجيهات تتغير كا 20000 ولا 40000 ؟

عشان فى ناس بتقول 20000 وناس 40000

بس مهندس طارق كان قال كل 40000

[nobody]

انا سئلت ميكانيكى قالى ان العيب ده من الطنابير . وان ده من عيوب لانسر 2007 وهو دا السبب فى ضعف كفاءة الفلرامل

وقالى ان الطنابير عاملة 1250 بس انا بفكر اجيبها من السعودية ... ايه رأيكوا ؟؟

هو فى سؤال غبى شوية معلش : هو ممكن يتركبلها طنابير اى عربية تانية بس تكون انضف من اللانسر زى الكورولا او اى عربية تانية ؟؟

اصل انا العربية عاملى 28000km واغلبهم سفر فمعنى كده ان طنابير الانسر ( زبالة ) حتى لو جبتها جديدة برضوا حتبوظ

حضرتك متأكد ان الطنابير هي اللي عاملة ضعف في الفرمل؟
لأني بشتكي من الموضوع ده ورحت التوكيل كذا مرة و قالولي الفرامل كويسة بس هي لازالت ضعيفة
و عندي برضه التيل بيصفر فهل ده برضه من الطنابير؟

[lovelorn]

هو دا اللى الميكانيكى قالوا واعتقد ان كلامه صح عشان التيل بيمسك فى الطنابير ومادام الطنابير مش كويسة يبقى اكيد الفرامل حتبقى ضعيفة

عموما اعمل زى وتعامل مع العربية على ان مفيهاش فرامل يعنى خليك حريص اوى خصوصا من اخطاء الغير

[limo]

غالبا المشكله فى الطنابير
وممكن لما اتخرطوا العالى والواطى زاد فيهم او عملوا فيهم عالى وواطى
بس كده يبقى فى شكوى عامه من ان الانسر التيل بتاعها بيخلص بسرعه وبيبوظ الطنابير
اوانا بعمل صيانه كان فيه عربتين ادامى بيخرطلهم طنابير عشان التيل خلص ودخل فى الطنابير
فيارت مالكى الانسر يراجعوا التيل كل 10 الاف كم او 15 الف بالكتير
او الى عربيته جنوط سبور يتابع سمك التيل كل فتره من بره الجنط -التيل بيبقى ظاهر سمكه
-على فكره يا nobody فرامل الانسر فى الاتوماتيك ضعيفه عن المانوال
انا ركب مانول 1300 وكانت فراملها اجمد من الاتوماتيك
تقريبا كل العربيات الاتوماتيك فراملها ضعيفه