ياترى مشكلة بطارية ولا دينامو ولا ايه؟؟؟

[أبو_يوسف]

السلام عليكم
العربية بقت دلوقت لو اتحركت بها مشوار طويل شوية وبطلتها ورجعت ادورها ماتدورش تدي صوت كانها هاتدور وبعدين تبطل ومع تكرار المحاولة صوت الدوران بيروح وبيبقى صوت تكتكة بس ولما العربية بتعمل كدا وماتدورش تلاقي كل حاجة اشتغلت .. الراديو والسنتر والانذار وبتبقى الانوار شغالة وقوية عادي
وبعد ما اركن العربية فترة ترجع تدور عادي خالص
ولو كان المشوار قصير مايحصلش مشكلة وتدور عادي بعد المشوار
مع العلم ان البطارية فيها المؤشر اللي بيبين صلاحيتها (العدسة) ومازالت على اللون الاخضر!!
ياترى مشكلة ايه واكشف على ايه؟

[mohamed137]

مشكلة موبينة على ما اعتقد

[salsat]

مشكلة موبينة على ما اعتقد

[أبو_يوسف]

طب لمزيد من التوضيح
البطارية دي بقالها حوالي 3 سنوات وعاملة 45 الف كيلو
واللي قبلها كانت عملت معايا النظام دا لحد مغيرتها والدنيا اتظبطت مع اني كنت مستبعد انها تكون مشكلة بطارية لان انوار العربية والكاسيت وكل حاجة كانت شغالة تمام وكانت مشكلة التدوير بس ولما غيرت البطارية اشتغلت
المرة دي نفس النظام بس برضه مش قادر اقتنع انها البطارية لان كل حاجة بتشتغل وكمان المؤشر بيقول انها سليمة
ولاني كمان مجرب موضوع موت البطارية في عربيتين قبل كدا (فابيا - نوبيرا) وكانت كل حاجة بتموت معاها تماما
انما اللي بيحصل دلوقتي ان كل حاجة شغالة
اعمل ايه علشان اتأكد تمام اذا كانت البطارية سليمة ولا بايظة
ومين اللي بيكشف على الموبينة؟ كهربائي ولا ميكانيكي

[m7mda7md]

مبدأيا يا باشا نقطه ان البطاريه قعدت 3 سنين دي حاجه كويسه ......نضف كابلات البطاريه بمياه ساخنه او اسبراي wd-40ممكن يجيب نتيجه مؤقته

[أبو_يوسف]

غيرت البطارية والامور اتظبطت والحمدلله..

[pop_king3]

الحلوه فيها ربه شيع وكل سنه وانت طيب ومبروك عليك العروسه الجديده

[أبو_يوسف]

الله يبارك فيك يا استاذي..
وفي حالة تلف الربع بينفع تصليح ولا الصح تغيير على طول؟

[Dr.M_baz]

أعتقد الجافه لا يمكن تصليحها.....أحسن أنك ريحت نفسك و غيرتها.