ساعدوني ارجوكم .. العربيه زيرو وفيها مشكله

[ibn_seena]

السلام عليكم
كل عام وانتم بخير وعيد سعيد علي الجميع

انا معايا اوبل كورسا الجديده عامله 1500 كيلو
العربيه كانت في الاول تمام .. لحد ما بدات الناس تشوفها
ومن ساعتها والعربيه محسوووودة

المشكله بقي
العربيه خدت خبطتين محترمين من تحت واحده في بلاعه والتانيه في قالب طوب
..
وفضلت زي الفل بعد الخبطتين دول اسبوع وبعدها بقيت لما باجي ادور العربيه الصبح ال rpm بيكون اول ما ادورها علي 1200 تقريبا وفجاه ينزل جاااااامد والعربيه تقعد تكركر وتقوم جايه مبطله وساعات ما بتبطلش وال rpm يعلي تاني من غير ما ادوس بنزين

العربيه زيرو ومع ذلك فيها مشكله
والله الواحد كره نفسه
يا ريت يا جماعه لو حد يعرف المشكله دي من ايه يعرفني لان التوكيل هيفتح يوم الاربع وانا بصراحه مش قادر استني للاربع وزعلان جدا
وتحيه لكل اعضاء منتدانا الجميل

[mrghost]

انت بتحط بنزين ايه
ممكن يكون عيب بنزين

[ibn_seena]

انا حطيت فيها تقريبا تلت او اربع تفويلات. ... كلهم 92. بس في مرة في النص حطيت صفيحه 95. وبعدها اشتغلت عل 92 تاني بس فعلا حاسس ان العربيه ما بقتش عاوزاه. ... . ومبرجله كدا وعزمها قليل. .....
طب ممكن نعمل. reset. للكنترول يونت ؟؟؟ ويا تري ده يتعمل ازاي ؟؟؟

[moh2006oraby]

السلام عليكم
ده مش موضوع بنزين
ده من الخبطة الأيديل كونترول أتحرك و أتبرجل
روح التوكيل يظبطه
و شكرا

[فادى محمد]

ماتقلقش بسيطه جدا
حساس ايدل كونترول او تي بي اس
الايدل بيتنظف والتي بي اس بيتغير ومش غالي

[ibn_seena]

الف شكر لكل من اهتم بالموضوع انا هروح التوكيل باذن الله وهعرفكم ايه اللي هيتم بالظبط

[smsm_nabawy]

سيدي الفاضل موضوع البرجلة على السلانسيه ده حساس الأيديل !!

و ده لازم تروح للتوكيل تقولهم العربية لسه جديدة و بتبرجل على السلانسيه !!!!!!!!

متقولهمش أي حاجة عن خبطة ولا بتاع !!!!

لن الخبطة ملهاش علاقة بده !! بس أنت لو قلتلهم ممكن مع فائق أحترامي لحرضتك طبعاً !! يستغلوا مثلاً جهلك بالأجزاء الميكانيكية بتاعت العربية !! و كيفية شغلها و يقولوك دي الخبطة عملت كده

مع ان ده مش صحيح ! مينفعش خبطة تأثر على حساس جوا الثروتل نفسه !! و تهزة !! لأن معنى كده أنك لو أخدت مطب عفي مثلاً !! حيتهز الحساس ده و يتأثر !!!!!

و ده مش موجود اصلاً!!! و مينفعش !! و مابالك بعربية ألماني !! :)

عربيتك لسه في الضمان !! حقك أنهم يكشفوا عليها كمبيوتر من غري حضرتك متدفع ولا مليييييييم !! و الي فيها يتغير أو يتصلح دي مشكلة حساسات!!


سيدي الفاضل ملحوظة كمان !!

متحطلهاش بنزين 95 و تنزل بعد كده لل 90 لأن ده بيأثر على اللامدا سنسور !! و بيبرجلها !!

عربيتك عايزة 95 بس !1 و تقريباً ده الموصى بيه في الكتالوج !! أنا مش متاكد من الموضوع ده !! بس حسب كلام صحابي الي معاهم العربية دي!!! انها بيتحطلها 95 أقل حاجة !! :)

[ibn_seena]

سيدي الفاضل موضوع البرجلة على السلانسيه ده حساس الأيديل !!

و ده لازم تروح للتوكيل تقولهم العربية لسه جديدة و بتبرجل على السلانسيه !!!!!!!!

متقولهمش أي حاجة عن خبطة ولا بتاع !!!!

لن الخبطة ملهاش علاقة بده !! بس أنت لو قلتلهم ممكن مع فائق أحترامي لحرضتك طبعاً !! يستغلوا مثلاً جهلك بالأجزاء الميكانيكية بتاعت العربية !! و كيفية شغلها و يقولوك دي الخبطة عملت كده

مع ان ده مش صحيح ! مينفعش خبطة تأثر على حساس جوا الثروتل نفسه !! و تهزة !! لأن معنى كده أنك لو أخدت مطب عفي مثلاً !! حيتهز الحساس ده و يتأثر !!!!!

