إدى زوبة زقة

[MohammedAladel]

لما عربية مانيوال بطاريتها تنام بتتزق تدور عايز اعرف بقى واحنا بنزقها كدا دوران العجل بيشحن البطارية ؟؟؟ ولا بتدور عشان بتلقمها غيار وتساعد الموتور انه يشتغل ؟؟

[ahmed_mido1889]

المفروض ان البطاريه بتقوم المارش الي بدوره بيعشق في الفولام بيخلي الموتور يتحرك

لما بتزق انت بتعوض حركه المارش بدوران الكاوتش اللي بدوره بينقل الحركه للفتيس ثم الفولام
ويتحرك الموتور

[ENG\AHMED]

العجل هينقل الحركة للموتور عن طريق الفتيس ( ساعة لما بتشيل رجلك من على الدبرياج)
الموتور هيحرك الدينامو علشان يولد كهربا بدل البطارية

[Elawany13]

أى محرك بيحتاج يلف عدد من اللفات علشان يبدأ يحرق الوقود ويشتغل
قديما كان فيه الحبال والمانفيلاً ولا زالت موجوده فى بعض الآلات الزراعية والموتوسيكلات
وفى المحركات الحديثه والسيارات موجود المارش الكهربائى
زق العربية مش بيحشن البطارية ولكن بيعمل عدد اللفات المطلوبة لإدارة المحرك
الفيسبا والموتوسيكلات الصينى ممكن تشيل منها البطارية وتدورها بالمانفيلا أو بالزق

[ENG\AHMED]

أى محرك بيحتاج يلف عدد من اللفات علشان يبدأ يحرق الوقود ويشتغل
قديما كان فيه الحبال والمانفيلاً ولا زالت موجوده فى بعض الآلات الزراعية والموتوسيكلات
وفى المحركات الحديثه والسيارات موجود المارش الكهربائى
زق العربية مش بيحشن البطارية ولكن بيعمل عدد اللفات المطلوبة لإدارة المحرك
الفيسبا والموتوسيكلات الصينى ممكن تشيل منها البطارية وتدورها بالمانفيلا أو بالزق

وفين مصدر الكهربا اللى هيخلى ترس البندكس بتاع المارش يعشق مع الفولام وبوصل كهربا للموبينة علشان البوجيهات

[Sehsss]

أى محرك بيحتاج يلف عدد من اللفات علشان يبدأ يحرق الوقود ويشتغل
قديما كان فيه الحبال والمانفيلاً ولا زالت موجوده فى بعض الآلات الزراعية والموتوسيكلات
وفى المحركات الحديثه والسيارات موجود المارش الكهربائى
زق العربية مش بيحشن البطارية ولكن بيعمل عدد اللفات المطلوبة لإدارة المحرك
الفيسبا والموتوسيكلات الصينى ممكن تشيل منها البطارية وتدورها بالمانفيلا أو بالزق

+1111111

[Elawany13]

وفين مصدر الكهربا اللى هيخلى ترس البندكس بتاع المارش يعشق مع الفولام وبوصل كهربا للموبينة علشان البوجيهات

اكيد مع المانفيلا الديناموا بيشتغل وبيولد الكهرباء اللازمة
زى ما حضرتك كاتب فى مشاركة سابقة

كان عندى فيسبا مفيهاش بطارية اطلاقاً وده وضع الفابريكة بتاعتها بدورها بالمانفيلا فقط
عندى حاليا موتوسيكل صينى بطاريته جافة باظت تماما بقالها شهور بدوره بالمانفيلا فى ثوانى وبدون اى مشكلة

[ENG\AHMED]

تمام هو الاصل فى الحركة علشان الدينامو لأن حتى المارش بيعشق عن طريق الكهربا
ولازم الموبينة يوصلها كهربا

[kaza]

اكيد مع المانفيلا الديناموا بيشتغل وبيولد الكهرباء اللازمة
زى ما حضرتك كاتب فى مشاركة سابقة

كان عندى فيسبا مفيهاش بطارية اطلاقاً وده وضع الفابريكة بتاعتها بدورها بالمانفيلا فقط
عندى حاليا موتوسيكل صينى بطاريته جافة باظت تماما بقالها شهور بدوره بالمانفيلا فى ثوانى وبدون اى مشكلة

الفيسبا والموتوسيكل بيبقي فيهم بوبينة وملف بيبتدي يولد كهرباء بمجرد ادارة المحرك زي اي محرك احادي الاسطوتنات صغير (مولدات الكهرباء -طلمبات المياة- ضواغط الهواء ...الخ)لكن العربيات مبيحصلش فيها الكلام دة لان البطارية بيكون فيها تيار غير قادر علي ادارة المارش لكن بيمد دورة الاشعال بالكهرباء الكافية لتوليد الشرارة لكن حاول تدور عربية زق بدون ما تركب فيها بطارية مش هدور الا لو فيها دينامو رهيب بيولد كهرباء مع عدد الدورات الصغير والبسيط نسبيا المتولد نتيجة الزق والكلام بيبقي صعب مع المواتير الانجكشن لان مافيش كهرباء بتوصل لطلمبة البنزين والرشاشات علشان تحقن الوقود لضغط مناسب لدوران المحرك

[samasuper]

والله استاذ ياأستاذ خالد دكتور مواتير بجد

[egyseadragon]

تمام هو الاصل فى الحركة علشان الدينامو لأن حتى المارش بيعشق عن طريق الكهربا
ولازم الموبينة يوصلها كهربا

اسمحلي أوضحلك نقطة
الدينمو ملوش علاقة بالموضوع....هي البطارية بتكون أضعف من انها تدور الموتور لكن فيها شحنة كافية لتشغيل دايرة الكنترول و الإشعال....لو البطارية فاضية تماماً العربية مش حتدور (أصلاً الدينمو بيحتاج تيار من البطارية عشان يشتغل )
جرب تفصل سير الدينمو من بطارية ضعيفة و زوء العربية حتلقيها اشتغلت برضو