كنت هروح فى 60داهية لكن الله سلم

[kashtoot]

السلام عليكم ورحمة الله وبركاته
أنا عربيتى لانوس 2011
كنت ماشى على الكورنيش و جيت أدوس فرامل لقيت مفيش أى حاجة خالص خالص كأنى بدوس على الهواء و الحمد لله ربنا سترها معايا
و لما جيت أمشى بالعربية تانى جربت الفرامل كتير جدا لقيتها شغالة و زى الفل 100 100
بصراحة أنا قلقان منها شوية و خايف تعمل حاجة تاني’ و يكون معايا الأسرة
يا ترى اللى حصل ده من إيه؟
و جزاكم الله خيرا

[smsm_nabawy]

متكدبش خبر و روح للتوكيل و أشتكيلهم من المشكلة دي !! أكيد العربية لسه في الضمان!!!

[aatif]

الموضوع ده حصل مع واحد صاحبى بالظبط بس على الزراعى والحمد لله ربنا ستر
وراح كشف على الفرامل ولقاها زى الفل متهيألى فى مشكلة فى طريقة عمل دورة الفرامل بحد ذاتها

[Elawany13]

ياساتر يارب

[ahmed_mido1889]

كنت بتجري وتدوس فرامل كتير؟؟

[kashtoot]

كنت بتجري وتدوس فرامل كتير؟؟

لأ أنا مكنتش بجرى أساسا العربية كانت على التانى

[smsm_nabawy]

يمكن يكون هواء في دورة الفرامل !!!

[chiko]

عيب في المستر العمومي .. حتي لو كان جديد زيرو .. في الايام ده ظهرت مشكله في عربيات جديده لسه معملتش حاجه خالص و هي ان و انت ماشي بتجي تدوس علي الفرامل مبتلقيش حاجه خالص و لو رفعت رجلك و دوست تاني بتلقيها زي الفل و يتشتغل معاك بدون مشاكل .. و الحركه ده بتكون كل فين و فين يعني ممكن تقعد سنه من غير اي حاجه .. العيب بيكون في المستر العمومي و هو انه زي ما كلنا عرفين انه فيه بلوف بتسحب الزيت من الاربه و تضوخه في الموسير لكن احيانآ البلوف بتفوت و بتضرب الزيت في الاربه تاني و اول ما بترجع الدوسه بترجع لطبيعتها ... ممكن تروح الوكيل و يكشفلك علي الفرامل لكن غالبآ هيقولك غيرنا تيل و عملنا فحص شامل و كلها بقي تمام .. و ربنا يسترها

[kashtoot]

جزاكم الله خيرا و أنا إن شاء الله هحجز فى التوكيل و هخليهم يبصوا على الفرامل

[shooter1234567]

يا نهار اسود الفرامل؟؟؟؟؟؟؟؟؟؟؟؟؟؟؟
دي اسوأ حاجة ان الواحد يجي يدوس فرامل ميلقيش يا ليله طييييييييييييين ده نا بجري اوي وبقف علي اكصدام اللي ادامي يا جدعان
بس الحمد لله فرامل اللانسر حوار تاني غير اللانوس خااااااااااااالص لان انا كان معايا لانوس قبل الاللانسر

عموما ربنا يحفظك من شر الحوادث وروح شوف هوا الفرامل وراجع علي الماستر العمومي

[amro1965]

حصلت معايا فى سيارتى الريجاتا والحمد لله انا كنت ماشى على الثانى وهادى وجيت ادوس فرامل كأنى بدوس على سفنج مفيش فرامل خالص
اجى اكارك فرامل تيجى وتهرب تانى زودت زيت فرامل الفرامل عاده مظبوطه
الا انى متريب خيفه من المشى على السريع وترجع ريما لعادتها القديمه
بعد البحث فى المنتدى استخلصت الاتى لعلها تفيدك
اولا مع الحر والرطوبه ممكن المواسير تعرق ومع الزيت يفقد كفائته فتحدث عدم وجود فرامل رغم وجود زيت بالاربه
ثانيا : ممكن ترك الزيت بدون تغيير فترات طويله ممكن يفقد فعاليته
هذا والله اعلى واعلم

[michohat]

كانت عندي المشكلة دي وكان سببها حاجه اسمها الطاقية من الكاوتش كده وشبه الطاقية فعلا لما غيرتها الموقف مش اتكرر تاني

[aboomar22]

مشكلة مستر عمومى لازم يتغير حصل معايا وربنا ستر دوست فراميل لاقيت مفيش فرامل نهائى بعدها ادوس اشتغلت عادى جدا وجربت 100 مرة كل تمام بس بعد مارجعت غيرت الماستر العمومى والحمد لله

[amagroup]

ايه الرعب ده ربنا يسترها

[ma7med]

الحمد لله ربنا ستر