مسمار الكاوتش فوت

[rasim]

السلام عليكم
انا الحمد لله توفيق من عند ربنا اشتريت العربية فيها جنوط غير جنوط العربيه العادية الكوتش اتخرم غيرته الاستبن طبعا الاستبين جنط عادى المسامير ركبت عليه كويس الحمد لله ركبت الجنط الاخر الذى كان راكب فى الاول وجدت انا مسمار فوت هل فى حل و عادى انى امشى ب 3 مسماير مع العلم انى بمشى على الدائرى كتير يعنى على طول .
وكل عام وانتم بخير

[rasim]

السلام عليكم
فى مشكله تانى جربت مسمار تانى برده فوت بكده السن باظ لكن المسمار رجعته تانى مكانه مش راضى يطلع ولا يركب يعنى بيلف على الفاضى رحت الى حداد قلت له عاوز اطلع المسمار قالى روح لبتاع عفشه
ماذا افعل
وجزاكم الله خيرا

[mrghost]

روح لخراط وخليه يفكه ويركبلك جوايط زي العربيات الياباني

[rasim]

السلام عليكم ل
جزاك الله خيرا على الرد انا رحت اليوم فكيت الجنوط السبور والمسمار الحمد لله اتفك
وركبت الجنوط العادية الحمد لله المسمار ركب ماعادى مسسمار السن بتاعه فوت اربى اروح الى خراط يركب جوايط زى ما حضرتك قلت
جزاك الله خيرا

[mrghost]

مبروك ياباشا بس نصيحة ركب العربية كلها جوايط عند اي خراط هتفرق معاك جامد ف الفك والتركيب

[m7mda7md]

لا مؤاخذه ف السؤال يا جماعه....ايه الجوايط دي؟.....شكرا مقدما

[jit_service]

قصدهم بالجوايد انه المسمار يبقى ثابت في الطنبور او المايوه بتاع العجله
ممكن ما يركبلكش جوايد ولا حاجه ممكن يعملك سن سوسته وهيا في مكانها لان تركيب الجوايد ديه لازم تحلله الطنبور كله بره او المايوه بتاع العجله لو جنبه ميكانيكي ممكن تعمل زي الاخ الكريم ما نصحك لانها فعلا انضف واريح حاجه لما تكون المسامير ثابته وبتحل وتركب الصواميل بس
انما لو غلبه ومعندكش وقت اوي يعني يبقى خليه يعملك سن سوسته بس خلي بالك ان المسمار بتاع السن ده هيبقى مختلف عن باقي المسامير فخلي بالك وانت بتحل وتربط عشان ما تحلش سن تاني لو ركبته في مكان مش مكانه

[tomm]

يعنى حضرتك تشوف المسمار الاصلى مقاسة كام ( 17 - 18 -19- 20 ) و تشترى المسمار الاعلى من الاصلى بدرجة من اى حد بتاع قطع غيار .
و تاخد السيارة وتروح تقف بيها عند خراط و تقلة مشطلى السن فى الطنبورة على مقاس المسمار الجديد و تعلم مكان المسمار الجديد بأى لون لكية عشان كل ما تغير العجلة تركب المسمار المختلف فى مكان العلام .