العربيه بتعوم من العجلتين اللي ورا مع فواصل الكباري

[Dr.A.Nabil]

باختصار لما اكون ماشي بسرعه على الدائري على 80 كم/ الساعه وباعدى على فواصل الدائري الغبيه دي ...بالاقي العجلتين اللي ورا بيحدفو شمال شويه او تحس ان العربيه بتعوم شويه ...المشكله دي لاحطتها بعد ما غيرت الكاوتش وجيبت كاوتش جديد...
الكاوتش الجديد انا جايبه مقاس اعرض شويه...ماعرفش المشكله دي سببها ايه

العربيه تيريوس 2008

ماعلش استفسار تاني
باحس بغربله في الدركسيون ورعشه لما بأفرمل وانا على سرعه عاليه شويه 70 مثلا
خرطت الطنابير وبرضه مافيش فايده
ممكن يكون ايه؟؟

[Salamonti]

خرمت الطنابير ازاي !!!
متهيألي انت كده عملت كارثة

عموما أعتقد المشكلتين بتوعك حلهم ظبط زوايا + ترصيص ومالهومش علاقة بالطنابير

وعشان تبقا عارف تخريم الطنابير ده خطر جدا جدا

[tareket]

ممكن يكون الكاوتش الجديد راكب غلط
لازم تتأكد ان كل عجلة راكبة صح ودا بيبقى مكتوب على الكاوتش زى
Inside, Outside, outer, Inner

او Rotation و بعض كدا تلاقى سهم

لو اللى ركب العجل عكس الاتجهات ممكن تعمل اللى انتا بتقول عاليه .
بمعنى ركب امامى inside و خلفى outside

بالنسبة للفرامل انتا غيرت التيل مع الخرط ولا لأ.

[graffittiii]

خرمت الطنابير ازاي !!!
متهيألي انت كده عملت كارثة

عموما أعتقد المشكلتين بتوعك حلهم ظبط زوايا + ترصيص ومالهومش علاقة بالطنابير

وعشان تبقا عارف تخريم الطنابير ده خطر جدا جدا

خرطت الطنابير وبرضه مافيش فايده

[alzelafy]

مع احترامى للجميع ...... الموضوع كلو جلب مقصات هى اللى بتحلى العربيه تعوم و مفيش حاجه اسمها كاوتش امامى و خلفى فى حاجه اسمها اتجاهات الكاوتسشو لو الكاوتش راكب اتجاهه غلط ينحل بسرعه و يعمل ونه على السرعات العاليه و خراطه الطنابير متعملش كدة

[ahmedtunning]

مع احترامى للجميع ...... الموضوع كلو جلب مقصات هى اللى بتحلى العربيه تعوم و مفيش حاجه اسمها كاوتش امامى و خلفى فى حاجه اسمها اتجاهات الكاوتسشو لو الكاوتش راكب اتجاهه غلط ينحل بسرعه و يعمل ونه على السرعات العاليه و خراطه الطنابير متعملش كدة

+1111111111111
وزود عليه ظبط الزاويا و الترصيص عشان الغربله والرعشه بتاعت الدركسيون

[Dr.A.Nabil]

معلش نسيت اقول انا خرطت الطنابير لأن كان فيها ريجه خفيفه

والتيل ماتغيرش لأني قلت اكيد هايطبع على الطنابير

[ENG\AHMED]

الرعشة بتظهر فى دواسة الفرامل ولا الدريكسيون بس ؟

[aboomar22]

لو المساعدين اللى ورا وحشين يخلى العربية تعوم وتحدف بالجزء الخلفى مع فواصل الكبارى لان لو المساعد وحش او ناشف بيخلى العربية تنط على الفاصل بتاع الكوبرى فتلاقيها حدفت منك