استمرارا لتآكل البنزين حد يقولى ايه الحل

[Elawany13]

باشا دي بتاعه كده هتلاقيها راكبه في الفخده بتاعه المساعد الامامي يمين لونها اسود ومتوصله ببك السلانسيه زي ماتقول كده منظم

ايوه عارفها وبيكون متوصل معاها فى نفس المسمار اللى بيثبتها القربة بتاعت مياه المساحات
طيب انت عرفت منين انها بايظة
مش ممكن يكون العيب فى بك السلانسية فقط ؟؟؟

بك السلانسيه عندك مقصوف زى عندى لازم تجيب بك تانى جديد

[mrghost]

ايوه عارفها وبيكون متوصل معاها فى نفس المسمار اللى بيثبتها القربة بتاعت مياه المساحات
طيب انت عرفت منين انها بايظة
مش ممكن يكون العيب فى بك السلانسية فقط ؟؟؟

بك السلانسيه عندك مقصوف زى عندى لازم تجيب بك تانى جديد

ايوه عارفها وبيكون متوصل معاها فى نفس المسمار اللى بيثبتها القربة بتاعت مياه المساحات
طيب انت عرفت منين انها بايظة
مش ممكن يكون العيب فى بك السلانسية فقط ؟؟؟

بك السلانسيه عندك مقصوف زى عندى لازم تجيب بك تانى جديد

بص ياباشا
اللي كان بيحصل ان العربيه كانت بتبطل ع السلانسيه
غيرت مشط الاسبراتير وفضل العيب موجود برضه
الميكانيكي عمل كوبري ع المنظم العيب راح فعلا فتأكدت ان العيب منه

[Elawany13]

بص ياباشا
اللي كان بيحصل ان العربيه كانت بتبطل ع السلانسيه
غيرت مشط الاسبراتير وفضل العيب موجود برضه
الميكانيكي عمل كوبري ع المنظم العيب راح فعلا فتأكدت ان العيب منه

طيب الكهربائى عملك كوبرى
ياعنى البك كان شغال كهرباء عادى ومتقصفش زى عندى
ياتى ايه فايدة المنظم بقى !!!!

أنا كان عندى نفس مشكلة التبطيل على السلانسية
والميكانيكى قصف البك
كده البك باظ ومعدش بيشتغل كهرباء
لو شيلت الفيشه بتاعت بك السلانسية العربية مش بتطفى وبتفضل دايرة

بعد مشاركاتك أنا حاسس ان العيب من المنظم ده

ياريت تحسب الاستهلاك وتقولنا لو فرقت معاك
هشترى المنظم
وهحاول ادور على بك سلانسية استيراد اصلى
وربنا ييسر الأحوال

[mrghost]

ده ميكانيكي اي كلام طبعا لانه كده بوظ البيك
عموما انا مسافر باذن الله بكره وهحسب للاستهلاك واقول

[dandashx]

متابع معاك

[mrghost]

الحمد لله وصلت بالسلامه ومستني الاقي 80 وافول واقول ع النتيجة ان شاء الله

[Elawany13]

حمد الله على السلامة

[mrghost]

الله يسلمك ياباشا
لحد دلوقتي مش لاقي ولا80 ولا90
بس الحمد لله كنت واخد معايا جركن 80 من مصر حوالي 19 لتر
حطيته بس يادوب المؤشر عدي النص
مع العلم ان مؤشر الشاهين طبعا مش دقيق بالمره
العربية عملت بيها 284 كيلو وكلهم بالتكييف و6 افراد غير الشنط والطريق الزراعي كان زحمة وزي الزفت والجو كان نار يعني التكييف مفصلش خالص عموما ربنا يسهل وافول واقول النتيجة

[mrghost]

فولت وحسبت الاستهلاك
59 لتر في 500 كيلومتر والحمولة 6 افراد ده غير الشنط ونصف المسافة كان التكييف شغال كده حلو ولا كتير ?

[Elawany13]

فولت وحسبت الاستهلاك
59 لتر في 500 كيلومتر والحمولة 6 افراد ده غير الشنط ونصف المسافة كان التكييف شغال كده حلو ولا كتير ?

كده يبقى استهلاكك حوالى 169.5 كم للصفيحة الـ 20 لتر
كده يبقى استهلاكك اتحسن شوية بفرض ثبوت باقى الظروف
ده نفس استهلاكى تقريبا اللى حسبته مؤخراً بس انا معنديش تكييف

[mrghost]

عموما هجرب تاني ان شاء الله

[Elawany13]

عربيتى زى عربيتك بالظبط
شاهين كربراتير موديل 2004
حسبت استهلاكى السنة الماضية أثناء سفرى الى الأسكندرية منها على طرق سريعة ومعظم الاستهلاك كان فى زحمة الكورنيش
كان الإستهلاك كالتالى الصفيحة 20 لتر عملت حوالى من 190 الى 200 كم

بعد سنة
النهاردة حسبت استهلاكى تانى فى نفس المشوار
الصفيحة عملت 164 كم !!!!

ونفس الكلام بك السلانسيه كان كهرباء والميكانيكى قص جزء منه بالقصافة علشان كانت العربية بتبطل
وبقى شغال بدون كهرباء

معقولة يكون سبب الاستهلاك الزيادة من بك السلانسية !!!

وعلى فكرة انا اشتريت بك سلانسيه كهرباء بـ 30 جنيه والميكانيكى ركبه
بس طلع بايظ ومنيل بنيلة وبيفصل كتير
واضطريت اركب البك الأصلى المقصوف

فولت النهاردة والحمد لله
وحسبت استهلاكى لتانى مرة على التوالى
الصفيحة الـ 20 لتر عملت معايا 178 كم
وكله داخل المدينة على الثانى والثالث تقريبا
بس معظم مشاويرى فى أوقات مش زحمة قوى
والغريب انى فوجئت ان استهلاك البنزين اتحسن عن المرة السابقة
والحمد لله
واضح ان زحمة كورنيش اسكندرية ليها يد كبير فى تآكل البنزين المرة السابقة

[mrghost]

طيب مبروك ياباشا عقبالي ان شاء هفول واشوف ان شاء الله علشان لو ظبطت عندي تجيب انت بك سلانسيه كهربا والمنظم اللي قولتلك عليه

[exact]

من باب العلم بالشئ تأخير الكهربا بيسبب تآكل جامد جدا للبنزين

[mrghost]

من باب العلم بالشئ تأخير الكهربا بيسبب تآكل جامد جدا للبنزين

انا فعلا مأخر الكهربا شوية علشان بحط 80 وعلشان العربيه متسقفش لما اقرص عليها مع تشغيل التكييف