عاوز اركب فتيس اتوماتيك على جولف 2 ؟؟؟

[kotoz99]

السلام عليكم ...رمضان كريم عليكم كلكم وربنا يبلغنا ليلة القدر
لو سمحتم معايا جولف 2 موديل 89 مكنة 1300 كربيراتير عادى
عاوز اركب عليها فتيس اتوماتيك ....هل ينفع
سالت وسمعت ان فى نوعين من الفتيس الاتوماتيك ...فتيس اتوماتيك ...وفتيس اتوماتيك كهربا ....
الصراحة مش عارف الفرق اية بينهم
ولا عارف ان هغير اية فى المكنة عشان اركب الفتيس
وسمعت كمان انى لازم اغير ريداتير المكنة عشان اقدر اركب فتيس اتوماتيك
انا عاوزكم ترسونى انا هجيب اية وهغير اية فى المكنة عشان اركب الفتبس الاتوماتيك ...واية الفرق بين نوعين الفتيس الاتوماتيك العادة والكهربا ...وسعرهم فى حدود كام لو سمحتم
ياريت فى اقرب وقت عشان عاوز اغير قبل العيد
سلامى للجميع

[chiko]

لو عندك الماتور الاسود اللي هو ده




يبقي مش هتغير حاجه و الفتيس اللي هينفع عندك هو الاتوماتيك العادي مش الكهرباء

هتشتري الفتيس و السلك بتاعه و الكنصول و العصايه بالقاعده كامله و متنساش الاسلاك و المكنه بتاعتهم .. و سعر الفتيس من 500 الي 800 انا اشتريته من الحرفين و خليته يفكه من نص عربيه شيروكو و اخد التصفيح و القواعد و السلك و المكنه و حسبهولي 400 بعد الفصال .. بعض الناس شايفه ان سعر ببلاش .. لكن هو ده اللي حصل ..

[kotoz99]

سلام عليكم ...ازيك يا شيكو ...رمضانك كريم
المكنة بتاعة عربيتى مش زى الى فى الصورة بتاعتك
مكنتى 1300 زى دى بالظبط


ها دى هيلزملها فتيس اتوماتيك عادى ولا كهربا ........وياريت توضحلى الفرق بين الاتوماتيك العادى والاتوماتيك الكهربا

[chiko]

الله اكرم كل سنه و انت طيب
هي هي مفيش اختلاف غير في السي سي ..لكن القواعد واحده ... انت كل اللي محتاجه فتيس اتوماتيك بالسلك اللي هو سلك البنزين و سلك الفتيس و سلك العصايه و اتنين كبالن و كنصول بالعصايه كامل

الفتيس هيركب عند الميكانيكي عادي و الكنصول و هتروح للكهربائي يوصلك مكنة العصايه

بس فيه نقطه مهمه .. ماتور 1300 ضعيف علي الاتوماتيك يعني مش هتحس بعفية في العربيه لان الماتور ضعيف عليها ..

[kotoz99]

باكد تانى ...المكنة كربراتير عادة ....مش انجكشن

[kotoz99]

شكرا جدا يا شيكو
بس معنى كلامك انو هيبقى فتيس اتوماتيك عادة بدون حساسات ؟؟؟ صح...دا لازم جولف 2 ولا يمشى بتاع جولف 3 او عربية تانية؟؟
وتقريبا يعملو كام ....والكنصول الى يتقول علية كام
وكمان قلت اغير الكبالن ؟؟ ...........هل كمان اغير الريداتير عشان التبريد للفتيس ولا الجولف مختلف ؟؟
اممممممممممم لو غيرت المكنة اشيكو يبقى هفتح جامد وبكدة ابيع واجيب جولف 3
بس هتبقى وحشة يعنى بمكنتها ال 1300؟؟؟؟

[chiko]

شوف موديلات جولف وان و تو و شيركو 1 و 2 العربيات ده كلها نفس الماتور و الفتيس و الشاسيه و العفشه ..

يعني اللي يركب عندك فتيس جولف 1 او 2 الاتنين واحد و مفهمش اي اختلاف و الفتيس ده مفهوش اي حساسات لانه موديل قديم ... و بسيط و متين يعني من الاخر مش هسببلك وجع راس في التعديل و الصيانه و مش هتحاج تغير رادراتير لانه ملهوش تبريد .. و ملهوش اي علاقه بالماتور اذا كان كربرتير او انجيكشن لانه شغال علي ذراع و الذراع واصل له سلك بدال البنزين و سلك من الذراع الي الكربرتير .. يعني الفتيس هو اللي بيحرك الكربرتير ...

و هتحتاج تغير الكبالن ..لان ممكن تلقي اختلاف في الطول .. يفضل طبعآ تجيب الكبالن اللي راكبه علي الفتيس اللي هتشتريه ..

سعر الفتيس هتراوح ما بين 500 الي 800 .. و الكونصول حوالي 250 الي 300 ج و الكبالن حوالي 300 الاتنين لو حاجه ممتازه و كل ده موجود في الحرفين .. و موجود بكثره ..


اما موضوع جولف 3 .. ده مختلفه تماما و مش ممكن تركب حاجاتها عندك بخلاف الماتور

[kotoz99]

جميل جدا يا شيكو ربنا يبارك فيك
وبالنسبة للدواسات ؟؟
وكمان انتا قلقتنى من موضوع ان المكنة 1300 .....هل هيبقى الوضع اسوا من الفتيس العادة ولا هرتاح ...والسحب هيبقى تمام ولا ؟؟؟
وياريت تفهمنى الية عمل الفتيس دة يعنى هيبقى فى r و n وكدة ولا مختلف عن دول ....

[chiko]

مفيش اي مشكله في الدوسات ... هتشيل بدال الدبرياج بس ... و بخصوص الماتور لو ماتور كويس و حالته كويسه .. هيشتغل كويس .. لكن لو تعبان .. مش هيسحب كويس .. لو دوست عليه مش هيديك القوه اللي بتلقيها في الفتيس العادي ..و الغيارات زيها زي اي عربيه p n r 1 2

[kotoz99]

طب سؤال اخير ...هل لو جبت فتيس ال 1600 هيركب على المكنة ال 1300 بتاعتى
انا بفكر ازاى ...ان مهما مر الوقت هيجى يوم واعمر المكنة ال 1300 بتاعتى ...فبفكر بدل ما اعمر اجيب مكنة 1600 وبالمرة اركب تكييف ....فعاوز اجيب الفتيس بمشى مع المكنة فى المستقبل ....هل ينفع ولا الفتيس ال 1600 ميمشيش مع المكنة ال 1300؟؟؟

[chiko]

الفتيس واحد مفهوش اختلاف ..لكن لو هتغير .. هات ماتور بالفتيس مقفول .. هترتاح

[kotoz99]

تمام جدا كدة ...تنصحنى اروح بورسعيد انضف ولا اخلينى فى الحرفيين ...والمكنة 1600 تبقى عاملة كام ؟؟ ولو جبت مكنة اجبها جولف 3 انضف ؟؟

[chiko]

الحرفين زي بور سعيد .. و يمكن تلقي فيها حاجات اكتر .. و ماتور الجولف 3 ميركبش عندك و لا علي الفتيس .. و سعر الماتور حوالي 1800 بالتكيف حاجه محترمه ..

[kotoz99]

تمام يا شيكو ربنا يبارك فيك انتا كدة ظبتنى...ربنا يبلغك ليلة القدر يا سيدى

[pop_king3]

هتروح بعيد ليه 01008090209