و ده مش موجود اصلاً!!! و مينفعش !! و مابالك بعربية ألماني !! :)

عربيتك لسه في الضمان !! حقك أنهم يكشفوا عليها كمبيوتر من غري حضرتك متدفع ولا مليييييييم !! و الي فيها يتغير أو يتصلح دي مشكلة حساسات!!


سيدي الفاضل ملحوظة كمان !!

متحطلهاش بنزين 95 و تنزل بعد كده لل 90 لأن ده بيأثر على اللامدا سنسور !! و بيبرجلها !!

عربيتك عايزة 95 بس !1 و تقريباً ده الموصى بيه في الكتالوج !! أنا مش متاكد من الموضوع ده !! بس حسب كلام صحابي الي معاهم العربية دي!!! انها بيتحطلها 95 أقل حاجة !! :)

متشكر جدا لرد حضرتك. بالنسبه للتوكيل. فباذن الله هروحلهم بكرة ومش همشي غير لما المشكله تتحل ان شالله لو فيها خناقه. هوقفهم علي ايد ورجل لحد لما المشكله تتحل. والمشكله دي بتظهر والعربيه بارده وانا صورت الار بي ام فيديو الصبح وهو بيرقص علشان احط صوابعي في عينيهم. ..والبنزين مكتوب في الكتالوج بتقبل بنزين من اول 91 لحد 98. وانا ممشيها علي 92

[smsm_nabawy]

بظبط متحطلهاش 90 مشيها على 92 علشان متبرجلش حساسان

و العفو يا أخي في الله !! ربنا يوفقك أن شاء الله و تتحل المشكلة و يطمان قلبك :)

[ibn_seena]

انا متشكر جدا جدا لرد حضراتكم العربيه كان فيها بوجيه سلكه مش مظبوط والحمد لله العربيه بقت تمام واللي لاحظته اكتر ان استهلاك البنزين ظبط خالص. .. العربيه كانت بتاكل بنزين مع انها 1400

[smsm_nabawy]

يا نهاار ابيض!!!

الحمد لله أنك لحقتها بدري !! احسن التتليته دي وحشة اوي :((

المهم أنها طلعت حااااجة سليمة الحمد لله !! ولا حساسات ولا حاجة :)

[ibn_seena]

يا نهاار ابيض!!!

الحمد لله أنك لحقتها بدري !! احسن التتليته دي وحشة اوي :((

المهم أنها طلعت حااااجة سليمة الحمد لله !! ولا حساسات ولا حاجة :)

وحشه في ايه يا باشا. ؟؟ يعني ممكن تاثر عالعربيه في حاجه ؟؟ ولا هي كل مشكلتها التدوير بس! !! والحمد لله.

[Moratoz]

انا عربيتي a5 وساعات كانت بتبرجل كدة في الدوارة او المشي تحس ان العربيه تقيله قوي وطلع بردة سك من سلوك البوجيهات مهزوز ودوست عليه كويس والحمد لله اتحلت المشكله

[ibn_seena]

انا بعتذر عن خطأ مطبعي
انا لسه جاي من التوكيل وحكيتله علي اللي كان بيحصل في العربيه. حطها علي الجهاز ما قرتش حاجه خالص. ... فقلتله ان في سلك بوجيه انا قعدت ادوس عليه كدا واعدله ومن ساعتها والعربيه مظبوطه. .. قاللي العربيه دي ما فيهاش بوجيهات بسلوك. .
!!!!
قلتله طب تعالي بقي اما اوريك انا دست علي ايه. فتحنا الكبوت و شاورتله عليه قاللي دا حساس الاكسجين. ... وداس جامد علي كلبساته وقاللي لو عملت تاني لازم تبيتها عندنا علشان نشوف العربيه فيها ايه بالظبط. ..
بس في حاجه. لراجل ده كشف علي العربيه بجالاكسي اس 2. وجهاز

obd2 bluetooth
انا الجهاز ده لقط اسمه ودورت عليه لقيته بيتباع في امازون ب 13 دولار

http://www.amazon.com/gp/aw/c.html/ref=aw_ol_c_nq_2

انا عاوز حد يجيبهولي هنا مصر يا تري فين الشركات اللي تعمل كدا.
بس انا عاوز اديهم اللينك يجيبوهولي. مش عاوز عناوين في امريكا والكلام ده

[smsm_nabawy]

شوفت !! طلع حساس !! :))))

مش بوجيه !!

عموماً البلوجيه لو العربية أتسابت متلتة كتير كده بتحمل على الكرنك بتاع الموتور و البلي بتاعه و ده غلط