بخار زيت من الكروونة

[H.ibrahim]

السلام عليكم و رحمة الله وبركاته
اولا : انا عربيتى لادا 2105 موديل 94 موتور 1200 سى سى بغير زيت فى امارات مصر - انا بحط الزيت السايب هو لمدة 3000 كم بس انا بغيره على 2000 الى 2500 كم ومتعود عند تغيير الزيت ان لازم اتاكد من جميع زيوت العربية ( الفتيس والكرونة ) المهم امبارح روحت غيرت الزيت و العامل بيتاكد من زيت الكرونة و جده ناقص 0.5 كيلو و قالى ان فى بخار زيت من عند عمود الكردان ( فى الغالب اويل سيل او حاجة ) وبيقولى انه مش بينقط ده عبارة عن بخار بس اسفل العربية .ياترى الكلام ده صح ولا ده افتكاسة و فتوى وخلاص ؟
و هل فى خطورة اذا سبتها شوية و لا ممكن ادخل فى قصة كرونة و مشاكلها و طبعا انتو عارفين اسعار صيانتها ممكن تتكلف اد ايه ؟

[Ahmad Allawy]

اا اول مرة اسمع عن حوار البخار ده..
لكن اهم حاجة اقولهالك عن تجربة.. زود الزيت دلوقتي مش بكرة حتي..
عشان لو الكرونة ضربت.. هتدبس في حوار بايخ قوي و ممكن متلاقيش منها نضيفة دلوقتي..
انا عن نفسي في عربية 125 مغير 3 لحد ما لقيت واحدة نضيفة..
موضوع ممل قوي..
ريح دماغك و اطمن علي الاويل سيلز.. و زود الزيت.. و اشتري دماعك..

[ahmedsrs]

فى اويل سيل وده بحوالى 20 جنيه عند اتصال الكردان مع الكرونة ده لو ضرب بيطرطش زيت عند بطن العربية وفى الطبب وممكن اويل سيل الأكسات بس ده بيجيب زيت على جنط العجلة من جوه اليمين او الشمال ومفيش حاجة اسمها بتبخر

[Xpert]

الكرونه بتبخر ... عاوزه عمره هههههههههههههههههههههه
لاء يا باشا بص ... الكرونه غالباُ فيها حاجه بترشح زيت ... هاتفك الكرونه تغير جوان او اويل سيل .. موضوع بسيط يعني .. و تقفلها تاني ...
نو بروبلم خالص و لا تقلق ... بس ماتسيبهاش كده علشان ماتلاقيش الزيت فضي و تخرب الكرونه ...

[Ahmad Allawy]

مشكلة كرونة اللادا و الشاهين و ال125 انها لو الزيت قل شوية..
يبقي كده شكرا.. بتبوظ و تون و تنحر بقي و خلاص علي كده..

[H.ibrahim]

اشكر كل من ساهم بوقته وخبرته فى الرد على العبد لله .
انا فعلا امبارح روحت للميكانيكى و نزل تحت العربية وبص عليها و قاللى دور عربيتك وامشى مفيش فيها حاجة و الراجل ده ثقة بس برضوه انا قلقان مش عارف من ايه - يمكن علشان زميل لى فى الشغل معه شاهين 97 جابت كرونة من يومين وهو مسافر اسكندرية وجاب العربية على ونش و كلفت حوالى 2600 جنيه مش عارف بصراحة ( دى وسوس و لا ايه )

[Ahmad Allawy]

عشان تطمن..
اطلع علي اقرب بنزينه و زود زيت الكرونة.. و الراجل اللي هيزود هيقولك ناقص ولا لأ..
لو ناقص يبقي في تسريب فعلا..
و هتعرف من كمية الزيت اللي هيزودها..
لو ناقص حاجة بسيطة خلاص مش مشكلة.. لكن لو ناقص كتير يبقي تعمل الاويل سيل و الجوان دول..
و تريح دماغك..

[mohamed2002]

طيب يا جماعة انا برضة معايا 2105 ,لقيت الكرونة تحتها زيت والزيت كل الاسفلت ,بس مش سامع صوت ونه يكون اية دة؟؟؟

[Ahmad Allawy]

متستناش لما تسمع صوت ونه بقي..
روح تمم علي الزيت و خلاص..
في مصل بيقولك الوقاية خير من العلاج..
و طعموا ولادكو و ريحوا بالكو.. :) :)

[mohamed2002]

متستناش لما تسمع صوت ونه بقي..
روح تمم علي الزيت و خلاص..
في مصل بيقولك الوقاية خير من العلاج..
و طعموا ولادكو و ريحوا بالكو.. :) :)

شكرا لردك استاذ احمد

[Ahmad Allawy]

يافندم لا شكر علي وواجب..
انا تحت امرك..