ألحقونى .. الفتيس مش بيجيب مارشدير

[hanzcanz]

اخوانى الكرام
من كام يوم لاحظت انى بجيب المرشدير بصعوبه وكل لما اجى اجيبه ينقل على الرابع الاقى نفسى بطلع لقدام مش برجع للخلف والحاله تدهورت اكتر من الاول
ودلوقتى علشان اجيبه بحاول يمكن اكتر من 6 مرات علشان يعشق مكانه
هل دا عيب ايه؟
1-زيت فتيس؟ اخر مره كشفت عليه من 10 شهور تقريبا
2-طقم دبرياج؟ بس السحب عندى معقول
فهل ياترى ترجحوا معايا دى تبقى ايه
لأنى حاليا بخاف اركن فى مكان اضطر انى ارجع فيه للخلف
فأرجوكم سرعه الرد
وشكرا
فيورا مو 85- 5غيار

[saadelden]

اعتقد دي حاجه ف عصايه الفتيس
مش فاكر حشو عصايه تقريبا
يعني عصايه الفتيس مابتجيش لاخر المجره و توصل لمجره المارشدير

[islamnabil]

ممكن تكون المعلقة اللي الجزء المسئول عن تحديد مسارات الفتيس

[hanzcanz]

شكرا للناس اللى ردت عليا وحاولت تساعدنى
امبارح رحت زودت زيت للفتيس وكان ناقص حوالى كيلو وربع بس برده الغيار المارشدير بيعلق معايا
بس عموما العصايه نفسها فيها بوش جامد وكنت عملتلها ريجلاش قبل كده بس رجعت سابت تانى
انا ان شاء الله هروح اعمل ريجلاش على العصايه لأنى معرفتش اعملها من تحت العربيه واشوف فى ايه تانى

[hanzcanz]

شكرا على المساعده من الرجاله اللى حاولت تساعدنى
عموما
المشكله اتحلت بعد ما عملت ريجلاش على عصايه الفتيس فأعتقد ان البوش كان السبب ان العصايه بينتهى المسار بتاعها فى ايدى قبل ما يوصل للمرشدير
شكرا